عاطل أنا باطل ولا ني بشغال
وأحمل همومي في كفوفي لحالي
لا الواسطه عندي ولا عندي جدال
ما عندي إلا عيال عمي وخالي
ولا جيتهم أشكي معاناتي على جال
وأطرح عليهم قصتي وإغتيالي
وما سطرت يدي على الدفتر الفال
إلا بعد ما أيقنت مُري وحالي
سبع مية رقم(ن) لفت وسط جوال
للي يقولون إتوظف بمالي
واللي أجي يمه وهو كله أموال
يقول إنتظر ياتيك مني إتصالي
ياصبح ردد في ليالي(ن) طوال
ويشيب راسي من طوال الليالي
لكن أنا بأقلب على كل محتال
رجال بالمظهر وهم لا رجالي
ياما قطعت أميال وأميال وأميال
في رحلة(ن) لا جات روحي تعالي
وهذا أنا جيتك وأبي أقوال وأفعال
وما عندي إلا قوّتي وإتكالي
وياشهادتي لاجيت في طرق موال
كنتي جزيلة بس رحتي هزالي
كذا وخليتيني مع كُل محتال
وألحين أنا لحالي وشخص إنعزالي
قالوا تعاني قلت أنا همومي جبال
لكن على الله قدرتي وإتكالي
إدعوا لي إني أتوفق بالأشغال
وأصير راعي بل راعي حلالي
قلته وأنا محمد ولاني بمحتال
إبن الشريفي تغلبي الخوالي
نسل بنو شعبة ولاهم بغربال
لو عيشتي هم وغموماً بتالي
كنا قطاع الطرق في كل الاميال
نعيش عيشة عز ماهي التوالي
لكن في حكم السعودية هذا الحال
راضين لكن نب نذوق الحلالي
وإما تخلونا نعيش بتحلال
وإلا نسافر للقمر والهلالي
وإعداد ما جتنا من الغرب الأقوال
صلوا على الهادي عزيز المنالي
قصيدة الشاعر :- محمد الشريفي الحدري الشعبي التغلبي
12-04-2010, 09:05 AM
العرض العادي
