سلمى .. شفايفها كرز ..
والشفـّـة السفلى خبال .. مليانة توت .. !!
وإذا ضحكَت فاض وبرَز .. !!
تحب تتحنـّـى كثير .. وتنقش على يديها ورود .. !!
وتكتب حروف .. !!
تحطّ " كاف "
وتحطّ " راء "
وتحطّ " ميم "
ما لومها شيخة حريم .. !!
وتموت ما قالت أحبك .. !!
وأنا أموت .. !!
مرّة غِلَطَتْ وقالت " أحبك " .. وماتت خجل !!
وبسرعة قالت " يا يبه .. ! "
قلت : أيش .. ؟!
قالت " أنا أحبّ أبوي ... وأمـّـي بعد "
ثم ضحكَت .. وعضّت شفايفها حياء ..
وبغيت أموت .. يا حظـّـها .. تعضـّـهم ما يزعلون .. !!
تبي تموّتني قهر .. فديتها .. !!
قلت : سلمى حاسبي .. لا تنجرح شفايفك .. !!
قالت " وإذا ؟!! خل تنجرح .. لو تنجرح يعني إش يصير .. ؟! "
قلت : أخاف دمـّـك ينتثر .. !
قالت " فديتك لا تخاف .. ما في عروقي أيّ دم .. !! لو أنجرِح يسيل توت ..! "
وأدري بسلمى صادقة .. فديتها .. !!
من حقـّـها .. تعضـّـهم .. !!
على شفايفها تمون .. !!!