^^^
مشكورة اختي عادلة وموضوع قيم جدا لكن للاسف مايناسبني..

شرفتيني بمرورك

وش رايكم اروح بكرة اجرب الشغلة واشوفلي مشوار للرياض و لا الدمام؟!!!

أخوي ليش ماتقلب سيارتك ليموزين وتكد بها داخل البلد ؟
إذا انت مستحي فأنا انصحك تشيل الفكرة من رأسك لأني اول ماقلب سيارتي الكامري تاكسي
تحسفت وقلت مالها داعي ليموزين ومدري ايش وشلت لزقاتها فترة بعدين رجعتها
الليموزين داخل البلد احسن من الخطوط عادي تدخل في اليوم 200 ريال بس أنك في ديرتك
لامشوار خط ولاخطر ولاقروشة ومخالفات على غير سنع , وانا اضمن لك إن شاء الله
إنك تطلع اقل شئ بالساعتين مالايقل عن 60 ريال ..
عالعموم انت جرب حظك في الكدادة ولو أني اقولك إذا وجهك موب قوي وتخش في وجه الزبون وهو جاي
وتشيل شنطته من السيارة الي جاي فيها وتركبها بسيارتك ولا لاتفكر بالشغلة , انا رحت عندنا البطحاء بالرياض
واشوف الكدادين من يوم يقبل ليموزين ومعه راكب يبي يسافر تشوفهم يركضون وشوي ويحبون يده عشان يركب
معهم < انا كرهت الشغلة وتخبر تجيك عزة النفس .. فعشان كذا خلك في البلد وتاكسي وتمشي امور ومصاريفك اليومية ... التاكسي شغله متعبة لكن نصيحة خليها فترة إلا ماتضبط امورك في وظيفة مناسبة أو تجارة حلوة
وبالتوفيق يارب .

انا اعرف واحد خلال سنتين تزوج وفتح بيت واشترى سيارة ليموزين
كان مستاجر ليموزين من المطار 140ريال في اليوم
بس ماكان يجلس في بلد
يروح اي مكان
مررة اخر الليل من مطار جدة الى المدينة ركب عائلة ب1000ريال
انا انصحك تخلي سيارتك ليموزين عشان القسايم
وفي نفس الوقت اذا طفشت من الخطوط تشتغل جوا المدينة

اقول الشغله ذي انحش منها يا رجااااال .. اتركها وابشر بالخير والعافيه بعد

ان كانك تبي تحندر بعيونك كل شوي .. وتسمع ضروسك تتصافق اشتغل كداد

حرام ما قد شفت كداد والا ويقضم من ذا الحبوب الى الليل... واللي تشوفه ماله في الحبوب

تحصله يشتغل فتره قصير ويتركها .. لأن الشغله ذي يبيلها واحدن الخطوط ذي ما يسمع فيها

حقت واحد اذا جلس يومين ثلاثه سهران ما فرقت معه .. وتتوهق مع الركاب واحد يقول امش زين

وواحد يقول لا تسرع ياخي والا نزلني .. والا تشوف واحد يعميك بالدخان في وجهك والا واحد

يركب معك مشبوه وقروشه .. الا فكك منها ويرزقك رب العالمين

والله يالغالي انت جرب وان شاء الله ما راح تخسر
لو قلنا الكامري تشبل 4 ركاب
من 100 ريال لدمام رايح شايل وراجع شايل تقريبا راح تطلع لك في اليوم 800 ريال
اخصم منها 100ريال بنزين واكلك وشاهي وفصفص (حب)في الخط
يصفا لك 700
ولو قلنا انك اشتغلت 20 يوم بالشهر
700×20 =14000 ريال <<<<تستاهل ولا لا

اخوي الشغلة فيها خير بس خطيررررررة صدقني

ماتدري واحد يركب معك ومعه مخدرات يبي يوصلها لاشاف الوضع فية تفتيش رماها في موترك وقال ماادري عنها

غير كذا السرعة حتى لو قلت ماراح اسرع رابع مشوار وانت سافط ال 200 كانها 80 عندك وغير كذا القسايم وامن الطرق

والرادارات وزحمة الموقف تحصل 50 كداد طالعين الدمام ولا الرياض

يارجال طلع لك رخصة عمومي وخذ تريلة اشتغل عليها امن واصرف والله يكون بعونك