كيف تربح ؟

اللي يبغى يربح ... لابد يدفع مجانا في البداية .. عشان يكسب في النهاية ..

ستتعرض لصفعات في البداية .. ولكنها .. هي طريق النجاح ..

لأنها تعطيك عزم وقوة ..

أعرف وحدة ماشاء الله .. تبارك الله ..

تسوي طباعة وتصاميم ..

طلبت منها بنت انها تسوي لها بحث ، يشتمل على صور ، وعلى رسوم .. وكان البحث كبير .. وبصراحة البنت

اشتغلت فيه شغل رهيييب ... المهم .. جت صاحبة البحث .. وقالت باخذه أشوفه عشان لو فيه أخطاء أرجعه لك

تصلحينه .. وقالت بعطيك 50 ريال ، مع ان البحث مكلف حوالي 1800 ريال .. وخذت البنت البحث .. وإلى

الآن ما رجعته ولا أعطت هذي فلوسها ..

تقول البنت المصممة .. اني استفدت من هذي البنت فوائد كبيرة .. قلت مثل أيش ..

قالت .. في التصميم ، في الكتابة والطباعة ، في التعامل مع الناس .. الخ

،،،


ممكن تدفع من جيبك .. وتخسر ... بس في الأخير .. راح تربح ..

تشتغل مجانا ... عشان تشتهر .. ثم تربح ..

في بداية عملك .. اعمل مجانا .. أو قدم هدايا للزباين .. أو اعمل تخفيض كبير جدا

،،

مثلا .. أنا أعرف واحد .. عنده موهبة في التصميم .. راح لوكالة دعايات وإعلان .. وقال أنا باشتغل عندكم مجانا

.. وفعلا .. كان يشتغل مجانا .. يحضر مع العمال ، ويشوف شغلهم .. ويشتغل بيده ...وينفذ لهم اللي يبونه ...

لحد ما عرف كل أسرار الشغلة ..

واستمر ..

شهرين .. نصف سنة .. سنة كاملة ..

والحين فتح له وكالة دعاية وإعلان .. وصار يدخل ذهب ..


وفيه هندي .. اشتغل في شركة بويات ، لحد ما عرف أسرار تركيب البويات ..

راح لشخص وقال له .. انقل كفالتي عليك .. وأنا بأتكفل بكل شي .. وراح أعطيك شهريا مبلغ وقدره ..

هذا راح ونقل كفالته ..

الهندي .. اتفق مع كفيله الجديد انه يفتح له صنع بويات باسمه ، ووافق الكفيل ..

والحين البويات مشهورة .. ومتوفرة في الرياض خاصة ..

وزميلي شاف الهندي هذا .. راكب سيارة كشخة .. وهو مدير المصنع والمشرف عليه .

بنت من البنات كان عندها موهبة في تصميم البنرات الدعائية .. وكان شغلها كويس ..

بدأت بالتصميم مجانا .. وترسل للمنتديات .. والحين ما شاء الله شغلها ماشي .. وتكسب كويس ..

أعرف صاحب منتدى .. يقول أبغى بنات يصممون لي .. وفعلا .. يصممون له .. ويعطيهم حقهم .. وهم مبسوطين بالشغل معه ..

بل بالعكس .. اعرف صاحب منتدى فيه بنت هي اللي تصمم له حصريا كل شغله .. وما يتعامل مع غيرها .. ،،

لا تتوقعين تنجحين .. دون تعب ..

ولا تتوقعين تنجحين قبل ما تاخذين لك ( كف .. كفين ) ،

واحد ينصب عليك ولا يعطيك فلوسك ..

واحد يرسل لك بعض فلوسك ..

واحد .. واحد ..

لكن .. أهم شي .. انك ما تيأسين ..

،،

أهم شي ..

الإصرار ..

العزيمة ..

العمل الجاد ..
والتوفيق من الله ...

منقووووووووووووول

ماشاء الله تبارك الله موضوع قيم

اعمل الصعب وحاول في المستحيل لابد يكون هذا شعارنا

الإصرار يعطيك الأمل والنجاح وتحقيق الأرباح

مشكوره على الطرح

تحياتي

كلام عين العقل ( اعمل مجانا في البداية تحصل ذهب في النهاية) كيف المثال؟؟؟؟؟؟

الله يعافيكم

شكرا على المرور الكريم

يعطيك العافيه

الف شكر

وبالفعل لا بد الواحد ان يضحي بشي للحصول على افضل منه

ودي وتقديري

موضوع جميل

كل الاشياء تبدأ صغيره ثم تكبر

مثل قطرات المطر التي ينتج عنها الفيضانات والسيول الجارفه

مثل قطرة الماء التي تضرب في الصخر حتى تفتته

كلام درر

فعلا اغلب اصحاب رؤس الاموال بدؤا باشياء بسيطه

الله يوفقك على النقل الرائع

مشكورين عالمرور العطر

والله يوفقنا وياكم