ألف مبروك .. لقد سعدت بهذا الخبر

اقتباس:

المشاركة الأصلية كتبت بواسطة زيدان .. العـلـم نــور / وكـمـل الـنـور ، بـالـنـور والنـور يضمـن لــك ، وظيـفـه وراتــب وان قلـت مالـي خلـق ، بـقـول مـعـذور بكـره تحـس الفـرق بيـن .. المراتـب .! وزارة الـصـحــة بـحـاجــه لـدكــتــور ؟ وفي نفس هذا الوقت تحتاج ... كاتب .! محمد المسعري ،

اقتباس:

المشاركة الأصلية كتبت بواسطة زيدان ( حاله ) .. كنت ذاهل بحزني مسجي وحيد اتهجى دم الصمت الابيض يسيل في عروق الكلام ..!!

اقتباس:

المشاركة الأصلية كتبت بواسطة زيدان .. تفرق الغيم عن راسي وانا ما شربت مابل قلبي بماه ولا ارتوى وابله قد شدني لمع برقه بالسما وانجذبت ظميان والروح من كثر الظما ذابله ياحارس التيه انت بصفحتي وش كتبت اللي قضيت العمر كله وانا اعابله لو مايقولون عليت البكا وانتحبت بس بيقولون مجنون .. الهوى هابله البارحه كنت احس اني كثير اقتربت واليوم ابعد وياخوفي من القابله ابطلب العذر سامحني حبيبي تعبت واببتعد عنك لو نفسي مهي قابله عاشرت انا الصدق في دربي واظني كذبت مره .. وطاح القمر فالليله الحابله ما اقول انا الشعر لكني اقول ان ذهبت بيذكر الشعر في النسيان من غاب له ! .. سعد الحريص

اقتباس:

المشاركة الأصلية كتبت بواسطة زيدان ، أجي كأنّي بعض الأحلام : باهت وأبقى كأني لون عمري رمادي !! وأروح .. وأسأل : خطوتي وين تاهت ؟!! وأرجع عشان أزرع حروفي تمادي ..

اقتباس:

المشاركة الأصلية كتبت بواسطة زيدان .. يارب ، عطني من تطرف ليلتي (ساعة حياد) ما انتظر فيها ولا أفقد من الدنيا ، حدا

ما أجمل ما طرحت المقتبس والغير مقتبس

ألف شكر


شكراً
شكراً
شكراً

العضو القادم









(متذوق الشعر )

تفضل يا أستاذي

أتمنى أن أكون عند حسن أختياركم لي

لا تقحم احساسگ فبعض المتآهآت
وخلّگ مَ تعلم !! حتى لو گنت تَعلم .. !

وعشآن تتفآدى جروح وخسآرآت
سطَح علآقآتگ مع الناس تَسلم .. !

يقول لي صاحبي يا صاحبـي دقـق
وأقول ماني لكثـر البربـره فاضـي

يقول ظهرك من الطعنـات متشقـق
وأقول خابر طعوني وأعرف أمراضي

اللي يبي فوق متني مجـده يحقـق
يرقى تراني عن الطعنات متغاضـي

ياحمامه كفى الله لا يجزاك خير
من صلاة الصبح وانتي تجرين النياح


كان من جور المحبه غدا شرك شرير
والله اني ذايق ٍ قبلك السم الذحاح


وكان لوعاتك من الوقت ومفارق عشير
والله ان قلبي من فراق خله ما استراح


وكان مفجوعه على فقد عش ٍ مستدير
والله اني فاقد شوف نجد ٍ والفياح


من سمعتك يا حمامه وانا ما اقول غير
لى متى هذا الشقى؟؟ واردف الونه صياح


ما عليك خلاف عندك جناحين تطير
مير انا وشلون بانزع وانا ما لي جناح


مالي الا اسوق قلبي مع الغربي عصير
واسهر عيوني لامن شعاع البرق لاح


اتذكر واتوجد على ما فات مير
ما ورا زود التوجاد والذكرى صلاح


قبلنا شالح توجد على أخوه الصغير
راح أخوه وعقب ما راح ذيب الخيل راح


واتوجد وجد من صار شره مستطير
وجد سعدون العواجي على طيور الفلاح


كل ليل وعبرتي تلتقي عقب الأخير
تبتليني دمعة العين لحد الصباح


والبلا لا صاح قلبي ورا الضلع القصير
عوية الذيب المذير مع الحزم البراح


لا بغيت ادله من الهم واسلا واستخير
حدني من حده القوم بزنود السلاح


من بعد نجد العذية وانا ماني بخير
التفت لا اقفيت عنها تلفات الطياح


واتثاقل خطوة الرجل واقدامي تحير
وكن صدري باجداته زواريق الرماح


يوم اجيها مثل ورد الضوامي للغدير
اتعجل بالمجي واتباطا بالمراح


دبرة الله مجري الفلك بالبحر الغزير
جاري حكمه علينا مثل مجرى الرياح


واتعبتني حاجة ٍ وردتني كل بير
ارتوي هماج والناس يروون القراح


واحد ٍ حظه يشيله على شداد البعير
واحد ٍحظه لا شاله تكرسع ثم طاح


من ثلاث سنين وانا اتحرى للبشير
والبشير ابطا وانا سدي من البعد باح


يا بشير الخير عجل عسى دربك سفير
لا تخلي للسهر جفن عيني مستباح


كل يوم اقول بكره يجي منك نذير
وانقضت الايام والحين ما صار اللقاح


ما توَرد جمة البير بسلوك الحرير
ولا اطلق المسجون هرج التعلل والمزاح


ما لقينا بالزمن كود ما يلقى الفقير
طامع ٍ بالمال والمال بيدين شحاح


يدري الله والعرب مادروا باللي يصير
مير نوحي ياحمامه واجاذبك النياح

اذا المرء لا يلقاك الا تكلفا
فدعه ولاتكثر عليه التأسفا

ففي الناس أبدال وفي الترك راحة
وفي القلب صبر للحبيب ولو جفا

فما كل من نهواه يهواك قلبه
ولا كل من صافيته لك قد صفا

اذا لم يكن صفو الوداد طبيعة
فلا خير في ود يجيئ تكلفا

ولاخير في خل يخون خليله
ويلقاه من بعد المودة بالجفا

وينكر عيشا قد تقادم عهده
ويظهر سرا كان بالامس قد خفا

سلام على الدنيا اذا لم يكن بها
صديق صدوق صادق الوعد منصفا