السلام عليكم ورحمة الله وبركاته
شباب ان لي ثلاث سنين راسب بعمى اللون وطلبت مشتشفى حايل عندي كم سوال
1- دكتور العيووون متشدد والا يمشي ؟؟؟
2- مدير المستشفى وش اسمه ؟؟؟
3- الامور سهله بالكشف وكم تاخذ ؟؟؟؟؟
4- الواسطه تمشى بالعيون والا لا

اكيد الواسطة تمشــيك
يجـي من يـفيـدك
باااااالتوفيق

والله يا اخوك انا ما ابي احطمك

بس بقولك الحقيقة وانت عاد روح وشوف وان شء الله تتسهل امورك

بعطيك سالفتي انا من ساكن تبوك وموعدي كان يوم الاحد5/4 بحايل ورسبوني بسبب ضعف النظر وكل العيادات عديتها الا النظر

والله يعوضنا بخير ان شاء الله

وعلى فكره ابوي يعرف نص اللي بالمستشفى توسطنا بثلاث مدنيين وضابط ملازم اول

كل الدكاتره متساهلين على الاخير ما عدا دكتور العيون الله لا يوفقه رسبني مع ان الملازم كلمه اكثر من مره

وبالاخير قالي انت روح لمستشفى مغربي وجيب لي تقرير بان القرنية تقبل العملية والله وحركت على تبوك انا

والوالد لانه كان معاي من اول واول ما وصلت تبوك على صلاة العشاء ما قعد ساعتين الا واشغل سيارتي وعلى

طول مشيت على المدينه ووصلت الصباح المدينه ورحت لمستشفى مغربي الصباح وسويت الكشف وبعدين قالي

تعال المغرب وخذ التقارير عشان اوقعها من الدكتور واخذت التقارير بالمغرب خلصتها فليتها شوي بالمدينه

حركت على الساعه 3 بالليل لحايل ووصلت الصباح ورحت لهم واعطيت الملازم اول التقارير وقالي راح الغي

الاستماره الاوله لان الدكتور ختم عليها غير لايق وروح جيب من العسكري اسفل استماره وجبتها ورحنا لانه قالي

ان شاء الله بالتقارير راح يوافق وان باقوله باتحمل المسؤوليه انك بتسوي العمليه وقلت اوك ورحنا عند الدكتور

ويكلمه وشاف التقارير ورفض كمان انا بوقتها كان ودي ادوس عليه دوس>>>من القهر والمرمطه

وكمان رئيس اللجنه لمقدم كلمه وما وافق الدكتور وقال ما راح اوقع ولا اختم عليها

وبالاخير رضيت بالواقع وقالي الملازم انا بحاول احول الكشف حقك باي منطقه ثانيه وانت سو العمليه قلت اوك

وانا برد لك باي منطقه وللحين ما رد لي الملازم والله

وهذا انا اللحين عاطل بعد ما درست سنتين بالجامعه لانهم ما رضو يعطوني استعاره للشهاده رحت سحبتها

وبعد ما رفضوني امن المنشئات رجعت ابي ارجع للجامعه ما قبلو قالو قدم مع بداية السنه من جديد واللي درسته بيروح عليك بابدأ من الصفر >>والمشكله انهم ما حتى سالو عن الشهادة ما غير البطاقه وصورتين شخصيه

وانت عاد روح واللله يوفقك ان شاء الله والله يعلم اني ما ابي احطمك لكن هذا اللي صار معاي

تحياتي لك,,,

يا أخوي روح أنا صاحبي عندهـ ضعف بالنظر
قاله الدكتور بعدين سوي عملية وسجل له لائق

اخوي ما فيه وظايف روح والله يسهل عليك

وان شاء الله يتساهل معاك الدكتور

ما تدري يمكن حظك احسن مني

نورس املج

صحيح اللي تقوله اني في احد مشاة الدكتور

متى كان موعده

ارجو الرد

الله يلعنه من دكتور وصخ زباله رمه

السلام عليكم ورحمة الله وبركاته


شباب الالون يدققون والايمشوووووووووون ؟؟؟؟؟
لاني راسب لي 3 سنين والسبه عمى اللون

محمد ال محمد انت عندك عمى الالون والا لا
والا اهم شي النظر

لا يا اخوي الحمدلله ما عندي بس عندي ضعف نظر

انت متى موعدك