بسم الله الرحمن الرحيم
السلام عليكم
اخباركم شباب وصبايا ..ان شاءالله تمام
مشكلتي مشكله عندي نسبه والله الولد وهو الولد ماجابها <<من الفشل اللي فيني
لا والله موب فشل بس كنت ابي ارسب ونجحوني بالقوه

النسبه الله يسلمكم هي لاحد يضحك

<<تراني اتفشل ويطيح وجهي اذا قلتها ومن زود الفشيله كل من سالني كم نسبتك انا وخشتي ارز خشمي واقول 80بالميه <<امحق

خلاص لاطولها وهي قصيره اقول لكم انا راح احط لكم نسبتي وانا من الرياض وليت تقولون لي وش الكليه او الجامعه اللي بتقبلني ولا معهد
وطبعا انا وخشتي مابي ادخل بفلوس ابي بلاش وابي عادي يانتظام او انتساب مايفرق وطبعا من غير واسطه لاني مابي ادخل بواسطه <<ماعندي من يدخلني بواسطه

وانا سالت وشفت ان كليات القرى المجاوره ل الرياض هي اللي بتقبلني
بس مو سالت سؤال كذا بالوجه عن النسبه لا سؤالي كان وش اخر نسبه يقبلون
قالو الى 60<<موب ذي نسبتي نسبتي تحت
وانا عاد ابي همتكم وتكفون الفزعه وتعرفون هالشهر بدا التقديم على المعاهد والكليات وليت تساعدوني
تكفووووووووووووون لاتطنشوني حطو نفسكم مكاني

والله ثم والله ان اللي فيني موب فشل ولا اهمال لا والله اللي فيني هو كنت مابي ادرس ثالث ذيك السنه لاني عارفه ماراح اجيب نسبه لاني ماشديت على نفسي
وكنت بابطل بس الوالده الله يهديها ارفضت ولا بغيت اكسر كلمتها قلت لها ابدرس بس تراني ماراح اجيب نسبه وبتشوفين وحاطه براتسي اذا ماذاكرت ولا لا حليت راح يرسبوني
وربي ماكنت امسك كتاب مع ذلك نجحوني تصدقون اول مارحت استلم شهادتي انهبلت جتني الصيحه مابي انجح
وربي كنت ادعي اني ارسب بعد من زود الخبال كنت ناويه اروح لوزاره التربيه والتعليم واقول لهم راجعو اوراقي ورسبوني بس كلن وقف بوجهي

طبعا اهلي وصدقاتي

نسبتي الله يسلمكم هي

58.65 <<يمديكم دافوره صح :o
جد نسبه تفشل ولا وش رايكم

وانا من خريجات السنه اللي راحت..1426/1427هــ

تكفوووووووووووووون ردو علي ولاتطنشون لو تكتبون كلمة فاشله تكفي
على الاقل احس ان احد عبرني <<عاد لاتصدقون اللحين ادخل على الموضوع القى ردودكم كلها فاشله هههههههههههه
بعد انا وخشتي جايبه هالنسبه وانكت
ماعلينا ماطول عليكم والله يوفق اللي يساعدني ويقول لي وش اللي بيقبلني
وشكررررررررررررررررررررررررررررررررا والسلام خيرختام

والسلام عليكم ورحمة الله وبركاته

اوووووووووووووووووووو نسبه حلووووووووووووووووه

اقوووووول مالك الا الدورات حاسب وانجليزي ومحاسبه ولافضل محاسبه

اقوووووووووول مالك الاتغييييييييييري اسمك وتعيدي الثانوووووووووووية من جديد يمكن تنعكسسسسس النسبة

تصدقين اني الان اقتنعت بان [ القياس ] مفيـد !
تدرين لو انك مختبره [ قياس ] اللي هو القدرات
كان رفع معدلك .. وممكن توصل لـ 70 !
شوفـي مالك الا كليات المجمتع .. بس مدري هل فيه للبنات او لا !
حاولي تدخلين على [ قوقل ] وتسوين بحث من هناك عن الكليات !

صباح الورد حبيبتي ...
فيه في جامعة الملك سعود انو تدخلين اول ترم بفلوس ... بعدين اذا جبتي نسبة عالية أول ترم يخلونك تكملين عادي منتظمة !

