السلام عليكم ورحمة الله وبركاته




احترت في انزال الموضوع هذا < حسيت اني رسمي خخخخخ



المهم



انا اذا جيت اقدم على الجهات الحكومية كود اني اتوظف لو قهوجي بس على الاقل احس اني قدمت وافتكيت من النسخة الناشبة بحلقي


تصحى بالصباح نفسيتك زفت ومعك ملفك والملف ثقيل من كثر خبراتك وشهاداتك



تروح اي جهة حكومية تبي تلبق سيارتك طبعا الوزاراة متطورة مواقعها فسط الشارع يعني مافي امل تلبق إلا ورا الحواري يذكروني بالمدارس خخخخخخخخخ

تنزل ثوبك مو مكوي اهم شي تفتك من النسخة اللي معك

تدخل يجيك سكورتي يقولك وش تبي << يقاله انه حريص ولا كرشة بعد يعني مافيه حيل يطلع مواطن او يتهاوش معه خخخخخخخ

اسنانه صفر يعني تعرف ان الراتب ارخص شي

ونصيحة لا تحط يدك على الكاونتر لانك بتوسخ ثوبك والله العامل حتى مايداوم عرف كيف البزوطة ههههههههههههههههههاي

تقول للرجال ابي التوظيف يقولك وبكل فخر مافي وظايف طبعا نفس العادة تطنش تعرف انه يدخل نفسه اهم شي يحس انه عارف الوزارة


ترقا فوق تسأل وين مكتب التوظيف يقولك الدور الفلاني تتفاجا بعدين مو هناك في دور ثاني

شعب سعودي لقافة + توريط = فاهم بالوزارة اللي يشتغل فيها


لقيت مكتب التوظيف الحمدلله تخش تلاقي موظف بكره راح يتقاعد عمره طاق الطبلون تقولة انا معي كذا وكذا شهاداتي كذا ابي وظيفة بالعربي


يقولك عن طريق الموقع هع



وهذي اللي بهذلت العالم .......


كيف عن طريق الموقع وهذا الشايب يالله يالله يقراء



كيف عن طريق الموقع والموقع اصلا مانه تحمل سستم


يعني لو انزل برنامج النيرو والله انه يهنق من تحملة التعبان


يمينا بالله اتكلم جد حتى المواقع تلاقيها بأبيض وأسود من الشئامة اللي فيها



ولا يجيك مسئول يقولك نبي نفتح جامعه


يعني مستانس بالبطالة عشان يفتح جامعه

يمينا بالله من جد مسئولين تفكيرهم في بطونهم

واللي يجيك يقول نفكر نعطي الباطلين رواتب


يعني سرق عيني عينك واحطها على ذمتي بعد

والله العظيم شي يرفع الضغط

يعني المسئولين اللي تحت بيحط اسم عاطل عن العمل وهو اللي ياخذ الراتب

ياجعل الدراهم اللي بتجية تصير سبب في مرضة وفقرة حتى عيال الدراهم ( الزيادة هع )


ولا يقولون بيسون احصائيات للشعب

يعني وناسة قالبينها تريقة

كيف تسوي احصائيات للشعب

واذا سألت ليه الاحصائيات يقولون عشان نسوي استراتيجية التوظيف ههههههههههههههههههههاي



والله احنا ملعوبن علينا



يعالم والله اني طفشت

انا موظف على فكره بس موظف ابو كلب ارخص شي بالعالم


لدرجة ان العامل اللي عندنا اللي يصلح الشاهي احترمة فرق بيني وبينه 1000 ريال

ذيك المره غاب العامل رحت اصلح شاهي لي حسيت ان ميري بتمر علي

وامي بتناديني



بلاهي هذي وزاراة هذولي شياب موظفين لا يقراء ولا يكتب يعني الوظايف في تدهور من عقبهم


حاطينهم عالة علينا


حتى النظارات تقول مراية شوي وتزين مرزامك من كبرها خخخخخخخخ




ياعالم مانبي رواتب العاطلين نبي توظيف

والادنى من كذا واللي رافع ضغطي


تقديم الدبلوم اللي فات اتصلت عليهم قلت ابي اعرف كم رقمي


يقولي بعد ثلاث شهور استعلم


يعني بيجيهم ضغط دوام وكارهين نفسهم بقوه عشان يحطون الارقام ولا مافي خبرات بس شهادة ومعدل وثلاث شهور


يعني ياكثرهم



وعندنا كل شي كذب يقولك حتى الام مقدم 1 متقدم وتتفاجاه الاخير 1,000,000 مقدم




يعني كيف باليوم واحد وصار فجاه كذا



مابي اطول عليكم حسيت اني ببكي هع



المهم اللي اقدر اقوله



الله يعذب اللي لاعب فينا


والله يبلاه يارب



وهذا والله اعلم وصلى الله على نبينا محمد




ومع السلام عليكم

ربي يوفقك وييسر لك وللجميع الوظيفه
يعطيك العافيه

الله يرزقنا اجمعين ويسهل عليك ويوفقك ...

الله يرزقك بالوظيفه


بالتوفيق