ضاق صدره ..
حس حتى البيت اللي .. انو لد به ..
صار قبره .!!
لملم انفاسه .. وبعض اوراق كراسه
شرب باقي بقايا الشاهي البارد بكاسه ..!!
وخرج ..
وقف على الدرج ..
ولع سيجاره ..!!
استرق نظره على شباك غرفة جارته ..!!
شاف جاره .. وانحرج ..!!
أرخى راسه .. صار نصف انسان ..
ربع انسان ..
ماباقي من الإنسان فيه الا لباسه ..!
كان في حالة ندم ..
لو طعنته وقتها ماسال منه .. نقطه دم ..!!
.....
والله ياديما ..
مااسامح اسلافي ..!!
أخذوا الأيادي ..ما ..
خلوا سوى اكتافي ..!!
أمشي كما الأعمى ..
قدامي خلافي ..!!
والنور والظلما ..
حملٍ على اكتافي ..!
( واغض طرفي إن بدت لي جارتي ..
حتى يواري جارتي ماواها )

...
على خيال الما ..
هذا الحجر طافي ..
كل النسا : سلمى
وكل الرجال : وافي
لاصارت الأسمى ..
تلمس وتنشافي ..!!

..
وامتطى سيارته ..
سار في كل اتجاهات المدينة ..
لف ابو كل الشوارع
مره نازل .. مره طالع
مرن نازل ... مره طالع ..!!
قل : يدور شلته
قل : يفكر في عذر ( للجار ) إذا علم ابوه بزلته
قل : يبي ( كفتيريا ) جايع ..
يبي يشرب وياكل
قل : يدور عن حلول
او عن مشاكل ..!!
قل : يسوي مايسويه المراهق ..
إنحرافات وخرافات ..
وسخافات .. ومهازل ..
قل : يغازل ..!!
....
البحر ..
ويش البحر..؟!
لولا رمال الشط ، والأطفال ، واليامال..
والمرجان والأصداف والما.. والسفينه
والمسا ..
ويش المسا..؟!!
لولا دفا لون الستاير من شبابيك المنازل ، والنسا ..
وخشوع جمر الليل في احظان المباخر ..!
انت شايف ضحكة الموجه على صدر البحر تختال ؟!
شايف ضحكة الما .. كم حزينه في نوافير المدينه ؟!
شايف الفرق الكبير الشاسع الواسع
شايف كم هي الأشيا تكون أجمل كثير بدون آخر ...!!
............
في اليمين من التقاطع
اعترض له نور احمر
نور ساطع
صاح به : اوقف
وكان الصوت حازم حزم قاطع
خفف السرعه .!!
رخى صوت المسجل
ارتجف .!!
صاح نفس الصوت وبقوة صراخ : أوقف
وقف ..
واستعاذ بطيبته من شر حراص النوايا
وين رايح ..؟؟
أو إذا ماكنت رايح قلنا من وين راجع
ماأنا .. ما ...
ما أنت ماعندك ادب
إنت تربية شوارع
إنت شكلك واحد مسوي سوايا
هات إثبات الهوية
حاضر وماعندي مانع
ها هـ هذي هية :
الإسم : راضي سويكت
المؤهل : جامعي
المهنة : صايع











الحميدي الثقفي

زحمة فضـاء والطـرق منيـن
ـــــــــــ والشارع لسـان رايـح جـاي


هـذا الطريـق اشتعـل تنّيـن
ــــــــــــ والصبح يمشي ورى مسراي


مـادام رمـي الهـدف تخميـن
ـــــــــــــ شـرّه علـى رميـة الرمّـاي


الخـوف ماينفـعـه تطمـيـن
ـــــــــــــ لاغاب صوت العقـل والـراي


اصوات ثكلـى وحفنـة طين
ـــــــــــــ وحبل النـدم عقدتـه باقصـاي


من كثـر مامـات بـي حيّيـن
ـــــــــــــ شفت احتضاري علـى موتـاي !!


اصحاب مرّوا عليّ لـ... وين ؟
ـــــــــــــ قبل الحذر مـن امـان اعـداي


من سبحة الود طاحـت عين
ـــــــــــــ والهيـل والمجلـس ومركـاي


جرح الخيانـه علـى الوافيـن
ـــــــــــــ شمـسٍ تبـرّد ظِـلال المـاي


يا امسي الباكـر ... وبعديـن
ـــــــــــــ ماملّـك الـذاكـر / النـسّـاي


ماغير انـا والمـداد .. سنيـن
ـــــــــــــ اغيب والقـاي .. انـا ويّـاي


ان كان ماجيب طاري .. مين ؟
ـــــــــــــ قولوا تعارف .. وحفلة شاي !!





المُهلِك / فيصل المهلكي

..





أمانه لا طرى قلبك ( فهد ) لا تقولين !
............... أنه غياب وباكر يجيب لك .. ورد

قولي توفى من سنه او .. من سنين
................ لـ.. أجل يتناسى قلبك الورد فالرد !


أما انا بعيش عيشة .. مساكين
.................. لا لاقياً قوتي ، ولا أدفى من البرد





متحنكف

والحين بـ . هرب



شكراً جميعاً للمتابعه (:





و شخبطني

شكراً لك .. كُنت جميلاً هُنا

معنا العضو


( مبرمج زمانه )

اشكرك يامشرفنا على اختياري


في هذه المساحه الحره واتمنى ان اكون خفيف الظل عليكم


لي عوده للموضوع

اعتذر منكم لعدم طرح ابيات من كتاباتي

لانها لاترقى الى كلمة قصيده ولكنها خربشات مراهق



لذلك اتشرف بأن يكون اول مااطرحه هنا

قصيده للامير الشاعر محمد الاحمد السديري

وهو من اجمل الشعراء لدي


وهذه القصيده تعتبر المقربه الى قلبي لانها مليئه بالحكم والنصح

الله يرحمه ويغفر له وصح الله لسانه

سلمى - الشاعر بدر بن عبدالمحسن

اللـي طعنّي بين الاضـلاع وأدمى

هذاك نــدٍ لي ونعمـين فارس

ومن ينطح الوقت الردي قلبه أعمى

كم عامـرٍ خـلاه بالقاع دارس

يـابنت مـالي قلب بـالحب يرمى

كفي سهـام الفاتـرات النواعس

المـا عيـوني أظهـريني مـن المـا

وأنـا غريـق الدمع والريق يابس

ظميـان من مثلي من النـاس يظما؟

وأنـا علـى أحلى الينابيع حارس

والله يالـولا فيّـة عيـون سـلمى

ماشوف كل الناس ضاحك وعابس

مـن طـاب لي بالنـور ماني بظلمة

ومن جـادلي بالغيث مـاني بحابس

،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري


الشاعر محمد بن حمد بن فطيس