السلام عليكم ورحمة الله وبركاته
ياشباب انا اليوم جاتني الرساله ولله الحمد وموعد المقابلة الشخصيه يوم السبت الجاي 25/4/1431

بس عندي استفسار بسيط ولو سمحتوا
كيف الحضور لبس رياضه ولا رسمي بثوب وشماغ؟؟
كيف المقابله وش الاسئله (الرجاء قولوا جميع الاسئله)

أخواني اللي نزلوا مواضيع للمقابله قبل كذا عطونا الرابط (اللي يعرف الرابط حق اي موضوع لا يبخل علينا)

واللي راحوا الاسبوع هذا تكفون قولوا وش صار معاكم بالتفصيل الممل


وكمان وش ناخظ معنا من أوراق علما انا دبلوم محاسبة من الكلية التقنيه

ولكم كل الشكر والاحترام

اقولك اغلب الحاضرين بثياب ... والاسئلة سهلة جدا

بالتوفيق للجميع

والله انا رحت يوم الاحد الماضي كل الشعب بثياب وكل شي سهالات اما عن الاساله بالنسبه لي ماجاوبت الى على سؤال النشيد الوطني بس ههههههه والباقي ماعندك احد طبعا سالني قال ايش تعرف عن الشيخ محمد بن عبدالوهاب جلست افكر ومالقيت حل قال ماتعرف شي قلت الى قال ايش قلت انه شيخ هههههه قال متاكد قلت ايه وبعدين قال تعرف مايشستر يونايتد قلت افا عليك قال ماشاء الله ممتاز في الكره وماتعرف شي عن الوطن وبعدين ضحك وضحكت وقال الله يوفقك رح نجحت .....اهم شي الثقه

يا رجال سهاله ..
حاول تجي بدري .. لانهم يبدون يدخلون الطلاب الساعه 6.30 ..
يصفونك بالصاله .. وبعدها يحضرونك ..
ويعطونك ورقة تكتب فيها اسمك ورقم السجل المدني .. ورقم الطلب ..
ثمن يعطونك استمارة التسجيل الاولى .. تجلس على الكراسي ..
تروح اول شيء للجنة ترتيب الملف .. ياخذون صورة شهادة مصدقه .. وصورة حسن سيره وسلوك ..
وصورتين بطاقه .. و3 صور شمسيه ويحطونها لك بملفك .. وتنتقل بعدها للتدقيق ..
يدققون على اوراقك .. ويختمونها ..
ثمن تروح للطول والوزن .. ياخذ طولك و وزنك .. تطلع بعدها للمقابله الشخصيه 1 ..
وش اركان الاسلام .. وش الفرق بين اركان الصلاة و واجباتها .. وش عاصمة الاردن ..
اسئله سهله .. تخلص من عندهم تروح للمقابله الشخصيه .. 2 ..
يعطونك ورقه تعبيها .. وتدبس فيها صورتك و صورة البطاقه الورقه اسئله ..
افضل قناتين .. قناتين ما تؤيد متابعتها ..
قد سافرت خارج المملكه .. الاسباب .. واسئله سهله .. ثم تدخل بعدها على الرائد ..
يسولف معك .. انا قال لي وش رايك بالهيئه .. وتكلمنا عن النت .. وعن موقع بطاله ..
يقول وش يستهويك .؟ اغلبها سوالف ..

ثمن بعدها تروح .. تسلم ملفك ..
ويعطونك دفتر الالتحاق .. و خطاب البصمات .. ويقول بعد اسبوعين بتجيك رساله ..
بمكان الدوره و وموعدها .. كمل الدفتر وهاته .. وسلامتك ..

90% من اللي جاو لا بسين ثياب ..
بس حاول تجي بدري انا دخلت 6.30 .. خلصت 10.30 ..
وانا مخلص .. فيه ناس توهم ما بعد وصلو ل ترتيب الملف .. لانهم جاو على 7.30 ..

الامور سهااااااااااااااااله ..
بس زحممممممه ..

الحضور بثوب او لبس رياضي الاسائله سهله بس خلي اجابتك ثابته لا تغير كلامك

يالطيب اي قطاع تسأل عنه اذا قصدكـ الامن العام هل هم يرسلون رسايل على الجوال

بموعد المقابله ؟.