أمن المنشآت .. المقابلة الشخصية ..

عاطل وفقير · #1 (**permalink**) 06-04-2010, 09:19 PM

السلام عليكم ورحمة الله وبركاته ..

للي راح للمقابلة الشخصية الله لا يهينه يجاوبني على أسئلتي ..

السؤال الأول : بالنسبة للملف العلاقي هم طالبين اننا نحط الشهادة
الأصلية طيب ,, نخــرّم الشهادة ..؟ والا كيف نحطها بالملف العلاقي ..؟

السؤال الثاني : بالنسبة للصور الشخصية 6*4 نكتب الاسم عليها من
الخلف ..؟ وندبسها وسط الملف العلاقي ..؟ والا نحطها في ضرف ..؟

الله يرضى عليكم ..

عاطل والحظ عاثر · #2 (**permalink**) 06-04-2010, 10:09 PM

يااااخوي انا يوم رحت لهم قالو لنا نخلي الملف الاخضر فاااضي الكلام هذا في الرياض ونجيب معنا صورة واحدة من الشهادات وصورتين من البطاقة وست صور شخصية لاتدبسها ولا هم يحزنون وهم يسوونها كلها يرتبها ويدبس انت بس تمشي تمر عليهم بس انصحك خذ ثمان صور والاصلية الشهادات خلها معك في ملف ثاني احتياط وبالتوفيق وعقبال الدورة

كامري الدمام · #3 (**permalink**) 06-04-2010, 10:12 PM

وعليكم السلام

نفس كلام عاطل والحظ عاثر

واهم شي صور كل شي اكثر من صوره

بس بعطيك نصيحة

خلك من 5 ونص عند البوابه ولا تجلس بسيارة صف على الباب

علشان تخلص بدري مثلي على الساعه 10 او قبل

لو تأخرت ابتجلس لحد العصر

بتوفيق لك وللجميع

][ اسنع واحد ][ · #4 (**permalink**) 06-04-2010, 10:14 PM

تدري وش اهم شي تجيبه معك
صوره الشهاده .. يوم جيتهم اول يوم
ماوقعو عليها اللجنـه وقالو جيبوها وقت المقابله !!
هذي اهم شي
حطها بملف وجيب معك الاستماره ملف الالتحاق ومعبي بياناتك كلها
والصور جيبها بظرف واكتب عليها اسمك والعمر خلف وريح راسك
الشهاده الاصل جيبها عشان ماتضمن يردونك ولا شي احتياط
وموفق

كامري الدمام · #5 (**permalink**) 06-04-2010, 10:18 PM

على فكره

اهم شي عندهم الشهاده او المؤهل الاصل

حتى لو ماعندك صور مصدقه هم يصدقونها لك بس بشرط صور الاصل

وهناك في ملازم اول يصدق الشهايد والمؤهلات وحسن السيرة والسلوك

بتوفيق للجميع