.


دام الصدر يا حضرة الضيق ما ضاق

..................والله لتبطي ما تزلزل كياني

ودام الليالي قلبها ينبض اشواق

..................خله يموت الهم بين المحاني

ليه اتضايق كل ما لاح براق

...................دام الزمان اللي اعيشه زماني

وليه اتليعن يوم انا كلي أخلاق

..................لو باع واحد ألف واحد شراني

الله عطاني بالصبر صدر الآفاق

...................وباخذ من الله كثر ما الله عطاني

لو يخلطون بغيبتي كل الأوراق

...................برجع واحوس أوراقهم في ثواني

[poem=font=",5,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جهمت من العيون ولاضواك الليل غير هناك=ورى هدف الضلوع تسامر القمرآ بخفاقي
تريض لاتعبت من اول الطرقه الى ملفاك=متى صبح العيون اللي هدبها يطرف اعماقي
هلا ولاهلا قد قلتها قبلك لذاك وذاك=ابآدور كلام ماسمعته وانثر اشواقي
وابشعلها قصيد من اول الدنيا الى دنياك=تهب مع الهبوب اليا ندهتك جذوة اوراقي
وابنضمها قلايد لين تقدح بالسما طرياك=مادامي شاعرك ليه الظلام يرف باحداقي
دريت انك حبيبي قبل اموتك واعشقك واحياك=وصرت اول طريقي واخراحبابي وعشاقي
سمعت احلى احبك في حياتي كلها بشفاك=اثر بعض الشفايف همسها غيمه وبراقي
تسولف لاتغني لاخيال مالحقت اقصاك=بغيت استوعبك شح الخيال وضاقت افاقي
سهى قلبي معاك وفاحت الدله ولاقهواك=على صالي حشاي اركى لك الدله ولافاقي
سرقته بالحنان وهرجك الخاثر وشفته جاك=فزعت ارد قلبي واثرني حبيت سراقي
وصلت آخر مداي وقلت لك خلك على مركاك=لوان الموت كاسك باشربه ياحضرة الساقي
توسدت الجراح وكل جرح مايطيب فداك=تنهدت الغياب ونبت بين ايديك مشراقي
تعذر لليالي لي غدى ورد الطريق اشواك=ترى كل الدروب اللي مشينا ماثنت ساقي
لو انه مابقى عندي بهاالدنيا ياكود اهواك=لاقول اني خذيت اللي خذيت ولابقى باقي
[/poem]

يا غايبه و ان كان فيها جماله
تجمّلي يا أم الحلا و الظفاير

بالله شوفي صاحبك كيف حاله
شوفيه في غيبتك وشلون صاير

صارت حياته ضيق خلقه و بطاله
هم و سهر و أوراق شعر وزقاير ..!!

يعني حبيبك صارت حالته حاله
ما باقي الا انه يدّن العبـــــايـــر

الله لا منه ذكر ما مضا له
قبل الدواير ما تجرّ الدواير

يوم الطفوله و الشقا و الجهاله
يوم الكباير في عيونه صغاير

ايام كان معانده راس ماله
و يسوق لهبال الشقاوه بشاير

يا ما امتلى بالحب و الطيش باله
و ياما امتلت من شخبطته العواير

يكتب عليها: [ عاشقك للثماله ] ..!!
و يخط توقيعه: [ جريح الضماير ] ..!!

ياما اشتكاه ابوه في بيت خاله
و ياما تحصّل من هواك العزاير

مرّه حلف بــ أنه يبطل هباله
و قبل يكمّل .. فك اخوه الستاير

ثم طالع الشباك .. لينك قباله
و فــ أقل من لمح البصر جاك طاير

على صغر سنه مميل عقاله
كاشخ و ناسي لا يصك الزراير

لا شافك يتمتم لحاله بحاله:
لعيون هالشوفه تهون الخساير

و لا شاف زول ابوه حذف نعاله
الحب جاير ... لكن العود جاير

طفلٍ يتيم ورغم الاحزان داله
ما يدري ان حظه مع الوقت باير

كنتي طموحه كنتي اغلى حلاله
كنتي و صرتي .. بس يا ام الظفاير

طفلٍ زرع من ضحكتك في خياله
لين أثمرت شعرٍ هزاله حراير

لا تتركينه في غيابك لحاله
بالله شوفي كيف هالطفل صاير

ووحده بوحده كان عندك عداله
اتبطّلي غيبه و ابطل زقاير ..!!


فهد المساعد

يالله ما أروعك يا راعية .. كنتِ مُبدعه هنا

صح كلك مدد طبتي وطاب طرحك أختي الكريمه ..



با التوفيق















العضو القادم


الإداري ( فضل )

حياك أخوي ..

