ام المها كم دراهمتس واقولك ؟ اذا انتي ناويه تشترين لان دخولي قليل ترى على النت ؟
الدنه انا ما جربتها بكل صراحه بس اعرف ناس مأجرينها زي كذا واكيد السواق اهم شي

شارب فينتو
اخوي ودي اطلع قرض بس على شئ يسوى
وهذا انا ادور مثل ارائكم الطيبة ولا تنسون اني امرأة يعني اولا الرجل الثقة اللي اسلمه حلالي وعساني القاه اللي يخاف الله

ما اقوول الا الله يووفقك ولا تستعجلين لين الله يطرح الرجاال الطيب الي تووثقين فيه
وانا اقوول لو تفتحين لك محل وش راايك مثل تسااالي ؟ اذا صملتي علميني واعطيك وش الطريقه وابشري بالخير

سلم اختي اذا عندك ضمانات انا عندي نفس المبلغ نشترك ونجرب موضوع التريلا لان اعرف واحد عنده تريلا وقلاب دخلة ماشاء الله 24 الف تقريبا

اذا فية نية راسلي على الخاص

ام المها

اسف على التاخير في الرد

افضل الانواع هي المان والمرسيدس وفلفو

وطبعا القلاب الافضل بس انتي تبين تشترين سيارة وحدة ما انصحك بالقلاب لان القلابات عادة الشركات ما يستأجرون الا مجموعة كبيرة من 10 سيارات وفوق
الا اذا لك معارف تدخل بالراحة

اذا انك تبين سيارة واحدة تشترين سطحة ((صندوق مسطح زي اللي يشيلون فيه اسمنت او بضائع))
من المانيا رخيص وفيه مكاتب تستورد لك السيارة من المانيا في السعودية في جدة

وتاجرينها على الرد مثلا الرد 700 ريال تشترطين على السائق انه يشتغل مثلا 30 رد في الشهر
وتحاسبينه على الرد 100 ريال

والسائق افضل يكون من الفلبين لانهم يحافظون على السيارة

واي استفسار انا حاضر للجميع راسلوني وان شاء الله افيدكم باللي اقدر عليه

تحياتي لك

بكم طيب يكوون قيمة السطحه ,,

عندي فكرة قد تكون بسيطة ولكن ان شاء الله المردود منها مفيد

مادام انتي تملكين المال وتبحثين عن الفكرة في المقابل من عنده فكرة ولا يجد المال

اكيد تعرفين بنات قريبات لك او من بنات الجيران يوجد لديهن هواية التجارة ولكن لايوجد راس مال معهم

انتي تعرضين عليهم طبعاً كل وحده تتفقين معها لوحدها مايكون الاتفاق جماعي حتى تحس البنت انك مختارتها من بين اكثر من بنت وتتحمس

تعرضين عليها المشاركة انتي براس المال وهي بفكرتها ومجهودها وفي البداية مثلاً كل بنت تعطينها 5000 ألاف

لو اتفقتي مع اكثر من وحدة يكون دخلك افضل حتى لو كان دخل كل بنت قليل لما تجمعين من البنات ارباحك سوف يكون الربح افضل

ههههههههههه البنت تبي مشروع يناسبها كأنثى وانتم تقولون تريله وشاحنات

شوفي ياسميتي عندي كم مشروع براسي ادربيها يمكن ولعل يجي يوم اسويها
الاول تستاجرين مقصف في مدرسه اهليه هالحين صارت صعبه واغلب المدارس احتكرتها لنفسهم
بس لو لقيتي مدرسه جديده بيكون سهل ان شاءالله تقدرين تاخذين دليل المدارس وتتصلين وتستفسرين
انااشوفه مشروع مربح ولا فيه تعب بضاعه تجددينها كل اسبوع ولااسبوعين ومطعم يسوى ساندويتشات وكرواسان .. الخ تتعاقدين معه يواصلها كل صبح وعامله توقف على المقصف
ومايكلف شي هالمشروع لانك بتستاجرين المقصف ماراح تشترينه واجاره بعضهم قالوا شهري وبعضهم قالوا لي كل ترم وربحه حلو مرره لو حسبتي كم في المدرسه من طالبه وكم معلمه واقل شي في المقصف بريال

المشروع الثاني بوفيه > ازعجت العالم به
بس مشروع نااااااااااجح ناجح لو عندك رجال يخلص اشغالك ويدور لك طبعا
تختارين بوفيه في مكان حيوي جنب مدارس لو مدرستين عالاقل وجنب شركات مكاتب محلات او دوائر حكوميه او تجمع عمال عشان يكون شغل المحل على مدار السنه في الصيف وايام المدارس مايبي شي
محل شبرين وفرن وكم اله .. الخ بس طبعا يبي له رجال يديره لك

فيه مشروعات بسيطه تقدرين تبدين فيها لين تزيدين راس المال مثل تجيبن بضاعه من مواقع اجنبيه او تطلبين لاي شخص يبي من موقع اجنبي كثير ناس يبون يشترون من المواقع الاجنبيه لكن مايقدرون لو عندك لغه ومعرفه بهالشغله انصحك فيها مؤقتا لاتقولين ماتسوى كل شخص يطلب تاخذين عموله 100 الى ان تزيدين راس المال
او استقدمي خياطه وحطي لها مكان في بيتك وخلي الخياطه تروح للي تبي في بيتها وشوفي الزباين وشلون بينكبون عليك
وخليها تفصل فستاتين وتوبات وهالاشياء واعرضيها اهم شي يكون شغل راقي وحلو

واذا زاد راسك مالك اشتري ارض فيه اراضي على 90 و100 الف وخليها سنه سنتين وبيعيها بتلقين جابت لك الى 300 الف
وقتها بيكون مبلغ حلو لاي مشروع في بالك

اهم شي ابعدي تماااااما عن خرابيط الحريم وتاجرات هالمنتديات واكسسوارات وملابس صينيه وعطور تعبيه وهالاشياء او تفتحين محل في سوق نسائي او تستاجرين كشك ترا ماتوكل عيش ولاتسوى همها
اعرف وحده فتحت لها كشك في سوق نسائي من ثاني شهر وهي شايله قشها وطالعه