بسم الله الرحمن الرحيم

السلام عليكم ورحمة الله وبركاته

اليوم الاربعاء 22 / 4 / 1431 هـ

كان موعدي في الامن العام بالشرقية " الظهران "

طبعا وصلت الساعه 6:15

ودخلونا الساعه 7 تقريبا

اول ما دخلنا القاعه في شخص اسمه احمد يوزع اوراق فيها البيانات اللي سجلناها بالموقع

تجهز صوره من بطاقة الاحوال والاصل و صورتين شخصية مكشوف الراس

ويجيب اقلام اللي عنده خطأ يعدل قبل مايروح على الحاسب الالي

قبل الحاسب الالي الطول والوزن والمسؤل عنها رتبته رقيب الله يهديه

عيني عينك يخلي الوسطات اول الناس وعلى جنب بروحهم ويبديهم على خلق الله

وربي ان بعضهم مايجي طوله المطلوب باين عليه من الشكل تعرف والوزن تحت 50 براحه

الله كريم والحمد الله عديت الطول والوزن ونقص من طولي 1 سم فقط

وطبعا كثير انطردو علشان الطول حوالي 10 اشخاص تقريبا

بعدها جلسنا ننتظر الدور علشان الحاسب الالي ويعدل البيانات ويعطيك رقم تسجيل وتكتبه

وبعدها تنتظر وينادون عليك علشان يعطونك باقي الاوراق اللي هي :

دفتر الالتحاق + البصمات + الكشف الطبي

وفي دفرت الالتحاق خانت الاحوال علشان البرنت

وتتوكل على الله

طبعا خلصت كل شي الساعه 9:40 ورحت الاحوال ربع ساعه وخلصت من البرنت

وهذا كل اللي صار اليوم

،

ملاحظه :

لا احد ينسى بطاقة الاحوال ولا الصور الشخصية + الشهاده الاصل فقط

و تلبس كنادر وانتم بكرامه يعني البس نعال افضل + لبس رياضي

في واحد ردوه لانه مو محلق وراح ورجع

في فرصه للحتياط ان شاء الله لان اليوم الغياب كثير ينادون على الاسامي ولاهم موجودين

واي سؤال انا حاضر

اخوكم

وليد