14-07-2007, 01:09 PM
|
 |
عضو مهم جداً
|
|
تاريخ التسجيل: Dec 2006
المشاركات: 512
معدل تقييم المستوى: 1714
|
|
شوفوا مهزلة اختبار التقنيه بالمدينه
قسم بالله مهزلة اسمها التعليم التقني والتدريب المهني
حسبي الله ونعم الوكيل
حسبي الله ونعم الوكيل
حسبي الله ونعم الوكيل
وكأنهم يتعاموا مع جدار او حيطه ومكأننا انسان يحس. خلاص صاروا يشوتونا زي مايبغوا مرا ديوان الخدمه وتعسفاته ووسطاته مرا وزارة التربيه والتعليم وظلمها وجاء الشي الجديد التليم التقني قمه السخريه
اول شي قالوا تعالوا يابنات التدريب المهني مسوي لكم دورات مجانيه ونروح نتعب وندرس وفي الاخير لا توظفنا بالدورة ولا اخذنا الشهادة إلا بتطليع الروح وكمان لا تقدير ولا شي بس اسمه اننا حضرنا دروة طبعاً كله على حساب الحكومه مشيناها
يجي ثاني شي التدريب المهني عنده وظائف شاغرة ياعيني يقصدوا خلينا نتسلى ونجيب البنات ونتمصخر عليهم ايش ورانا شوفوا سيناريوا المسخره ح تقنية المدينة
انواع الاستهبال او خلينا نقول جايين يسهزوء فينا
الحين جايه لجنه من الرياض ومتعبين نفسهم ومتصلين على البنات وانا طبعاً منهم وفي الاخير من يوم نروح نلقى مرشحين كم بنت من كل تخصص وانا اتكلم عن تخصص الحاسب وظائف اداريه اللي مرشحينهم كم وحده لانهم فقط بكالوريوس حاسب طيب وين راحت الدرجات وين الخبرات وين الدورات ولا شي، وبكل سهولة تقولك الموظفة خريجه بكالوريوس احق منك بالوظيفة طيب طالما احق مني ليش ماطلع ترتيبها اعلى مني في الاختبار ليش درجاتي اعلى من درجاتها وين راحت درجة التقييم اوكي هما التقنيه هاذي شروطهم رغم انهم كاتبين ان المفاضلة حسب درجات التقييم يالله مانحسد خريجات البكالرويس ورزقهم والله يوفقهم
خلينا نوقف عند نقطه مهمة ليش ياناس متصلين على البنات ليش تصرفوا فواتير على الحكومه بأي حق تتصلوا من تلفونات الحكومه عشان تتريقوا شوفوا الموظفة لما اتصلت ايش تقول
ترشحتي للوظيفة وتعالي يوم السبت عشان تتطابقي الاوراق طيب حبيبتي قوليلي بالتلفون انتي رشحتي بس فيه وحده افضل منك اترشحت راح اقولك الله يوفقها وشكراً لكم ليش الضحك على الناس ياربي
متصلين من الرياض ومتعبين نفسكم وفي الاخير يقولك سبب الاستبعاد تغيير الترتيب من قلكم اصلاً تغيروا الترتيب الله يكافيكم الله يكافي كل وزير مايتقي الله الله يكافي كل الموظفين اللي ماهمهم الا يستهزوء في المسكاين
والله مااتوقع يسو الحركه هاذي في الشباب لان الشاب بيروح يشتكي وبيأخذ حقه لكن نحنا البنات مساكين جو من الرياض عشان يضحكوا علينا
قال ايش قال فيه وظائف والله ضحكتونا
ولا المضحك بالموضوع ان الكلية اول سنة في المدينة ومحتاجين بس 18 موظفة فقط من كل التخصصات 
لكن مااقول إلا حسبي الله ونعم الوكيل
|
العرض الشجري
