رحت مع قلب المملكة ودفعت عنه القطة مقابل انه ما يتركني لوحدي معهم.....خصوصا هذيك اللي اشترت ادوات تجميل من عند كبتن عتيبة وطلع لها شنب اظنها طاغية الانوثة والا وثيقة متلحفة

جوني بعد العشا وكل واحد بقطته طلعنا المكوك الفضائي الشباب جالسين قدام والبنات ورا(زي النقل الجماعي) وقلت لهم اربطوا الاحزمة استعدادا للاقلاع....ربطوا الاحزمة الا الطويل وشسمه يارب....اظنه هيبة فنان....ومع الاقلاع مادريت الا وهو محظر عندي في قمرة القيادة هو وركبته اللي كنها تعشيقة جمس 81 ....ونشب في القمرة ...ماعرفت كيف اطلعه قلت لقلب خلنا نقلع وبعدين نشوف له صرفه....اقلعنا كان بيننا وبين المريخ 200 الف كيلو متر ....اخذنا الدوار ومن بعد القمر ثالث لفة يمين ومن عند المحطة خذنا يوتيرن وسيده على المريخ ...رجعنا للطويل ذا اللي ابلشنا قلت لقلب شوف راسه عند الطبلون ورجله تحت الكرسي ويده في المسجل احسن حل ان نفكه ونطلعه من هنا وبعد كذا نركبه من جديد ...يعني نسوي له تجميع من جديد ...والله ماهو احسن من الكوريلا صناعة يابانية وتجميع صيني...لكن المشكلة مانعرف نفكه....انا وقلب خبراتنا قليلة ...انا خبرتي تركيب مكيفات وقلب خبرته تركيب موكيت وباطرمة....رحت كلمت الشباب ادور خبرة فك وتركيب ونقل عفش خخخخخخ قسم انه ابلشنا....المهم ملك التحديات قال انا افكه واركبه واعطيكم عليه ضمان سنه..قلت هيا تعال للقمره.....بعد محاولات لاكثر من ساعة قدر يفكه بسهولة...لكن الصعوبة في تركيبه مرة ثانية....الاخ حاط رجله محل يده اليمين...وراسه مركبه في بطنه....شوي ويروح يشحت به في الحرم....ماعلي منهم اهم شي ان يطلعه من القمرة عشان نقدر نعشق المكوك

اليوم الثاني بعد الظهر حطيت راسي قلت اباخذ غفوة الين العصر....جبت كبتن عتيبة ومبرمج رمانه قلت له سوقوا المكوك بشويش على مهلكم ترى امس واحد ضيع الدخلة حق المريخ اخذ يوتيرن وتجيه تريلا حق صرف صحي وصدمه مع الجنب ...انتبه وانا اخوك ...قالي طيب..


نمت وصحيت بعد العشا ....ويوم استلمت الدركسون كانت المفاجأة ......مرينا على لوحة مكتوب فيها (بلدية كوكب المشتري ترحب بكم وتتمنى لكم اقامة سعيدة) الله يرجكم ياعيال الطايف...وش جابكم هنا....

طردتهم وجبت عميل بلطقي قلت له تعال اعلمك كيف تسوق ....وحنا ماشيين جانا مكوك فضائي شكله حق مراهق كاتب على الجناح (مجبور احبك) ومنكس المكوك من قدام لدرجة انه يحك عند المطبات...قالي عميل بلقطي خلني اهديه شريط اسلامي قلت الله يرحم والديك مو وقته...قالي تكفى قلت له هيا اخلص....المهم جا يبي يقرب من المكوك قررررب وقررررررررررررررررب الين حك المرايه حق المكوك ...ويجنب وصارت فيها علوم قبايل وحركات....المهم تنازل عن الموضوع لان يبي لنا دورية تجي من الارض ...يعني يبي لها اقل شي 3 سنوات عشان توصل!!!!

قلت لعميل بلطقي اقولك انقلع جنب ربعك ولا اسمع لك صوت....



البقية في العدد القادم

...

هههههههههههههههه
الرحلة شيءءءء
...................................