السلام عليكم ورحمة الله وبركاته
قبل اقول كلامي ذا أنا عارف أن الله يحاسبني عليه لو كان غلط وهذا كلام اشهد بالله صحيح مافيه اي مبالغه وبقولكم تجربتي مع موعدي بالأمن العام بالشرقيه

أولاً الحمد لله هذي بالأخير قسمه ونصيب
وإذا عندهم باب عند الله الف باب

أنا صحيح ناقص طولي سانتيين وللأسف ما حصل لي نصيب وأنا ما ألومهم
بالأخير هم شارطين الطول ومافي مشكله الحين

بس والله يوم دخلنا وجلسنا على الكراسي ورتبنا المدرب على الكراسي قدام
قسم بالله انه اتصل جواله ورد وقال :

المدرب : الو
المتصل : ؟؟؟؟ < يعني مدري وش قال له
المدرب رد على المتصل : عطني اسمه
المتصل : ؟؟؟؟
المدرب : دقيقه
( قال المدرب لنا بصوت عالي وين فلان بن فلان الفلاني )
رد واحد بجنبنا قال انا
قال المدرب للمتصل خلاص شفته يالله مع السلامه

قفل الجوال المدرب وناظر للشخص وقاله اجلس هنا يا فلان


قسم بالله اني انقهرت قلت يعني واسطه اوكي بس أقل شي خلوها بالدس بالتخفي موب قدامنا
قسم اني انقهرت على هالحركه مفروض يسويها بالكتمان

هذا غير الأمور الثانيه اللي شفتها

الحمد لله على كل حال انا ما أتهم اي شخص بالعكس انا بالنسبه لي ما انظلمت لكن الله كريم
سانتيين ردني عن كل عسكريه

لاتنقهر وانا اخوك


وربي لو تحط في قلبك كل شي تشوفه بيجيك الضغط والسكر ويمكن القلب بعد



طنش وكانك ماشفت شي ورزقك في شي احسن من الامن العام


بس انت ادع ربك في هاليوم الكريم وفي هالساعه المباركه وان شاء الله انك تلاقي اللي يسرك

تحياتي

لاحول ولاقوة الا بالله


الله يعوضك اخوي بالي أبرك منها ياما شفنا وشفنا وبنشوف لكن مالك إلا الواسطة الأقوى الله سبحانة عليك بالدعاء والإستغفار وربي بيرزقك إن شاءالله

.



الله يعوضك خير أخوي ..

وثق تماماًَ بأن الله ماهو كاتبها لك ..
وبأن الله يبي لك أفضل من هالوظيفة ..،،



من ناحية الواسطة .،،

السعودية فيها فساد مايعلم فية الا الله ..
ألأن الدنيا كلها ماتمشي الا بالواسطة ..
لكن مانقدر نقول الا " لأحول ولاقوة الابالله "

عااادي انا كنت جالس قداام وشايف الواسطات اللي على اصولها بس تبغى الصراحة اذا طولك ووزنك تمام وامورك كلهااا تمااام مااعليك فيهم تكمل اجرائاتك غصبا عن اي مخلووق

والله ياخوي انا قدمت وطلع رقمي ومدخل الطول غلط يعني مزوده شويتين لاني طولي ناقص

دورت واسطه الين تعبت قبل ما اروح وما لقيت يعني حتى لو عندي واسطه بسيطه كان رحت بس للا سف ما لقيت

بعدين فكرت قبل ما اروح قلت ادق مشوار وانا اعرف ان ما عندي واسطه وادري انهم بيقرشعوني قلت لا اتعب نفسي ولا شي وما رحت





تحياتي...