02-04-2010, 05:04 AM
|
 |
|
|
تاريخ التسجيل: Nov 2009
المشاركات: 3,306
معدل تقييم المستوى: 414631
|
|
غروٍ نطحني يجرّ الغـيّ ويـل أمّـه
مثل أمّي أنّه عذاب الروح مثل أمّـي
عليه لبّسنـي إبليـس الهـوى عِمّـة
وابليس من قبل بن خالي وابن عمّـي
يا ليت من هو تليّن في طرف كمّـه
ليا تمدّد طـرف كمّـه علـى كمّـي
غروٍ ذبحني وانا مـن لحمـه ودمّـه
وش بقّىْ للي مهو من لحمـي ودمّـي
لا جيت اخمّه وقلـت الخمّـه الخمّـة
قال :ابتعد يا ولد بدري علـى خمّـي
ما يدري انّه خبر (إنَّ) وأنـا ضمّـة
يا حلو حلو الخبر مرفوع بالضمّـي
يوم انكشف لي نحَرْه وبانـت الزِّمّـة
قامت شياطين بقعـا تزمّنـي زمّـي
يا عين شيهانـةٍ فـي عالـي القمـه
قمّت بريشٍ وريش البُرْق مـا قمّـي
لو في بريقعْه رحمة كاشـف الغمّـة
ما كان زوّد سـواد بريقعـه غمّـي
الزين إلى جاء لزيـنٍ ناقـصٍ تمّـه
والله لولاه حسن البيـض مـا تمّـي
زينٍ عليّـه تغيّـر وانعَسَـر صمّـه
نسى ثلاثـة ليـالٍ عسْرهـا صمّـي
ومن صار لي في الرخا عبدٍ وانا عمّه
لا جاء القسا صرت له عبدٍ وهو عمّي
سقى الولي يوم انا دلوٍ وهـو جمّـة
واللهْ ماْيسقينـي ألا صافـي الجمّـي
يا لعنبـوه انْ مدحتـه كنّـي آذمّـه
وغيره تمنّاني اقصد به ولـو ذمّـي
مدري على اسم القمر سمّوه يا يُمّـه
و الا على اسم الغضي وجه القمر سِمّي
|
العرض العادي
