مساحه حره (( جمال الذائقه )) . . !

عطر البداوة · #**271** (**permalink**) 25-05-2010, 01:31 AM

حليـمـ طبعي .. بس لآ { ثـار } يعمـي
كريم قلبـي .. بس كلـهـ مفاجـآت

ولي عـزهـ تسمـى ولو سـال دمـي
ولي نظرهـ بالنـاس وللناس نظـرات

تـذبحني الدنيـا وانا اقول ... سمـي ...}
وتـدعيني الزلـهـ وانا اقـول | هيهـات |

عطر البداوة · #**272** (**permalink**) 25-05-2010, 01:39 AM

غصن الجروح اللي على صدري من الضيقه نما
تسقيه دمعات المحاجر كل ما هلّيتها

لكنّ انا عندي يقين ان كان هالوضع احتما
سيوف صبري للزمن لا ضامني سلّيتها

ياطير عوّد للسما جونا مهاوين الرما
حرّيّتك لو ارخصوها جيتهم غلّيتها

ناديت لك ودي أفضفض للسما واهل السما
لا واهنيّك تشلع مْن آلارض لا ملّيتها

عطر البداوة · #**273** (**permalink**) 25-05-2010, 01:59 AM

وداعاً .. أيها الدفتر

وداعاً يا صديق العمر، يا مصباحي الأخضر

ويا صدراً بكيت عليه، أعواماً، ولم يضجر

ويا رفضي .. ويا سخطي ..

ويا رعدي .. ويا برقي ..

ويا ألماً تحول في يدي خنجر ..

تركتك في أمان الله ،

يا جرحي الذي أزهر

فإن سرقوك من درجي

وفضوا ختمك الأحمر

فلن يجدوا سوى امرأةٍ

مبعثرةٍ على دفتر !!

عطر البداوة · #**274** (**permalink**) 25-05-2010, 04:51 PM

عطر البداوة · #**275** (**permalink**) 26-05-2010, 01:46 AM

تعبت وملّت سنيني من المكروه والمرغوب
شقيت ولا لقيت الا بقايا جرحً اشقابه

يمر العمر واحلام الطفوله فالشباب تذوب
وتبقى وسط ذاكرتي من الايام مرتابه

اعرف قلوب تفرح لي ولاتبغى علي عيوب
واعرف قلوب ..لو العيب مخفي شرعوا بابه

وانا ماخاف غير الموت في لحظه.. قبل لا اتوب
واخاف القبر يضنك صدري ويكرهني ترابه

اللهى يامجيب الداعي ويا منجي المكروب
تنجيني نهاراً يعذّر المحبوب فاحبابه

عطر البداوة · #**276** (**permalink**) 26-05-2010, 01:48 AM

||

الزمــ / ـــن :

بطيء جداً ،، لمن ينتظر !!

سريع جداً ،، لمن يخشى !!

طويل جداً ،، لمن يتألم !!

قصير جداً ،، لمن يحتفل !!

لكنه " الأبدية لمن يحب " ....

/

وليم شكسبير

عطر البداوة · #**277** (**permalink**) 26-05-2010, 02:08 AM

من غاب صوتك .. عن مدى السمع كنّي

ارسم على لوحة غلاك .. اندهاشي

لو شفت صدري كيف من رحت عنّي

في ذمتي ما كن ّ .. وسطه و لا شي

كيف انتوادع و انت فيني .. و منّي

يااغلا من الزلّه على قلب .. واشي

لابد ّ اعاف النوم لا نمت .. لنّي

انثر طواري غيبتك في .. فراشي

و اصحى و في بالي سؤال امتحنّي

وشلون .. اقاسي نظرتك و انت ماشي

يا ضيقة الفرقا على البال .. حنّي

و اليا لمحتي دمع عيني .. تلاشي

عطر البداوة · #**278** (**permalink**) 26-05-2010, 02:36 AM

فقدتك ( اي والله ) لي ايام واليال

ولو غبت ساعه عن ( عيوني ) فقدتك !!

وشلون ابنسى وانت دايم على البال

وانا ليا غنيت شعري قصدتك !!

ان جيت بأحسن حال وان غبت في حال

وكم مرّة ٍ تخطي علي مانشدتك !!

اسمح خطاك وعاقد ٍ فيك الآمال

ومن جور دنياي الكئيبه عمدتك !!

مهما تغيب الشوق باقي ولازال

( دائي ) ( دوائي ) عدّي اللي وردتك !!