شوفي المعاهد الصحية بس الدراسة بفلوس لكن ماهي بغالية ومعظم اللي تخرجوا منها تعينوا

يااااااااوخيتي وش هالنسبه <<بسم الله لا احد يصكك بعين
<<<
ماااااااااالك الا الواسطه او انك تدرسين بفلوووووووس
<<ادري حلي مو من زينه بس قلت ادعمك معنويا وارد

ودي ادور لك حل بس مالقيت
الله يهل امورك ويوفقك

عطيني الثانويه حقتك تدخلـني عسكري ههههههههههههههه

< يقول ياليت عنده الثانويه بنسبـه 50 في الميـه هههههههه بس يدخل عسكريه ولا اي مجال ::::: كل مانكلم واسطه يحط عذره بالثانويه يقول جيب ثانويه لو تقدير ضعيف ادخلك ههههههههه< ابي احجر لهم اشوف الهياط حقهم هع

يانسبـ58< ـه لو عندك ][ نسبـ][ وٍ][ــه< يعني واسطه تدخلي. اي شي تبي لو ماعندك تزوجي وفكي راسك من الدراسه< الله يوفقك

هلا والله ارحبووووووووووووا تصدقون اني داخله بااكتب تهزيئ محترم لاني عارفه محد عبرني غير عاطل ويوم دخلت انصدمت سبع اردود مرتن وحده يحليلكم
والله انبسطت على الاقل احد عبرني
تصدقون بردودكم علي كني جايبه نسبة 99 وشوي <<امحق هههههه
يله بابدا بالرد على كل واحد

اقتباس:

المشاركة الأصلية كتبت بواسطة د / عاطل اوووووووووووووووووووو نسبه حلووووووووووووووووه اقوووووول مالك الا الدورات حاسب وانجليزي ومحاسبه ولافضل محاسبه

ياهلا عاطل رفعت من معنوياتي جد نسبتي حلوه حلت ايامك :o
وبصراحه رايي من رايك مالي الا الدورات احسن لي وافيد لي وعشان كل ماجيت اقدم على وظيفه يبون شهادات الله يقلقهم وانا الحمدالله عندي خبره بالحاسب بس موب مصدقين الا بشهاده
الله يجزاك خير وشكرا على ردك

اقتباس:

المشاركة الأصلية كتبت بواسطة العاطل911 اقوووووووووول مالك الاتغييييييييييري اسمك وتعيدي الثانوووووووووووية من جديد يمكن تنعكسسسسس النسبة

ياهلا وغلا وكلكم نكاتكم عاطلين شكلي باقلب نكي من ريم للعاطله وبصف معكم
تصدق فكره اني اغير اسمي <<ادخلت مزاجي من بكره بسويها ههههههههه حرام عليك لاتنكت جد وش اسوي عاد تدري ابوي هالفالح يقول وش رايك لو تدرسين ثانوي من جديد بس يكون ادبي
<<ومن الفالحه هالنسبه وعلمي <<مالت
عاد تشوف اهلي افطسو ضحك عليه وبعد مصدقين ويقولون خير يكون معها شهادتين وبعد علمي وادبي ههههههههههه والله عايله مصرقعه

وشكرا على ردك وجزاك الله خير
ولو السالفه سالفة تغيري اسم كان غيرت اسمي ل ريان وعشت حياتي هههههههه

اقتباس:

المشاركة الأصلية كتبت بواسطة .::عبدالله::. تصدقين اني الان اقتنعت بان [ القياس ] مفيـد ! تدرين لو انك مختبره [ قياس ] اللي هو القدرات كان رفع معدلك .. وممكن توصل لـ 70 ! شوفـي مالك الا كليات المجمتع .. بس مدري هل فيه للبنات او لا ! حاولي تدخلين على [ قوقل ] وتسوين بحث من هناك عن الكليات !

هلا والله ب عبدالله الحمدالله منتب عاطل ولا كان تعقدت
بالله البنات عندهم قياس ولا قدرات انا اعرف انه عند العيال بس
ايه عندنا كليات المجتمع ابشوف وش نبي بقوقل ابروح لهم احسن لي
<<بعد جايبه هالنسبه وبتروح
الله يعين والله يوفقك اخوي
وشكرا على ردك
جزاك الله خير

اقتباس:

المشاركة الأصلية كتبت بواسطة روح الحياه صباح الورد حبيبتي ... فيه في جامعة الملك سعود انو تدخلين اول ترم بفلوس ... بعدين اذا جبتي نسبة عالية أول ترم يخلونك تكملين عادي منتظمة ! والله يوفقك regards,

هلا ب روح الحياة ونكك مره روعه
وياصباح الليل وسمعت باللي بجامعة سعود بس يقولون كلها خساير فلوس وبالاخير يرسبونك ونادر مافي بنات ينجحون وحده من صديقاتي داخلتها وتقول اني شاده علىنفسي وبالاخير رسبوها
ويمكن ادخلها احتمال
وجزاك الله خير وشكرا على ردك

