محاوره بين موضف وعاطل

ملك العاطلين · #1 (**permalink**) 17-07-2007, 04:28 AM

محاوره شعريه ان شاء الله تلاقي استحسانكم
ومعليش لو جبنا الطعه في احد من الاثنين

وهي على العموم محاوره طازجه

الموضف

قم واغتسل واغسل ثيابك ياهمل .. اللي مثيلك ما تروش من سنين
احلق شعرك ونضفه من هالقمل .. الله على ريحتك يا عاطل يعين

العاطل

ياموضفن غيرك يديرك فالعمل .. عشنا وشفنا ريشتينك يالسجين
احمل ضعون الغير شله ياجمل .. واحمل معه اكياس رزه والطحين

الموضف

يالعاطل انت اليوم صيتك بالرمل .. بك ينذكر كل الرداة وكل شين
انت الذي مثلك خروط لو صمل .. تبغى تكحلها فتعمي كل عين

العاطل

خلك من ابياتك وترتيب الجمل .. ان كنت رجال فقابل باليدين
اما توطيت الجمل هو ما حمل .. والا تراني ورع وافزع ياحسين

الموضف

الظاهر ان الجسم مع راسك ثمل .. ما تدري الدنيا شمال او يمين
نقصت كاملها وناقصها كمل .. وش باقي لك من خفاياك ويبين

العاطل

ارجوك تكفى الحين ياشيخ الشمل .. يا حامي دولة بلاد المسلمين
انت ولو حطوك راعي للنمل .. ضيعتهم لو كنت راعي نملتين

الموضف

ماني مجاري جاهل ما يحتمل .. ان ضاقت الدنيا يذرف دمعتين
لوجا يسولف سولف بشي ممل .. كله على بعضه يسمونه حزين

العاطل

فكه من الي عايشن كل الامل .. يحسب حياته كلها دايم تزين

لابد لك يوم يجيلك يالخمل .. ينزف بها جرح يجاوبه الانين

وسلامتكم

قلو صح لسانك

الارزاق على الله · #2 (**permalink**) 17-07-2007, 11:26 AM

شكراً

وصح لسانك ولسان الشاعرين وأعتقد أن المحاوره جنوبية لأنه هناك بعض الألفاظ تدل على ذلك .
وعلى العموم محاورة شيقه أستمتعنا بها

أطيب تحيه

عبدالله الغامدي · #3 (**permalink**) 17-07-2007, 02:10 PM

عز الله انك ما جبت الطعه في واحد فيهم

الا جبتها في الاثنين

لكن اهم شي

^
^
^
^
^
^
^
^

انك جبت معها

الابدااااااع

صح لسانك يا كنج

ابونوره

$$ محمد $$ · #4 (**permalink**) 17-07-2007, 02:13 PM

خخخخخخخخخخخخخخ

صح لسانك كركركركر

مشكور

ادور وظيفة · #5 (**permalink**) 17-07-2007, 02:15 PM

صح لسان الشعراء
تسلم على النقل يا الملك المفدى

ملك العاطلين · #6 (**permalink**) 18-07-2007, 02:29 AM

صح بدنكم كل ابوكم الحي منكم والميت

اما الي يدور وضيفه لقيت له وضيفه محاور من العيار الثقيل <-- ما يشتغل الا بالديزل

المحاوره يه له له له

يقول ادور وضيفه

وشبك تناقل لنا ابيات مكسوره .. قصايدك جبتها من ورشة التشليح
خلك من النقل والعب لعبة الكوره .. حبيت ابين لك المقصد مع التوضيح

ملك العاطلين

اثبت لنا نقلها بالصوت والصوره .. واشرح لنا ما جرى في غرفة التشريح
والا دخيلك تخبى خلف ماصوره .. <-- تراه ما يستحي لا جاله التجريح

أدور وضيفه

هذي الحقايق تشخبطها بطبشوره .. وان ما عجبك العجب تتلاه بالتمسيح
حدك في الشعر تمسك خلف طابوره .. صحح مباديك دامه ينفع التصحيح

ملك العاطلين

ابيات شعري اسميها امبراطوره .. يا مركب الشعر راسي ما يهزك ريح
ان ما عجبك القلم باكتب بساطوره .. بقطع الشعر وافهم كلمة التلميح

أدور وضيفه

خلك من الخمقه والنجم من نوره .. ماهيب تضرب قصايدها مع التطريح
الشعر باين صحيحه وباينن زوره .. ويبان من يكثر بنكباتها ويطيح

ملك العاطلين

بعض العرب شفتها من قلب مقهوره .. الله يعين العرب من كثرة التقبيح
يبيلها من يحط بالراس صعروره .. ويفحم الي يعشق الركض والتفحيح

وصح لسان من نقلها