بنيت لك في داخل القلب منزال

حتى ليا مني بغيتك وجدتك !!

عطر البداوة · #**279** (**permalink**) 26-05-2010, 04:08 PM

يا جــر قلبي جــر لدن الغصوني

من أشـهر القصائد وأكثرها شـعبية

شـاعرها العملاق الراحل :

دخيل الله بن مرضي الدجيما الروقي رحمه الله الشهير بـ ( الدجيما )

[IMG]http://msoeeh.******.com/سيول-1.jpg[/IMG]

ياجر قلبي جـر لـدن الغصونـي

وغصون سدر ٍ جرها السيل جـرا

وأهله من أول بالورق يورقونـي

على غديـر ٍ تحتـه المـا يقـرا

على الذي مشيه تخطـا بهونـي

وعصير من بين الفريقيـن مـرا

لا والله اللي بالهـوى هوجرونـي

هجر ٍ بها الحيلات عيّـت تسـرا

لا مبعـد ٍ عنهـم ولا قربـونـي

ولاعايف ٍ منهـم ولانـي بمـورا

واكثر عذاب القلب يوم سنحونـي

بيّح ابصبري لـو بغيـت اتـدرا

لاضاق صدري قمت اباري ضعوني

كني غريـب ٍ بالدلوهـة مضـرا

وقلبي عليه اشفق وتبكي عيونـي

والحـال مـن ود الحبيّـب تبـرا

ياعزتا لي من تفـرق اشطونـي

ياعزالي ارمـي بالسلـب واتعـرا

ان مت في خـد ٍ بعيـد انقلونـي

على هـدي الزمـل مشيـه تـدرا

ان مت في دافي حشـاه ادفنونـي

في مستكن الـروح ماهـو ببـرا

ياليتهـم بالحـب مـا ولعونـي

كان ابعدوا عنـي بخيـر ٍ وشـرا

ولا انهـم يـوم انهـم قربونـي

خلوني اقضـي حاجتـي واتـدرا

وياليتهم في الدرب ما واجهونـي

وياليتهـم مـازادوا الحـر حـرا

وياليتهم عن حاجتـي سايلونـي

يوم ٍ اني اقعـد عندهـم واتحـرا

الخد برق ٍ فـي علـو المزونـي

تقول براق ٍ مـن الصيـف سـرا

وقفت عنـده شابحـات ٍ عيونـي

كنـي غريـر ٍ باللهاوي مضـرا

عطر البداوة · #**280** (**permalink**) 26-05-2010, 04:21 PM

مناحي بن طنيف العصيمي

تغرب بين الولايات المتحدة وبريطانيا ردحا من الزمن ... فهزه الحنين الى الوطن !

له ابيات صدح بها من لندن وقد هاجه مسيل الماء ورعاد السحاب ووميض البرق.. اوردها لكم هنا ..

سيلٍ تحدّر شاق عيني .. مسيلك
الله لو من عالية نجد منشاك

خلّك تجي هاك الهضاب وتجيلك
عطشانةٍ .. ويعانق ترابها ماك

يانجد .. لوتدري بمن ينتميلك
اللّي حداه البعد .. والشوق فتّاك

يادار .. لو تنشال .. قلبي مشيلك
والدم يرخص لانثرته لعيناك

مهما نسوّي مالحقنا جميلك
الروح قبل المال والحال تفداك

رحنا .. وشفنا .. مالقينا مثيلك
وقلوبنا مالاعها مثل فرقاك

ياصاحبي .. من غربتك وش حصيلك
اسمع كلامي كان بلواي بلواك

ماينفعك لوقلت .. ياعزتيلك
لكن تذكر ويش خليته هناك

تذكّر الدلّة .. وبنّك .. وهيلك
والنار لاشبّيت .. والليل لمساك

والضيف والترحاب ويش ايعَنيلك
والجار وابن العم طربان لاجاك

والبر .. والمقناص .. مايستويلك
الاّ على الفكس آر .. والطير ويّاك

والرفقه اللّي ماتدّور بديلك
للمرجلة والطيب والعز ملاّك

والخلفة اللّي لا ضوت تنحنيلك
من بين كل الذود ترقب محيّاك

واخير من هذا .. وقلبك دليلك
خمسٍ ترى مارامها كود شرواك

الفجر .. والمسجد .. وخطوة رجيلك
والطيب .. والمسواك من شجْرة الرّاك

هذا الكلام .. وشد بالحيل حيلك
عبّرت لك والوضع ماهوب يخفاك