اولا سلام عليكم وصباح الخيرات

اهم نقطه انتو غلطتوا فيها الايجار حق الورشه (70 الف سلااااامات ياخوي)توك تقول على مشروعي على قدي ..لازم تدورون محل اجااااره رخيص جدا (عندي اذا بغيت )

ثانيا .. لازم تاخذ اجازه من شغلك ولو الاجازه الرسميه (شهر)وبعدها خويك ياخذ زيك

ثالثا ..تحطون خطه تسويقيه (1-القطاعات المستهدفه+ (توظف مسوقين يعني مالهم شغله الا يجيبون مشاريع )/حجم العمل اللي تخططون تسوونه/اهدافكم للسنه الماليه الحاليه )

بعدها تسوي خطه صرف بديله في حالة ان مشروعكم لاسمح الله مامشى بالشكل المطلوب

صدقني ان مشروعكم ممتاز خصوصا انكم شباب سعوديين وللمعلوميه والله ان اي شخص يشوفكم بالمحل بينبسط ويبي يسوي شغله عندكم

الله يوفقك ياخوي وياليت لو اقدر اساعدكم اكثر

اقسم بالله اعرف نجار برماوي عنده عمارة وخير كثيييير من هالشغلة

اخوي انا بانصحك نصيحة لا تفكر بكلام الناس هذولا هم شوفة عينك اكلين هواء ولا واحد غني من وظيفته

الرزق مكتوب لك من قبل تطلع من بطن امك سواء بالوظيفة او التجارة غير ان التجارة بتلاقي فيها تسعة اعشار رزقك والعشر الباقي بالوظيفة

توكل على الله واللي يرزقك بالوظيفة ترى هو نفسه اللي بيرزقك بالتجارة الرزاق واحد لا اله الا هو سبحانه

انت بس توكل عليه وماعليك من الناس وخلهم اخر همك

باااااااالتووووووووفيق انشاء الله

اخوي اذا انت وشريكك عندكم خبره وتقدرون تجيبون شغل للمحل خذ اجازه من العمل شهر او شهرين وشريكك ياخذ اجازه مثلك بعد ماتنتهي اجازتك

قبل لا تاخذون الاجازه تكون موظف سعودي او اي عامل وخلال اجازتكم تاخذونه معكم وتعلمونه كيف يجيب شغل للمحل وكيف يديره وكيف يعرض عملكم على الشركات والمؤسسات ويسوق للمحل بعد اربع شهور الي هي اجازتكم يكون الموظف اخذ خبره وتقدر تعتمد عليه

والله يوفقكم ويسهل اموركم