01-04-2010, 11:57 PM
|
|
|
|
تاريخ التسجيل: Sep 2007
المشاركات: 10,367
معدل تقييم المستوى: 0
|
|
،’
ياموزع النعم خل النعم لاصحابه
ماينعطى غير للي يستحقونه
يستاهل النعم رجلٍ فاتحٍ بابه
للضيف وليا بغوه بحال يلقونه
اللي بوقت اللزوم يبين مضرابه
سيف(ن) تحده لزومه مايحدونه
والاالردي لاتقول ونعم يظرى به
يرهي على نعم وهوه قاصر ٍ دونه
ليا قلت له نعم قام يفتل أشنابه
يحسبك صادق ما يدري نعم وشلونه
يطمع بشيٍ يموت الخبل ما جابه
ثم قال أنا جبت نعم اللي يقولونه
بعض البشر يحلمون احلام كذابه
ومن لاعرف قدر نفسه عدّ طبلونه
يجيك مسرع مايدري ويش يبلابه
من قلة العرف ما يمشي على هونه
اما على اقرب قريب اشتال مشعابه
والا على الغافلين استلّ مسنونه
تناول الغايبين و كثروا أحزابه
اللي على قلة الخيره يدفونه
واهل العقول سكتوا ماقالوا الجابه
لا ينقصونه بشي ولا يزيدونه
قالوا هذا فيه عاهه وابتلشنا به
والا الادمي فيه شي ٍما يعرفونه
رشيد الزلامي
|
العرض العادي
