الله يعطيكم العافيه ويجعلنا من المقبولين نهائياً حنا وياكم يارب
انا ابي اتكلم عن اللي صار معنا بالتفصيل بالنسبه للفحص والاجراءات 00الخ وطبعاً الشي
هذا يخص الشباب اللي مراجعتهم في الحدود الشماليه
انا مجموعتي الثالثه وكان موعدنا بالامس الاربعاء 19/6 وباقي المجموعه الرابعه والاخيره اللي
موعدهم السبت القادم 22/6 وان شاء الله اني اقدر افيدهم ^_^
صباح يوم الاربعاء الساعه 8 دخلنا مستوصف قوى الامن وبدأنا في دكتور الاذن والانف والحنجره
واللي كانت اوراقنا عندهـ بعد ما خلصنا الفحص دخلنا على دكتور الباطنيه ( وطبعاً هنا تنزل
ملابسك كلها ما عدى السروال القصير او بمسمى ثاني سروال السنه ) ياخذ الطول والوزن
ويشوف وقفتك وحركة الأرجل وبعد كذا توقف في منطقه غير مكشوفه الا للدكتور وتنزل سروال
السنه ويفحص الذكر والخصيتين (واقصد بمنطقه غير مكشوفه يعني معزوله عن الممرض اللي
متواجد بنفس الغرفه ) وخلصنا الفحص بعدها دخلنا على دكتور يفحص التنفس والنبض وبعدها
دخلنا عند دكتور الجلديه ويفحص منطقة البطن والظهر واليدين والأرجل وبعدها دكتور العيون
وبعدها دخلنا المختبر واخذوا عينه من الدم والبول اعزكم الله وبعدها الاشعه وبكذا خلصنا منهم
وكانت الساعه 10 صباحا تقريباً وبعدها طلبوا مننا نروح مستشفى الصحه النفسيه للفحص بعد
الساعه 12 ظهراً ونحصل اوراقنا هناك , انا استغليت الوقت المتبقي على موعد مستشفى الصحه
النفسيه (ساعتين) قلت اروح لمركز التدريب واخذ اوراق الاحوال والادله الجنائيه ورحت هناك
وعطوني خطابين بظروف مقفله ومختومه ,الظرف الاول للاحوال المدنيه والظرف الثاني للادله
الجنائيه ,اخذت الخطابات ورحت للادله الجنائيه وبصمونا هناك وخلصنا بسرعه وبعدها رحت
لمستشفى الصحه النفسيه ودخلت على الدكتور وسألني اسئله عاديه منها ( اسمك ؟ هل سبق
وزرت المستشفى او طبيب نفسي ؟) وخلصت وطلعت وبكذا يكون باقي لي الاحوال المدنيه بس وانا
لازم اراجع الاحوال المدنيه بمدينه ثانيه لاني استخرجت البطاقه من هناك ولازم اخلصها قبل
الموعد الاخير اللي راح نحضر فيه لمركز التدريب في يوم الثلاثاء بتاريخ 25/6 وبس
واي واحد عنده استفسار او سؤال بخصوص الفحص واللي صار انا حاضر وجاهز للاجابه
بالتوفيق للجميع ,,
03-06-2010, 05:02 PM
العرض الشجري