الله يعفى عنك

ما ودك تأجلها كم يوم

__________________
ومن يعمل من الصالحات وهو مؤمن فلا يخاف ظلما ولا هضما

مادام فيها المشعاب أبشر بالخير

كان هناك امرأة تسمى نيله تسمع بالفارس المعروف فراج بن ريفة القرقاح وفي أحد الأيام رأت نيله ابن ريفة وقالت لعمتها هلاله: هل هذا الفارس هو شليويح العطاوي فقالت العمة : نعم فقالت نيله : لماذا هو قصير ووجهه شين يا ليت طوله وشكله مثل فلان " وكانت تقصد عشيقها " فسمع شليويح كلامها فأنشد هذه يقول

نيله تطالعني بوسط الجماعه=وأظن نيلة لامستني بمنقود

ياما تعرضنا للفنى والمجاعه=وألا مسك الملهاب يا لين العود

فالليل نسهر مثل راعي الزراعه=وفالصبح تصلانا السمايم على القود

ميرادنا عدٍ تعاوا سباعه=خاشرت فيه ذياب ونمور واسود

ياليتها معنا على الهجن ساعه=حتى تعذر وجيهنا لا غدت سود

وتشوف فينا من فعول الشجاعة=وتشوف فعل اللي كما السدو ممدود

وتشوف شغمومٍ طويلٍ ذراعه=صبار فالشدات نطاح للكود

وتشوف صمال ٍ بتوع ٍ بتاعه=مثل الفهد يلفي من الصيد مضمود

وتشوف خبل ٍ همته في متاعه=لا نافع ٍ ربعه ولا هوب مفقود

ولا هوب طماع ٍ يجيب الطماعه=ولا يقضي اللازم ولا يكسب الفود


ان شاء الله انها تعجبكم

والخير جاي بالطريق ان شاء الله وأعذروني ان قصرت معكم

الزول زوله والحلايا حلاياه .... والفعل ماهو فعل وافي الخصايل

هذا البيت أشهر من نار على علم وتردد كثيرا على ألسنة الناس في كثير من المناسبات المختلفة وهو نتاج قصة حقيقية حدثت في الزمن القديم فهذا البيت لزوجة الشيخ وديد بن عروج شيخ قبيلة بني لام التي كان موطنها العارض في وسط نجد وقد كانت قبيلة كثيرة العدد تفرعت منها عدة قبائل معروفة الآن في جزيرة العرب ومنها من نزح إلى العراق.

أما قصة البيت المذكور أعلاه فهي أن الشيخ وديد بن عروج قد أشتهر بالمغازي الكثيرة وكان لديه ذلولا أصيلة ولكنها دائما ضعيفة وهزيلة الحال لكثرة غزواته عليها ولم يبن الشحم على جسمها بسبب ذلك ، وبعد موته تقدم أخوه (لزّام) للزواج من أرملة أخيه لحفظ الأبناء وتربيتهم ، وتم الأمر إلا أن الفرق بين الرجلين كان كبيرا جدا في نظر الزوجة ، فلزّام لم يظهر له فعل كأخيه وديد وأكتفى في حياة أخيه بالمكوث في البيت وقضاء لوازمهم إذا ما غاب أخيه للغزو .
وقد زاد حزن الزوجة عندما رأت الذلول الهزيل وقد تغيرت أوصافها وتبدل حالها فمن بعد الهزال ركب الشحم عليها وفي احدى المرات عاد الراعي بالإبل فإذا بالذلول (تهدر) وكأنها جمل ، فتذكرت زوجها السابق الشيخ وديد وغزواته ومحاسنه التي تفتخر بها كأي أمرأة بدوية تحب الرجل الفارس الشجاع ، وقارنت بين حياتها تلك وبين حياتها الحالية مع أخيه لزّام فقالت

