17-04-2010, 07:00 AM
|
|
Banned
|
|
تاريخ التسجيل: Apr 2010
المشاركات: 3
معدل تقييم المستوى: 0
|
|
تستهبل انت وهو .. اقول ردد يا ليل ما اطولك .. انا بنفسي مكلم مدير قسم التوظيف بالوزارة ـ وجلست ابربر انا وهو يمكن نص ساعه واحكي له واشكي له واقول له عمري طق الـ 34 سنه وانتم من بكره في بعده في تقديم جديد ما حالفك الحظ المرات الجاية يمكن ، وجلسنا حتى وصلت لمعرفة ان رقمي 987 من بين المتقدمين على دبلوم شبكات بس ( لاحظوا شبكات هذا رقمي ) اجل وش لون باقي التخصصات كم يبي يصير رقمي بينهم ؟؟ . المهم يقول لي ان شاء الله يتقلص رقمك ويصير اقرب ـ (( الله يقلص راسه بسطل زبالة وينشبه فيه )) ويوم كثر هرجي قال تدري بحولك على الموظفين ( يقاله حن علي ) وكلمني ذاك القصيمي وقال انا المسئول هنا وش عندك ـ حكيت له القصة ـ قال والله انا عندي ولدين بالثانوي ما توظفوا قدم رسالة للوزير ـ حنا ما عندنا شي نسويه ولا بيدنا شي ، ويقول يا كثرهم اللي يجون هنا بأهاليهم وحريمهم يشكون ولا نقدر نصلح لهم شي .. قلت اقول انا دبلوم مو ثانوي مثل عيالك ، انا بعمرك الحين ولا بعد توظفت ـ يعني اجلس انتظر حتى يصير عمري 40 والا خمسين وش ابي بالوظيفه عقبها ومتى ابعرس ؟ واكون نفسي واشتري بيت .. ووووو .. نهاية الكلام ما طلعت بنتيجة .
معدلي 4.6 ممتاز ولا ناظروا فيه .
لغة انجليزية .
دبلوم حاسب آلي مدة سنة .
شهادات خبرة ( عد واغلط ).
....
يقول لي القصيمي اللي رد بالاخير ـ حنا ما طلبنا خبرات ـ والظاهر انك ما شفت فيه ارفاق او خانة لأرفاق الخبرة ـ يعني مثل اللي يقول بلها واشرب مويتها .
|
العرض العادي
