17-07-2007, 04:28 AM
|
|
Banned
|
|
تاريخ التسجيل: Oct 2006
المشاركات: 200
معدل تقييم المستوى: 0
|
|
محاوره بين موضف وعاطل
محاوره شعريه ان شاء الله تلاقي استحسانكم
ومعليش لو جبنا الطعه في احد من الاثنين 
وهي على العموم محاوره طازجه
الموضف
قم واغتسل واغسل ثيابك ياهمل .. اللي مثيلك ما تروش من سنين
احلق شعرك ونضفه من هالقمل .. الله على ريحتك يا عاطل يعين
العاطل
ياموضفن غيرك يديرك فالعمل .. عشنا وشفنا ريشتينك يالسجين
احمل ضعون الغير شله ياجمل .. واحمل معه اكياس رزه والطحين
الموضف
يالعاطل انت اليوم صيتك بالرمل .. بك ينذكر كل الرداة وكل شين
انت الذي مثلك خروط لو صمل .. تبغى تكحلها فتعمي كل عين
العاطل
خلك من ابياتك وترتيب الجمل .. ان كنت رجال فقابل باليدين
اما توطيت الجمل هو ما حمل .. والا تراني ورع وافزع ياحسين
الموضف
الظاهر ان الجسم مع راسك ثمل .. ما تدري الدنيا شمال او يمين
نقصت كاملها وناقصها كمل .. وش باقي لك من خفاياك ويبين
العاطل
ارجوك تكفى الحين ياشيخ الشمل .. يا حامي دولة بلاد المسلمين
انت ولو حطوك راعي للنمل .. ضيعتهم لو كنت راعي نملتين
الموضف
ماني مجاري جاهل ما يحتمل .. ان ضاقت الدنيا يذرف دمعتين
لوجا يسولف سولف بشي ممل .. كله على بعضه يسمونه حزين
العاطل
فكه من الي عايشن كل الامل .. يحسب حياته كلها دايم تزين لابد لك يوم يجيلك يالخمل .. ينزف بها جرح يجاوبه الانين
وسلامتكم 
قلو صح لسانك 
|
العرض الشجري
