تجمع المقبولين حرس الحدود بجازان _كل شي عن مراحل القبول

قديم ألهم · #51 (**permalink**) 19-04-2010, 09:26 AM

جندي جامعي ياليت تحط كل الخطوات من اول ما ندخل البوابه حتى نطلع منها وهل لازم نحضر ساعة 6 ومتى اخر واحد يطلع وهل احضار صوره من بطاقه الوالد والجد ضروريه والله يسلمك انا موعدي بكره لاتبخل علينا بردك

امن المنشات عريف · #52 (**permalink**) 19-04-2010, 01:00 PM

للرفع

جندي جامعي · #53 (**permalink**) 19-04-2010, 02:49 PM

اقتباس:

المشاركة الأصلية كتبت بواسطة قديم ألهم

جندي جامعي ياليت تحط كل الخطوات من اول ما ندخل البوابه حتى نطلع منها وهل لازم نحضر ساعة 6 ومتى اخر واحد يطلع وهل احضار صوره من بطاقه الوالد والجد ضروريه والله يسلمك انا موعدي بكره لاتبخل علينا بردك

هلا بك وابشر بعزك.
اولا: الحضور الساعة 6 تمام تكون واقف بجانب بوابة المركز تتنتظر الاشارة من العسكري بالدخول وتأكد ان معاك الامور التالية:

1- شهادة الثانوية الاصل + صورة منها.

(لا حد يجيب حسن السيرة والسلوك) مالها لزمة.
2- بطاقة الاحول المدنية+ صورة منها

. واذا لقيت في طريقك قلم شيله معاك.
3- لاتجيب اي شي غير ماقلناه ولا تخسر نفسك تشتري ملف مو مطلوب ابدا.
4- البس اللبس اللي تحبه انت ثوب او بنطلون او مقطب او اي عفريت.
ثانيا: اول ما يعطيك الخفير امر بالدخول صف واحد طابور حتى توصل المبنى اللي بجانب موقف السيارات بتلاقي عسكري ماسك اوراق في يده وقف عنده.
بعد شوية يقرأ الاسماء بصوت مبحوح لان حلقة تقطع مسكين من شغل الثلاث الايام الماضية اول ما تسمع اسمك قول امراااااااااااااك بصوت عالي واتجه للعسكري اللي واقف قدام بعدها بيدخلكم المبنى وترتاحون في الفصول.
بعد ثواني بتوزع عليكم (2) اقرارات تعبيها بسرعة وتلاقي في كل فصل دباسة شيل الاقرارات وصورة البطاقة والشهادة اللي قلناها ودبسها مع بعض وامسكها في يدك .
بعدها بيجي عسكري يجلس عند السبورة وبنادي الاسماء بالدور اول ما تسمع اسمك فز فزة الذيب وروح اعطه بطاقتكك الاصل والشهادة الاصل بيطابقها مع البيان اللي عنده ويتاكد ان المعلومات اللي سجلتها صحيحة ويشيل الصور اللي مدبسه ويرجعلك الشهادة الاصل والبطاقة كلها اقل من دقيقة وترجع تجلس على كرسيك ويقوم اللي بعدك.
بعد ماينتهي كامل الفصل يطلعكم كلكم صف واحد امام غرفة القائد عشان الوزن والطول اول ما تدخل قول السلام عليكم بصوت عالي وكيف حالكم ولا ترتبك ابدا خلك ذيب بيقلك حرك يدك وشمر عن رجولك وبيسولف معاك شوية مثل ايش اسمك وايش اسم المدرسة فانت جاوب بكل اريحية ولا ترتبك ابدا كلها عشان يعرف ان عندك قدرة على التحدث ولا اعجم ولا تستحي لانك اذا استحيت بيخليك تقرا ورقه معلقة في الجدار خطها صغير شوية فلو النظر عندك ضعيف تروح فيها.
المهم بعدها بيطلعك على الميزان وبعده على مقياس الطول وبعدها يقلك تجيك رسالة امسك الباب وللبيت دغري يعني بالكثير الساعة 11 وماباقي ولا واحد
اليوم خلصنا بدري 10 تقريبا. فانت لا تتاخر لانك بتاخر نفسك وتاخرنا معاك. هذا كل شي يصير بالتفصيل الممل.
هذا وتمنياتي للعموم
بالتوفيق

وبتلاقيني قدامك وانشالله انك تجي في الفصل اللي يطابقون بياناتهم عندي وأخلصلك اخر واحد

.

المليونير الصامت · #54 (**permalink**) 19-04-2010, 03:09 PM

والله انا يا شباب ما طلع اسمي في حرس الحدود وانا والله احمد الله كل يوم على شان انه ما طلع ..
تدرون ليه؟؟؟؟
لاني في الشرقية ومشوار والله اروح جيزان
بعدين احتمال ما يطلع اسمي وتصير مصيبة كبيره كلها خساير في خساير

امن المنشات عريف · #55 (**permalink**) 19-04-2010, 03:13 PM

اخوي جندي جامعي المجموعه الثانيه وش بيصر عليهم

جندي جامعي · #56 (**permalink**) 19-04-2010, 03:23 PM

اقتباس:

المشاركة الأصلية كتبت بواسطة امن المنشات عريف

اخوي جندي جامعي المجموعه الثانيه وش بيصر عليهم

المجموعة الثانية بينزلون اسمائهم بعد ما تنتهي المجموعة الاولى مباشرة

امن المنشات عريف · #57 (**permalink**) 20-04-2010, 07:42 PM

جندي جامعي مشكور وماقصرت

كنق الملاعب · #58 (**permalink**) 20-04-2010, 08:34 PM

ياشباب تكفون موعدي بكرة عندي سؤالين مهمين:-
السؤال الأول: بالنسبة لطباعة الطلب هل ضروري لازم تجيبها.
السؤال الثاني: بالنسبة لدورة الرخصة الدولية ICDL خلصتها لكن بقيلي الأختبار معايا إفادة يقبلونها .
ردوووووووووووووووووووووو

عطري الشوق · #59 (**permalink**) 20-04-2010, 09:28 PM

والله كل يــــــــــــــــــــــوم وانــــــــــا اشـــــــوف نــــــــاســـــــ يـــــــــــراجــــــعون وانا في الميدان شغال تدريب وانشاء الله تتوفقون كلكم