02-04-2010, 02:44 AM
|
|
|
|
تاريخ التسجيل: Sep 2007
المشاركات: 10,367
معدل تقييم المستوى: 0
|
|
’،
ذبَ الملامة لطيش الريح ي عنادي
واقتل جفاف الحنايا واهدني غيمه
الليل دمعة غريب ولهفة منادي
والفجر قدسية المنفي وتعظيمه
والحزن ذود بدوي(ن) والتعب وادي
والروح سدرة تخطفها مجاهيمه
والقلب لا شرعوا باب السهر غادي
قنديل قرم(ن) معلق في نحر خيمه
يا حادي العيس صمت البارحة سادي
وانا بصدري حكي واحزاني مقيمه
لا أرض حست ولا حست بي أعيادي
هو من متى السجن يدري عن مظاليمه ؟!
تعبت والله ورب محمد الهادي
أنفض يدي من عبث وقتي ومن ضيمه
وان مل جفني وصار من التعب صادي
هزيت جذع الكلام وطاح ترنيمه
ترنيمة(ن) تستفز السطر لمدادي
لين يتساقط على كف الورق ديمه
شرّق وغرّب ي حادي العيس يا حادي
أذن وكبر وللمحراب تسليمه
أخوك لو عيفوه الشرب والزادي
يموت ما بدل البسمة بتجهيمه
ماني مجرد خبر من ذبذبة رادي
ولاني بدمع(ن) تشرد من هدب ريمه
من يوم وانا أحترك في لفة مهادي
والصدر بيت اجودي كثروا معازيمه
أكبر .. وتكبر معي نظرات حسادي
وان مت ماعد يصير لحاسدي قيمه
مثل السمك لو يجف محيطه الهادي
يذبل وتذبل على التربة خياشيمه
عامين والسوسنة من شرفة الكادي
تقعد هجوس الكلام البكر وتقيمه
لين استقل الرعد واستسلم الوادي
والبرق شعشع وفضّ بكارة الغيمه
..
عبدالله سعيد
|
العرض الشجري
