رحلة الفضاء....

السلام عليكم

كانت من اروع رحلات الفضاء وكتبت عنها جريدة نيو***بر اللندناوية
اخذنا جولة على المجموعة الشمسية لكن اللي خرب الرحلة عيال الطايف كبتن عتيبة ومبرمج رمانه واخويانهم فضحونا قدام سكان الكواكب اللي على طريقنا.

نويت فيما مضى اني ازور الفضاء متجهز من الى....بس قلت ابي اخذ معي قلب المملكة سمعت انه راعي مقانيص وشبة ضو وهالعلوم وانا احب هالحركات لكني زعلان على قلب المملكة يوم انه يهاوش زيدان عشانه يبيع كورة

المهم مريت في العصرية على قلب المملكة وعطيته العلم بس كان لاصق لنا خويه ساحب على الدنيا جلنط وقاعد يبكي يبي يخاوينا قلت لقلب خلاص جبه معنا لا يفضحنا قالي تم....ساحب على الدنيا جلنط مدري بريك قال يبي يجيب خويه زيدان قلت كلها الا هالاصلع شوف لنا أي واحد في المنتدى الا هالادمي قالي قلب المملكة وش فيه قلت له الصراحة بخيل وما يدفع تخيل مرة طلعت معه قلت عطشان وقف عند بقالة وجيب لي موية الاصلع وقفني عند برادة موية في مسجد يقولي اشرب بلاش وبالمرة خل اللي حطها ياخذ اجر فيك مع انك ماتستاهل...

المهم ألح علي ساحب واصر اننا نجيب صليع قلت له خلاص رح جيبه....

تقهويت انا واللحية الغانمة قلب المملكة وبعد المغرب وقف عندي باص زي حق ابو سرهد قلت شكلهم العمال وصلوا....اثاري ساحب راح المنتدى وجاب كل اللي كانوا متواجدين.....

حقيقة كانت صدمة مريعة....لكن قدرت اتعرف على بعض الاعضاء من خلال شكلهم....زيدان خال بدون شعر ومركب باروكة وكبتن عتيبة لابس طاقية ومنزلها من قدام وخويه مبرمج رمانه رافع الثوب ولابس سروال شلش وعاطل عام ترمس جايب معه بندقية وعاطل فاهم لابس بنطلون مقطوع من الركبة وهيبة فنان من الطول اللي فيه نزل من الشباك ومركب خطاف في يده والانتينوف هو ووزير البطالة اثاريهم من اليمن جايبين معهم كفرات مستعملة وعلب زيت حق السيارة ملك التحديات معه جريدة قاعد يقراها عميل بلطقي معه عكاز زي حق سلفر وحاط قطو على كتفه وصعفق معه كرتون صابون تايد فاضي.قمة المتعه عنده انه يجلس في كرتون فاضي ويسحبه عميل بلطقي

الصراحة منظر مروع......قالي قلب المملكة اقولك خلنا ننحاش بلا فضاء بلا خرابيط قلت له اصبر شوي خلني اشوف باقي فيه احد في الباص....يوم دخلت الباص لقيت منو ووثيقة متلحفة وهيفن موون واخر العنقود ولمى وطاغية الانوثة متوزين ورا الكراسي في اخر لحظة لمحت عجرا جات طايرة وصفقت في راسي اثرها من هيفن موون بعد الضربة هذي ماعاد قدرت اتحرك.....يوم فتحت عيوني جاتني منو بالبقشة طايرة وعلى خطاف الحافلة وبالبقشة على وجهي اتصلت على قلب المملكة وقلت له انا اتعرض لاعتداء اكرر انا اتعرض لاعتداء ارسل لي المساندة في اسرع حول قالي والله ماحد قالك تروح للباص خلهم يرنونك الين تعقل حول....قلت له طس ولاعاد تقولي ابخاويك مكة ولاعاد تقولي جيب لي موية زمزم حول...قالي خلاص ابجيك الحين حول ويوم دخل الباص جاه نصيبه من بقشة منو ....

المهم انتهت المعركة على خير بعد ما تفقع وجهي انا وقلب المملكة بدون سبب...

تجمعنا مع الشباب عشان القطة قال زيدان انا ابدفع عن ساحب خويي....وهذي 45 ريال.!!!!!
قلت له وين ياخوي انت طالع البر؟؟ وش ذا؟؟؟اقولك طالع الفضاء مو مصر...حط قطتك والا انقلع لا اشوفك

المهم راح وجاني بعد نص ساعة معه قطة سنعة....
كبتن عتيبة مسوي انه ناسي المحفظة عشان ما يدفع...قلت لقلب المملكة ان شاء الله يكون نسيها من جد عشان نطرده هو ووجهه اللي كنه محول كهرب....
وزير البطالة يقولي انت ادفع وجيب لي فواتير عشان اسددها لك على الراتب...
وصعفق مسوي نفسه مايسمع قاعد يحك خشمه بالخطاف اللي بيد هيبة فنان ...

يعني من الاخير كل اللي طلعوا فقرانيين....حتى قلب المملكة يقولي اذا طلعنا من الغلاف الجوي حولت لك الفلوس على الحساب...!!!

طردتهم كلهم وقلت لهم اللي يبي يخاوينا يجب قطته وبلاش حركات المصارية هذي...
راحو كلهم ومابقي الا انا وقلب المملكة والبنات قلت لقلب المملكة تكفى لاتروح وتخليني ...وهو عارف انهم بيضربوني ماعندهم رحمة خاصة هذيك اللي تحب الخبيتي منو...


البقية في الحلقة القادمة

طيب ممكن اروح معاكم > > > قطتي 5000 ريال عشان اسباني عطاني مليون ومعايا فلوس كثيره
انا بدفع عني وعن (اسباني) وعن( اشلون ما اغليك )وعن( سعادتي با استغفاري) واللي يبني ادفع عنه يرسلي ملفه على الفاكس تبعي ...

..

هههههههههههههههههههههههههههههههههههه
ههههههههههههههههههههههههههههههههههههههههههه


وجت عجرى طايره وصفقت براسي
هههههههههههههههههههههههههههههههههههههههههه



الله يسسسعدك يآ‘شيخ ع هالقصة التووحفه

سلمت يداك وننتظر جديدك ياوحش

دائما مبدع

ننتظر الحلقة الثانية

تحياتي

ههههههههههههههههههههههههههه

صعفق معه كرتون صابون فاضي

وربي ضحكتني الله يسعدك لكن

مردودهـ لك ومصير الحي يتلاقى

ننتظر الجزء الثاني بفارغ الصبـر

ههههههاي

بالتوفيق للجميع