السلام عليكم ورحمة الله وبركاته
من خلال مشاهداتي خلال الأسبوع
مجموعة من العمالة تمر على تشاليح السيارات المنتشرة
وتجمع من التشاليح القطع المنتهية أو غير الصالحة - وأقصد الحديد منها - وبمبلغ
رمزي للقطع حيث أن صاحب التشليح يرى أن لا فائدة فيها ولا يريد جمعها وتحميلها
وبيعها بسعر بسيط فيرى أن بيعها كاملة على العمالة الباحثة عن الكسب أفضل له
ومن خلال ذلك اتضح أن المكسب اليومي لمثل هذه العمالة مبلغ 300 - 500 ريال

وفق الله الجميع لما فيه الخير


أخوكم
أبو يحيى

اهلا بمشرفنا وحبيبنا ابو يحيى

عندنا في الرياض في تشديد على البيع السكراب وقفلوا جميع محلات السكراب واشترطوا ان يكون من يعمل في المحلات سعودي وتم التضييق على الاجانب
اخر سعر لحديد السكراب للكيلو 1.5 ريال ويمكن تغير الان

وان شاء الله الاعضاء يفيدوك

واتمنى لك التوفيق

اخوي ابويحي هالتشاليح فيها دخل ماهو طبيعي



عجبني هالاجتماع

سبحان الله وبحمده
سبحان لله العظيم

الله يسمع منكم ويوفقنا ويوفقكم

بالتوفيق

لو انك جايبها من بيتكم نسبو لك تبي تروح تأخذها من التشليح

باب البيت غيرناه حديد ولقيته ورا البيت قلت خلني ابيعه << مطفر

ورحت بعد الفجر ويمسكني المباحث وينافخ علي اثباتك وتجي دوريه ويركبني

وقفلو سيارتي وخلوها محلها واروح للقسم ويحققون من وين جبت الباب وادق على

الوالد وجاء ويستلم اللحجي المناوب يقول العسكري اذا كنت تبي تبيع الباب جب الورقه حقته

باب له 20 سنه من وين اجيب له ورقه حتى اذا رحنا نبيع حلالنا مسكونا واذا نبي نتوظف طردونا

ما شاء الله على الفكرة لكن علامة استفهام اين شبابنا اين المشمرين
اعلتقد الجيل الجديد لا يصلح للشغله هذه ( يصلح للموضة وناسه ابساط الخ )
احوي الاجانب ما خلوا لابناء الوطن شي

لعله يجي يوم ونشوفوهم في كل سكراب وتشليح مواطنيين والسوال متى !!!!!!!!!!

دمتم بود

اللهم ارزق اهل هذا البلد الطيب المبارك