جهادا في سبيل الله خير من الدنياء وماعليها.......................
..................
........
....
..
.

الله يوفقكم بالوظيفة الطيبة اللي تغنيكم من الناس ويحققها لكم في أقرب وقت قولو آمين ...أنا شاركت في هذا المنتدى و كنت أعرض فيه لمشكلتي في العمل وهو التعيين في منطقة نائية وحدودية بحكم طبيعة عملي وكلامكم ذكرني أشياء كثير أيام الدراسة الجامعية خلتني أحمد ربي على عملي فعلا اللي ما عنده عمل بيعيش بلا قيمة داخل هذا المجتمع انا كنت ايام الجامعة اروح لم الديرة طبعا الديرة فيها اعمامي وخوالي والجماعة طبعا اجيهم وقت الاجازات وبعض الاحيان اكون مبطي عنهم لفترة يمكن تاصل السته شهور وتخيلو انهم ما يكلفون نفسهم ويعزموني او على الاقل يعتذرون مني ولد عمي كان جاي لديرة بعدي وهو مدرس توه متوظف قاموا يذبحون له ويسحبون علي ولكن بعد ما تخرجت واللتحقت بالكلية الامنية تغيرت الاوضاع بشكل واضح حتى انهم يتصلون علي ويعزموني ويحلفون علي بعد حتى فيه ناس من زملائي ايام الثانوي نسيتهم من ايامها قاموا يدقون علي ويباركون ليانا اقول هذا الكلام من واقع تجربة هذا وانا موظف ولم امر بالعطالة بس الطالب الجامعي والعاطل في مرتبه واحده والله يعين العاطلين انتم في مجتمع مايرحم مجتمع مصلحجي عندك شي يحطونك فوق ما عندك شي ما يشوفونك الا نكرة .

ياسبحان الله كلام سليم ملازم تركي مشكلتنا في المصلحجيه ودك تمصع رقابهم

انا مااحظر مناسبات عشان لااحد يسالني توظفت ولالا

تحس مالك اهميه

ربك كرررررررررررررررريم

بالتوفيق للجميع..

اكره ماعندي اذا جاكـ واحد من اقاربكـ وقال ياولد توظفت ؟
وهو يقدر يوظفكـ بس يبي يفكـ سالفه بينكـ وبينه وهو احلف انه يقدر يتوسطلكـ ويوظفكـ
انا ابغى اعرف العالم ذي تحسب نفسها هي اللي تبي تعطيكـ الراتب لا والله الراتب من الدوله الله يعزها
لاكن لا اطيل عليكم بل اقول
توظفتم واللى بعد؟؟؟؟؟<<<<<<<<< ههههههههههههههههااااااااي

ياخي والله قهر يوم ابوك يصرف عليك وانت هذا كبرك مثلك مثل اخوانك الصغار وخواتك

وابوك يقولك ما يهمك يا وليدي دامك عندي راح اصرف عليك مثلك مثل غيرك

بس والله قهر

يا خي ودك يوم تطلع اهلك تجيب لاهلك هدايا من شيء تعبت عليه مو من حلال غيرك

اقول الله يجيب رزقنا على خير

[align=center]
كلام الناس لا يودي و لا يجيب
هالناس اللي ما تراك شي بيجي يوم و يصير عندهم ولد عاطل و بيحسون بهذا الشعور
اللحين ما فيه بيت الا وعندهم عاطل أو عاطلين أو عدة عواطلية

المهم انك ما تغير قناعاتك بنفسك بسبب كلام الناس

في فترة عطالتك حاول تسوي اشياء حلوة لأهلك و لمجتمعك
و لا تنسى صلة الأرحام
حديث عن الرسول : { من سرّه أن يُبسط له في رزقه وأن يُنسأ له في أثره فليصل رحمه}.
مو كل الاقارب بيسألونك هل توظفت .. ممكن تتوفق بدعوة من جدتك أو جدك
أو اي عجوز من العائلة ..<< دعواتهن صواريخ


أنا عاطلة لكن أحاول اقنع نفسي اني مو عاطلة
احاول اطور نفسي دامي في سعة و معي وقت
عندي شعور اني راح اتوظف قريب مع ان معدلي ما يسمح
و متفائلة و الله يقول " انا عند ظن عبدي بي "
اما الناس فما ارد عليهم إلا اني فعلت الاسباب و التوفيق من الله
" سويت اللي علي و التوفيق من الله " << هذي جملة اكررها كل ما سألوني
أما مسألة نظرتهم لي " عاطلة " .. فعودت نفسي اني ما احسب لها حساب
يعني هالنظرة ما تهمني و لا راح تغير شي من واقعي
يعني هم بيقطعون رزقي اذا قللوا من شأني أو حكوا عني ؟

أكثر شي يأثر علي .. أمي و أبوي وهم يشوفوني بعد ما تعبت و درست و سنين من عمري راحت
و في الأخير جالسة قدامهم لا شغل و لا مشغلة و كأن عمري اللي مضى هباءً منثورا
لكن أحاول اخفف من هذا الشعور اني اريح أمي في البيت
و افك ابوي من راتب الشغالة ..

و ما بعد الظلام الكالح إلا صبح واضح !


[/align]