السلام عليكم ورحمة الله وبركاته
-
-
-
-
-
-
-
-
-
-
-
مساكم صباحكم قشطة وسكر ومربى وعسل وزيتون وجبن..وكــــــــــــــــل النوااشف بأنواعهاا...



اخوااني لي يومين وفية فكرة تدور براسي وهي اقتراح بعض الاصدقاء الا وهي الكدادة ..!!طبعاً مو داخل المدينة شغلي بيكون خطووووووط طويلة واللي يجبرني ان الشغل مايكون بمدينتي هو لصغرهاا والسوووق مايساعد يعني مشاويري راح تكون للدمام 500كم والرياض 500كم..
وصادفت الفكرة ان اخوي الصغير ما شاء الله توة متوظف وشاريلة افالون جديدة بقراطيسهاا وكان معاه كامري 2004 ابيض أغتصبتها منه وقلت ابي اعطيك فلوسهااا بعدين((وهذا وجهي اذا شم الريال..جحــــــــيد<<عادي أخوي وأمون علية..)) طبعا ماراح اقلبها لموزين ابي اخليهااا على حالهاا خصوصي ..


اللحين يا ااخواان ابي رأيكم هل تنصحوني بهالشغلة ولا اغض النظر عنهااا وانا عاطل لاشغل ولامشغلة اكل ومرعى وقلة صنعا..!!واموووووت بالخطووووووط

*علما ان المشاور للرياض الراكب بـــ100ريال كذلك الدماااام

يلة انا بأنتظاركم ولكم دعوة بظهر الغيب<<بس ان شاء تقبل مني ولا تُلف وتحذف بوجهي...

مادام فيه دخل مهما كان وحلال افضل من الجلسة

والحركة فيها بركة

^^^

مشكور اخوي ابن الهيلا على ردك الصاااروخي..


هي من ناحية أحسن من الجلسة اكيد انها احسن لكن ماادري هل تعبهاا يسوى ولا تعب على الفااااضي..!

والله انت ذكرتني بشغلي من اول
شوف انا من الرياض وكنت ادرس بالدمام وكنت ارجع للرياض اسبوعيا
واكد الراكب ب70 ريال مدري مين قالك بمية
وكنت اخذ مشاوير كثيرة مره خربتها رحت من الدمام للرياض والرياض الدمام اربع مشاوير بيوم واحد
واستلمت على جدة ومكة والطايف بعد
بس الشغلة تهلك ابو السيارة وغير كذا مخالفات مسدد اكثر من 15 الف ريال تحميل ركاب وسرعة
وغير كذا اخوياي كثير توفوا بالطريق ترى الشغلة مهب سهلة والله يرحمهم
واغلبهم عسكر ومستاجرين سيارات وفاصلين العداد
واذا تبي تستلم خذلك كاشف الرادار من حي المرسلات بالرياض تحصلة على 700 احسن نوع
بس نصيحة لاتشتغل بالكدادة تراها كرف وتجيبلك فلوس بس مهب دايمة فكر فيها بعد 20 سنة وانت شايب

ونصيحتي لك افتح مؤسسة مقاولات وعقارات وادرس بجامعة الامام انتساب ادارة اعمال الترم ب3 الاف ريال يعني بالسنة يكلفك 6 الاف وبالتوفيق

و النعم بآراء الاخوان و الله يوفقك

اتوقع الطمع الزايد هو الذي يدمر هذه الشغلة
فأنت خلك قنوع لا تهلك سيارتك ولا ترهق نفسك لا مطلوب منك اجار ولا قسط الحمدلله ولا في رقبتك ايتام تربيهم

دامك محتاج الشغل و حابه جربه والله يحفظك و يوفقك .