السلام عليكم ورحمة الله وبركاته

اعزائي منتدى حلول البطالة

التي عودتنا لحلول وقضايا الشباب والفتيات في مشاكلهم وهي البطاله

كل شخص عنده فكره مشروع او استشاره الاخوانه في الاعضاء

وانا الان بين ايديكم ومحتار ومتخوف من هذا المشروع تدرون ليه فكرت بالمشروع وسبب

هو راس المال بسيط .

ابي كل شخص له خبره او غير

يعطيني استشارته عن مكتب العقار وشو شروط كايربح ويكون ناجح وكيف اجلب العروض الى مكتبي وكيف ادخل راس مال الاجار و غيره من هالقبيل

انا جيت لعرض مشروعي البسيط ومحتار كيف ابداء والمشكله اني ماعرف اي شيء عن العقار

انا الان بين ايديكم فارجو لاتبخلو علي بستشارتكم لخوكم صغير

ولكم جزيل الشكر والامتنان

اخوكم نواف الحابوط

نتظر ردودكم

هلا بك اخوي

اولا الله يوفقك وييسر امورك

ثاني شي العقار زين وين ما تروح خاصة انه مثل ما قلت ما يبي له راس مال كبير وما لك دخل بالاسعار وكل شي .. اهم شي تصير لك عمولة البيع (السعي)

طبعا كل مكان يختلف النشاط فيه من اراضي - فلل - استراحات ...

فنصيحتي لك ..

حدد لك الموقع اللي تراه مناسب والنشاط فيه يصير زين وبعدين خذ لك دورة على المكاتب اللي هناك ولا تخلي شي ما تسالهم يعني جمع معلومات وخذ فكرة عن الشغل (و لو تتوظف مع احد فترة احسن لك تاخذ خبرة حلوة لو انها بدون راتب او تصير بالنسبة)

طبعا لازم تاخذ فكرة عن المسميات والعقود وطريقة الشغل عشان تحفظ حقك

ولا تنسى فيه مواقع كثيرة متخصصة بالعقار

اخيرا كل نصايح اهل العقار هي الصبر ثم الصبر ثم الصبر يعني لا تستعجل ابد وخل معك مبلغ يكفيك من ستة شهور الى سنة كاحتياط


وبداية الالف ميل خطوة وانت بديت بالخطى ماشاء الله .. وفقك الله

ياخي كلامك جميل جداااا

صدقت لابد اتوظف لو بدون راتب علشان اعرف كل شيء

اخي العزيز مكتب العقار عالم بحاله اذا وجد الصدق ولامانة ومخافة الله في كل شي تقوم بعرضه على الزبون

ويجب عليك معرفة العقارالذي تقوم بعرضة من جميع نواحية مثلاً عندك الارض لابد من معرفة مساحة الارض

واطوالها وشوارعها والواجه شرقية أو غربيه أو شمالية أو جنوبية والمفضل دائماً في العقار الواجهة الشرقية

ثم الشمالية وايضاً عندك العماره كم مساحتها وكم المبني عليها وكم عدد الادوار وعدد الغرف واجهتها لابد من

كل كبيره صغيرة تعرفها عن العقار حتى لاتتعرض الي اسئله محرجة من الزبون اذا لاحظ عليك عدم معرفتك

بالعقار صدقني ماراح يتعامل معك مره اخرى فانتبه للشي هذا اما من ناحية كيف تتعلم انا انصحك قبل ان تفتح

مكتب عقار لابد ان تكون لديك معرفه كامله عن العقار عندك منتديات العقار وانا افضل عقار ستي وتكتب فيه

طلب توظيفك في مكتب عقار وان تكون مولم بالكمبيوتر وادارة المكتب وتطلب نسبه 15% من دخل المكتب

بدون راتب أو تذهب لإحد المكاتب المجاوره لكم وتطلب منهم ان تكون معاهم في المكتب حتى تتعلم الشغله

وفي طريقه ثانيه وهي انك تقول لإقاربك او زملاك الذي يريد ان يعرض عقاره انا اعرضه له او يريد ان يشتري

انا ابحث له عن عقار من خلال تسجيلك في منتدى عقار ستي وتقوم بعرض العقار او طلب عقار ومن ثم وضع

رقم الجوال تحت العنوان وعليك متابعة موضعك بجديه وانت جالس في البيت بدون مكتب وكل من اتصل عليك

احد تروح معاه ويشوف العقار اذا ناسبة واتفقتم خذ سعيك منه كاعربون وتتفق مع صاحب العقار ان يقابل

الزبون في المحكمة للافراغ وبكذا انت راح تتعلم الشغلة حبه حبة وانصحك كمان ماتاخذ عرض عن طريق كذا

شخص حتي لايضيع سعيك بينهم خذ العرض المباشر من صاحب العقار حتى تكون الدلاله لك وحدك

اتمنى لك التوفيق

نفس كلام الأخ برشالي
وتسير على مكاتب العقار كل يوم وتشوف العروض الموجودة وتعرضها والدلاله بينكم
وبالتوفيق ان شاء الله للجميع

العقار يبغى له علاقات قوية جداً

يعني لازم تتعرف على ناس كثير وتكون علاقاتك قوية وكثيرة متشعبة

وكمان تقدر تبدا بسيط وبعد ما تكون نفسك تكبر مكتبك وتزينه

طبعا لازم علاقاتك بالمكاتب حولك تكون جيده

لان بعض الاشياء بتكون معروضه عندهم ويحتاجون لك او العكس

واي شي اتذكره برجع باذن الله

اتمنى لك التوفيق

اشتغل وسيط بين مكاتب العقار الى ان تعرف الشغل زين

بحيث تمر على المكاتب وتأخذ من عندهم العرض من مكتب وتعرضه عند المكتب الثاني والعكس واذا انباع شئ لك السعي ومنها تكون علاقات لان العقار اذا ماعندك علاقات ماراح تربح ربح عالي واذا شفت انك بعد فترة اكتسبت المهارة واكتسبت العلاقات افتح لك مكتب لانك في هاذي اللحظة اجدت الشغلة ومنت في حاجه الى توجيه.

وفي الاخير الله يوفقك ويرزقك من حيث لاتحتسب
واكثر من الاستغفار فهو سبب في جلب الرزق (((استغفر الله)))

تحياتي لك