^
^
^
^
^
^
^
^


السلام عليكم ورحمة الله وبركاته


احب احيي الاخوة الاعضاء والزوار الكرام , وأشكر القائمين على
هذهـ المنتديات , التي تهم شريحة كبيرة من المواطنين ...


عندي مشكلة في العمل .. وبصراحة ( كرهت الشغل !! ) والسبب
مدير اجنبي ( هندي / كافر ) ..

أولا .. انا حاصل على شهادة بكالوريوس في ( الاقتصاد ) ولقيت
وظيفة بعد 8 أشهر من البحث ولله الحمد .. والشركة ( ------ )
ومجالها اعمال الطرق ..

وظيفتي كانت ( مشرف اداري ) ماله دخل بالامور الادارية !!
والسبب هذا المدير الهندي .. يبغى يكون الكل في الكل ..

البداية كانت قوية ,, 4 شكاوي في اسبوعين !! .. كل ما جيت
للادارة علشان استفسر عن موضوع في العمل اتفاجئ انه في
شكوى ضدي من هذا الهندي !! .. ( هذا يتدخل في شغلي -
هذا صارم مع الموظفين - ما أبغاهـ عندي في المشروع ) ..

الادارة فاهمة الوضع , واخبرتني صراحة ان الهندي ما يبغى
سعوديين !! .. طيب انا ايش اسوي , اداري وكل الامور الادارية
عندهـ ,, كيف اشتغل ؟! ..

تجي الردود .. ( انت لسه في البداية - الامور بحاجة لتنظيم -
حاول تتحاشى هذا المدير - انت في حرب !! ) ووو ......

انتهى أول شهر ,, كنت انا اول سعودي في المشروع , وجاء
بعدي 3 سعوديين واستلمهم المدير شكاوي ونساني .. مرَ الشهر
الثاني بــ هدوء ..

قدمت خطاب في البداية ,, بخصوص بعض مستلومات الوظيفة
مثل كمبيوتر - اغراض مكتبية ع الاقل !! .. وما حولك احد !!
الآن انا في منتصف الشهر الثالث ( ما زلت في الفترة التجريبية )
وما عندي حتى ( ورقة و قلم ) ..

المشكلة ان الادارة تطلب مني تقارير .. لا ويبغونها بالكمبيوتر
ويعرفون وضعي تماما ,, ما عندي الا طاولة وكرسي وبس !

واللي يقهر .. ان تم توظيف اكثر من هندي بعد ما توظفت ..
وطلباتهم مستجابة .. سيارة - اغراض مكتب ....

الادارة بدت تنتقدني .. انت ما تشتغل - تتقدم ببطـ ء - المفروض
انك استلمت الامور الادارية كلها ,, وهم يعرفون اني محتاج
لدعمهم واعطائي صلاحيات مثلي مثل غيري ..


كلفوني بمهمة .. والحمد لله انجزتها ,, وتفاجئت ان الادارة
تخبرني بأن مدير المشروع هو المكلف بها الشهر الجاي
وما بعدهـ !! .. وبدون سبب

بصراحة , الاعصاب بدت تتلف , وأخشى اني اقوم بعمل شي
اندم عليه .. صبرت شهرين ونص على سوء المعاملة من
مدير المشروع وشلته .. مواقف بايخة شبه يومية ( بسيطة )
لكنها ( تحرق الدم ) ..

عملي غير واضح حتى الآن ,, والادارة بدت تقلب عليَ !! ..
القاها من الهندي والا من الادارة .. ما ادري !!


الراتب ( يمشي الحال ) لكنه مهوب راتب ( جامعي ) واخوكم
مستأجر سيارة بمبلغ وقدرهـ ...... شهريا ,, وأبو هنَاد يجي
والسيارة قدَامه !! .. نص الراتب على السيارة , والباقي
لامور البيت والاهل ,, وما يبقى لي غير ( الفتات ) ..

باقي اسبوعين وتنتهي فترة التجريب .. استمر والا أمشي
من هــ الشركة ؟!! .. بالله ايش رايكم ؟؟

ياعمي استمر وافهم الشغلة مزبوط وان شاء الله تكون بداله

حاول انك ماتبين حقدك نحوه وحاول تتلطفه علشان

يعطيك شوية من خبرته

وبس

اخوي بيكاسو نصيحة لك
لا تترك العمل مدام باقي لك اسبوعين اتحملها الين ما تمر فترة التجربه
وتوقع العقد وبعدين زي ما قالوا لك الاخوان حاول تكسب ودهم لانهم اجانب يكرهوا شي اسمه سعودي

لكن حاول تفهمه انك انت تقدر تجيب لها اشياء هو مايقدر يجيبها
زي الفيزا وغيرها

انا لما كنت اشتغلت في بداياتي كنت زيك الين ما مرت فترة التجربة ووقعت العقد
وبعدين حاولت استطلف الاجانب اللي معاي رغم اني الوحيد السعودي بينهم
لكن كانت علاقتنا مع بعض حلوة وكنا نخرج ونتغدى برا ونروح مشاوير

يعني على قولتهم من كان له الحيله فليحتال

واصبر الين ماتجيك فرصه افضل
و اخوي بيكاسو ترى الاحتكاك مع الاجانب راح يفيدك بس حاول تستفيد منهم بقدر ماتقدر
وهم اذا ارتاحوا لك راح يعلموك
وانت راح تشوف مع الوقت وراح تفتكر كلامي

أخوي أنا سبق واشتغلت بشركة نفس الحكاية فيها مصري : متسلط يبغى يكون الكل بالكل..

بس شف دامه مو المالك لا تظهر الضعف وإنك بحاجة للوظيفة ....خلهم يعرفون إنك راعي مشاكل وشكاوي ....وإنك صابر وعاقل أحتراما لهم....مد لسانك عند الضرورة لا تظهر الضعف صدقني الضعيف ياكلونه..

سلام

اخي الكريم

حاول ان لا تثير الهندي وخلك سلمي معه هذا اجنبي يعني يقدر يفصلك من عملك لإنك سعودي شايف كيف انقلب الحال بنا نحن السعوديين يجي الهندي من بلده يتحكم فينا في بلدنا
أين الدولة عن مثل هذه الممارسات اليست هي من يشرع القوانين التي تحمي المواطن
أين السعودة (رحمها الله وتغمدها بواسع رحمته)

سلام
انا نصيحتي لك مثل ماقال محمد العتيبي السياسه تجيب كل شي.. انت سايسه انا بعد اشتغلت بمعهد كله اجانب وجاتني حرب في البدايه وبعدين بالسياسه كسبتهم بالاكل وبالسلام واني مهتمه لهم ومقدره ظروفهم ولمن طلعت ماتوشف كيف تجننوا ليش طلعت والى الان علاقتي فيهم قويه
ومثل ماقال لك الريال الواحد يسوى مليون عندهم .. تخيل في مستوصف اسنان الممرضات حقينه مايتشرون سكر يجمعون ورى المدير السعودي لمن يجيب تخيل مايقدروا يشتروا كيس سكر ب3ريال..فانا اقولك السياسه تجيب..ولاتسيب شغلك الين تلاقي احسن منه حتى لو نفسيتك زفت اعمل كل الطرق حتى تسعد نفسك

انت سوى ذا كله اذا عرفت ان هالشركة كويسه وممكن تتحسن اوضاعك بيها..وكمان فكر بالخبره انا انصحك بسنة..
ويارب يوفقك ويرزقك الرزق الحلال..اللهم امين