ليه ماتاجرونها على العمال

طيب ليه ما تفكر تاخذ اجازة شهرين وخويك ياخذ اجازة شهرين بعدك
يعني ما تكونون مع بعض وتقابلون شغلكم خلال الفترة الجاية حتى يوقف على رجولة من جديد
واعتقد كلام المبدع ابن الهيلا ما عليه كلام

الاخطاء مؤلمة ولكن مع السنين تصبح طريقك للنجاح
انا من رايي انك تاخذ اجازة بدون راتب لمدة 3شهور
وتكون من الصبح الى المغرب في الورشة
وزيارات للمؤسسات والعماير
وبعد ماتخلص اجازتك ياخذ شريكك اجازة 3 شهور
يعني 6شهور ونتم متابعين بشكل مباشر
بعد 6 شهور تقدر باسلوبك الاداري تضبط العمال وكانك معهم

هي واحدة من اثنين

اما انك تتفرغ لورشتك وتقابلها بنفسك لانه ماحد بيديرها مثلك وخصوصا انك حاب الشغلة وعارف كيف تمشيها وتضحي بالوظيفة اللي مربطتك او تاخذ على الاقل سنة بدون راتب اجازة وتقابلها

او انك ماتبخل تشوف واحد شغيل وتسلمه الورشة وتعطيه النسبة اللي يبيها حتى لو الثلثين وهو يمشي الشغل

وانا لاحظت انك بتعطيه نسبة من الشغل اللي يجيبه هو وهذا غلط المفروض تعطيه نسبة من كل شئ كانه شريك ثالث معكم

اما انك تقعد وتبي واحد يمشي لك الشغل وتبخل عليه بالنسبة بتقفل ورشتك

مشككلة مشروع مشكله تسويقيه
خذ نصيحتي وابعد عن ابو يمن تربح
هات لك أتراك لأني من وجهة نظري لو ابفصل ابواب او دوالايب ماراح اروح غير للتركي
وبعدين لو فتحت لك محل صغير ورحت وستأجرة مستودع تقل عليك التكلفه
لاكن مر على الورش ودور لك واحد تركي

اذا كانت ورشتكم في الرياض فارسل لي جوالك لان في جعبتي حلول كثيرة ولكن ينقصني بعض المعلومات المفصلة

أخي الفاضل صاحب الموضوع

مقدر أقولك الحل الإ بعد ما أعرف وش المنتجات اللي تسويها في الورشة و أنا بقولك وش تسوي و نأخذ الموضوع حبة حبة إلى أن توقف على رجولك

يعني ورشتنا مساحتها 650 متر مربع .. وايجارها 70 الف بالسنه

هناك بعض المجازفة في اختيار الموقع والمساحة لكن الصبر الصبر
( الشي الصغير يكبر حين نهتم فيه) كان اخذت موقع صغير ومساحة بإيجار معقول تقدر من خلاله التركيز على اعمالك لا على مصروفاتك
لكن المشروع لابد في بدايته شي من التعب والخسارة في سبيل انجاح المشروع


أهم شي تبدأ بالاعمال الصغيرة ثم الصغيرة ثم الكبيرة ثم الاكبر .... كذا اقدر أنجز واسفيد من الاخطاء واتعلم أتخطى القادم


موفق خير أخوي