يالله يا عايد على كل مضماه=يا مخضر الأرض الهشيم المحايل
أنت الكريم ورحمتك ما نسيناه=تروف باللي دوم عينه تخايل
تلطف بمن كن عينه مداواه=اللي بقلبه حاميات الملايل
ألوج مثل أيوب من عظم بلواه=واسهر لين ما يصبح النجم زايل
على حبيبٍ كل ما قلت أبنساه=لذكره تفطني من الهجن حايل
ليا نسيته ذكرتني بطرياه=شيبا ظهر من عاصيات الجلايل
يلتاع قلبي كل ما أذكر سواياه=كما يلوع الطير شبك الحبايل
لا واحبيبي سبع سنين فرقاه=عليه أنا قضيّت كل الجدايل
لا واحبيبي يتلف الهجن ممشاه=ليا بغاله نيةٍ ما يسايل
لا واحبيبي يسقي الربع من ماه=دليلهن لا ضيّعوه الدلايل
لا واحبيبي يرعب الهجن بغناه=من كثر ما يوحيه ليل وقوايل
لا واحبيبي كل قومٍ تنصاه=تلقى ربوعه طيبين القبايل
لا واحبيبي تدفق السمن يمناه=ياما ذبح من بين كبشٍ وحايل
لا واحبيبي وافياتٍ سجاياه=عليه غضات الصبايا غلايل
لا واحبيبي دوم للعفن متقاه=ياما كلنه مدمجات الفتايل
لا واحبيبي بين ذولا وذولاه=خلي بوجه معدلين الدبايل
لا واحبيبي طاح يوم الملاقاه=بنحور غلبا فوق غب السلايل
لا واحبيبي طير شلوى تعشاه=قطاعة المهجة سناعيس حايل
يا عارفين وديد يا طول هجراه=يا ليتني بوديد ما أبغى بدايل
أخذت أخوه أبي العوض ذاك من ذاه=والبيت واحد من كبار الحمايل
عندي مثيله واحدٍ كنه إياه=عليه من توصيف خلي مثايل
الزول زوله والحلايا حلاياه=والفعل ماهو فعل وافي الخصايل

كما قالت أيضا في تلك المقارنة عدة قصائد منها هذه القصيدة القوية التي قالت فيها:

يالله يا عايد على كل مضماه=يا مخضر الأرض الهشيم المحايل
يافاطري ياما جرالك من العنا=مع دربك العيرات نشّت لحومها
غدا عنك نواس العدا مرذي النضا=يجرها مع ما نبا من حزومها
غدا عنك وأرث في مكانه ازلابه=تروّعه الظلما بتالي نجومها
ياما حويتي جل ذودٍ من العدا=أضحى عليها الغزو يفرق سهومها
وياما يثور عند عينك من الدخن=معاركٍ تدني للأرواح يومها
عليك مقدم لابةٍ شاع ذكره=حامي تواليها مقدي يمومها


ولسوء حظ الزوجة فقد سمعها زوجها لزّام وأضمر الشر في نفسه لكنه لم يشأ أن يعاقبها إلا بعد أن يجعلها ترى فعله وشجاعته وبالفعل قام باعلان المغزى وطالت غزواته حتى أن رفاقه سئموا من طول المدة وكان كلما كسب شيئا أرسله إلى قومه وهو ماضٍ في غزواته وقد أنشد هذه القصيدة

يالله يا عايد على كل مضماه=يا مخضر الأرض الهشيم المحايل
أنا ابن عروج وهاذي سواتي=موصل سمان الهجن شنٍ ما يجنه
خمسين يومٍ والنضا مقفياتي=مع مثلهن وهن على وجههنه
نمشي النهار وليلنا ما نباتي=كم ذود مصلاحٍ امنيسٍ خذنه
من ظن فينا الطيب شافه ثباتي=واللي هقى فينا الردى ضاع ظنه
كم من صبيٍ عشقةٍ للبناتي=عقب التعجرف بدّل الضحك ونه
استاخذ المذهول عاف الحياتي=هو ما درى إن الهجن بيوصلنه
من فوق هجنٍ من فحلهن خواتي=غيب الصبايا الخافية يظهرنه


ولما رجع من غزواته كانت ذلوله بالكاد تمشي وفي حالة يرثى لها من شدة الاعياء والهزال ويقال أنها بركت قبل أن تصل إلى البيت ، فأمر زوجته أن تذهب لإحضارها وكان يمشي خلفها يريد الفتك بها لما قالته سابقا من قصائد تمس كرامته وهي لم تكن تعلم بأنه يمشي خلفها ، فلما رأت الذلول على تلك الحال قالت هذه القصيدة التي كانت سبباً في نجاتها من خطر لم تكن تعلم عنه

يالله يا عايد على كل مضماه=يا مخضر الأرض الهشيم المحايل
يا بكرتي وش علم حالك ضعيفي=أشوف حيلك وانيٍ عقب الأردام
عقب الفسق ومهادرك بالمصيفي=ومصاول القعدان مرباعك العام
عقب الاباهر والسنام المنيفي=صرتي كما المفرود من فعل لزّام
قطع عليك ديار قومٍ تخيفي=تسعين ليله راكب الهجن ما نام
أقفى عليك من الحساء للقطيفي=لحوران والحرة إلى نقرة الشام
وتدمر وصلها وخمّها مستخيفي=واشبيح والضاحك وقديم الأقدام
وأخذ عليك اذواد جوٍ مريفي=وضحك كما برق الحباري بالأكوام
يزفها يقداه مشيه هريفي=واقفى عليهن متلف الهجن لا قام
وعادوا على العارض ركيبٍ يهيفي=يتلون ابن عروج مقدم بني لام
زهابهم حب القرايا النظيفي=وسلاحهم صنع الفرنجي والأروام
ياما انقطع مع ساقته من عسيفي=ومن فاطرٍ مشيه عن الجيش قدام
عقب الشحم وملافخه للرديفي=قامت تسندر مثل مبخوص الأقدام
توي هنيت وطاب بالي وكيفي=من عقب ضيمي صرت في خير وأنعام