اقتباس:

المشاركة الأصلية كتبت بواسطة طالبة كبيرة شوفي المعاهد الصحية بس الدراسة بفلوس لكن ماهي بغالية ومعظم اللي تخرجوا منها تعينوا

هلا وغلا بالمشرفه نورتينا والله فكره حلوه المعاهد الصحيه بس انا مخليتها اخر شي
اذا مالقيت شي رحت لهم
وشكرا على ردك وجزاك الله خير

اقتباس:

المشاركة الأصلية كتبت بواسطة طموحها زايد شويه يااااااااوخيتي وش هالنسبه <<بسم الله لا احد يصكك بعين <<< ماااااااااالك الا الواسطه او انك تدرسين بفلوووووووس <<ادري حلي مو من زينه بس قلت ادعمك معنويا وارد ودي ادور لك حل بس مالقيت الله يهل امورك ويوفقك

ياهلا والله وشكرا على ردك
ههههههههههههههههه اما احد يصكني بعين قويه تعرفين عاد ماحد يجيبها تصدقين اني حطمت الرقم القياس قويه بنت وهالنسبه هههههههههه
وحلو حلك ويازين دعمك ياليت كلن يدعم هالدعم
<كل اللي عندي يحطمون مالت على خششهم
وجزاك الله خير ويالبى قلبك والله ازين حل
والله يهل امورك ويوفقك <<وش ذي يهل والله يهل امورك بعد انتي ههههههههههههه
بس حلوه يهل هههههههههه<<تموت بالتعليق
والله يوفقك ويسعدك

اقتباس:

المشاركة الأصلية كتبت بواسطة عاطل مكه عطيني الثانويه حقتك تدخلـني عسكري ههههههههههههههه < يقول ياليت عنده الثانويه بنسبـه 50 في الميـه هههههههه بس يدخل عسكريه ولا اي مجال ::::: كل مانكلم واسطه يحط عذره بالثانويه يقول جيب ثانويه لو تقدير ضعيف ادخلك ههههههههه< ابي احجر لهم اشوف الهياط حقهم هع يانسبـ58< ـه لو عندك ][ نسبـ][ وٍ][ــه< يعني واسطه تدخلي. اي شي تبي لو ماعندك تزوجي وفكي راسك من الدراسه< الله يوفقك

ياهلا وغلا ورجعنا لنفس النك عاطل الله يعيني والله يرززقك بالوظيفه اللي تتمناها
بس تبي الثانويه ماتغلى عليك تستاهل
ولو سمحت احترم نفسك تقديري موب ضعيف تقديري هو مقبول شفت كيف الشطاره مايمديك
يعني حرام اخذ مقبول وتجي تقول ضعيف حطمتني ههههههههههههههههههههههه
وطيب ليه ماتدرس الثانوي ؟؟اعرف لك واحد متزوج ومامعه متوسط وعمره حدود 25
واللحين يدرس المتوسط مو الثانوي وانت حاول تدرس الثانوي ؟؟ والله يسهل امورك

لاحقه على الغثا والزواج خلني اعيش شبابي اللحين بعدين افكر بالزواج
ومن ناحية الواسطه ماجبت شي جديد والله يعين
والله يسعدك ويوفقك
وجزاك الله خير


وجزاكم الله خيررررررررررر جميعا وفقكم ربي
ويارب ياحي ياقيوم ان يرزق كل عاطل وظيفه
والله يوفقكم ويسعدكم ويرزقكم عاجلا غير اجل

ونتظر الردود السنعه اللي تجمد على الشارب هههههههههههههه اه بس لو عندي شارب كان اللحين متوظفه ومخلصه وبعد دارسه بالعسكريه هههههههههههههههه
الله يعين

لا تكدرين خاطرك وتتحطمين

لي بنت خاله ادج منك نسبتها 54 وكسور

اول شي ظفت لها كم دوره وقوة لغتها بعدين انتسب بفلوسها بجامعة الملك عبدالعزيز ادارة ومافي دورة ادارة الا تروح لها وعمل اداري لو خيري بس فيه شهادة خبره تحضره

وماشاءالله تخرجت والان تعمل في أحد البنوك الكبيره براتب لايقل عن 8000

المفيد من هالكلام وانا اخوك لاتتحطمين ابد وتقعدين طول عمرك تبكين على الي راح خلاص عاهدي نفسك ان الي فات مات وابدي من جديد وثابري وانشاءالله المستقبل قدامك و الله يوفقك و يوفق كل مسلم لما يحبه ويرضا