وهكذا أثبت لزّام أنه لا يقل عن أخيه شجاعة وفروسية وثبت للزوجة أن الخلف كالسلف

هذه القصيدة للشاعر : محمد عبدالوهاب الفيحاني



باح العزا من الحبيب الجنوبي=كن العقل يا علي بالكف مجذوب
ياعلي تذكار أريش العين دوبي=زوله يزول لي وأنا عنه محجوب
أبكي على فرقاه والعي وأهوبي=والدمع من عيني على الخد مسكوب
من حر نار الولف مزعت ثوبي=وطوحت بالونه على كل نبنوب
وعقب الستر كل الخلايق دروا بي=والسد ثار من الحشا ثورة الطوب
ياعلي لي نسنس نسيم الهبوبي=نودٍ من الشرقي برى حالي النوب
سلال سل الحال من كثر لوبي=لاهم لافرقا ولانيب مطبوب
ألا بلاي فراق من سد نوبي=عن كل معشوق ٍ من البيض رعبوب
ياعلي يافرز الوغا يا محبوبي=ويش أنت شايف يا حجا كل منكوب
عيا يطيب لي الكرى مع شروبي=وكن الحشا يصلى على حر لاهوب
ليت الركايب ياعلي ما مشوا بي=من ديرة المحبوب والرزق مكتوب
وياليت ربي ماسعى في ركوبي=ليت السنع معتاق والدرب مقضوب
واليوم ياغافر عظيم الذنوبي=أسالك يامطلوب ياخير مطلوب
تجمع بشملي مع حبيبٍ عجوبي=محبوب ماغيره من الناس محبوب
اللي كما بدرٍ قرب للغيوبي=أو شمعدانٍ في دجى الليل مشبوب
أصفر عفر والكف منه مخضوبي=ومجّمله ربي ولا فيه عذروب
الا الوفا ماهو مكورٍ كذوبي=ومغفلٍ مايعطي العلم مقلوب
أنا اشهد انه ثقل الحمل صوبي=بالحب وادعاني شقيٍ ومتعوب
هو ريف روحي ياعلي لو حكوا بي=مصدود عن عذل العواذل ومحجوب
ما أطيع أنا العذال لو فرقوا بي=ولا أكف عن وصله ولا أسلى ولا أتوب
ما أسمع ولو حي عن حبيبي ولو بي=صبر فلا حاربت زادٍ ومشروب
ما أطيق أنا الفرقا رقاقٍ جنوبي=وقلبي رهيف ودايم الدوم متعوب
يوم الليالي عن حبيبي رموا بي=غديت مكتوف الجناحين ومصيوب
مثل الوحيد اللي غريبٍ اعزوبي=مستاجع ماله حدٍ يقضي النوب
أو شبه حيدٍ للسرات مغصوبي=حمله ثقيل وضارب الخف شاذوب
وألا كما طفلٍ يتيم يحوبي=من قلة الوالي ورى الباب مذبوب
هذي سواتي عقب فرقا الجنوبي=اللي هجرني ما لفى منه مكتوب
هو يحسب إن البيض عقبه غدوا بي=أنا بصوب وعن هوى البيض في صوب
وين أسلي اللي لا ذكرته يذوبي=عقلي وهو متغطرسٍ يسحب الثوب
غرو ٍ من البيض العذارى محسوبي=ترف الحشا ومعزلٍ تقل يعسوب
كن الردايف لي أقتفاها الهبوبي=صيوان حكام بالأطناب مضروب
وعيونه الخرسات سودٍ سطوا بي=ونهـود مثل التين والعنق مسلوب
ياعلي وين أسلى الهوى وين أتوبي=وين أقدر التجليد والعقل منهوب
ياعلي خلوني حزين وألوبي=لوب الحمام اللي على راس نبنوب
غير الوصل ماشي يطفي لهوبي=وصلوا على المختار ما أفتر دالوب

الله عليك يّ فضل

أطروحات رائعه بها من عبق الماضي الشيء الجميل

ودي يا عذب









معنا العضو ( متحنكف )
أقلط يا فلذة تسبدي