السلام عليكم ..

مشكلتي مشكلة اقولها لكم وأبي رأيكم بـ صراحة

انا قدمت على الخطوط قبل فترة واجتزت الاختبار

بـ الإنجليزي وإجتزت المقابلة الشخصية والفحص الطبي

لـ وظيفة / خدمات ركاب .

المهم اتصلوا علي أول مرة وقالوا تعال وقع العقد هذا كان

يوم السبت وقالوا توقع العقد يوم الأحد قلت انا خارج المملكة

ويستحيل اقدر اجي خلال 24 ساعه قالوا اوكي انتظر اتصال

ثاني منا .

انتظرت ولا وصل شي إلى يوم السبت الموافق 7/7/2007

الساعه 12.30 ظهرا وقالوا لي وينك ماجيت قلت مافيه احد

اتصل علي ؟

قالوا اتصلنا عليك يوم الاربعاء الموافق 4/7/2007 وبلغناك

بـ موعد توقيع العقد قلت والله مااحد اتصل علي قال لي الموظف

ماهي مشكلة تعال وقع العقد .

الساعه 1.30 بـ نفس يوم السبت وانا عندهم اول مادخلت

وعرفتهم بـ نفسي قال السكرتير بلغوا ..... ( فلان )

إن الشمري وصل ( الشمري اللي هو انا ) اول مادخل الرجال

لا سلام ولاكلام شكله زعلان .

اول ماقال لي بدري طال عمرك وينك ؟

قلت محد اتصل علي

قال الا اتصلنا عليك الاربعاء

قلت يااخي محد اتصل هذا جوالي معي

طال الكلام بيني وبينه وقال انت تكذب الموظف يعني

قلت حاشاه مااكذبه ولا شي

بس بعد انا مااكذب نفسي هذا جوالي ولا جاني اتصال

ولا احد بلغني الموظف اتصل علي قبل شوي وجيتكم على طول

قال اهااااااا

طلع اوراقي شوف عيني اشوف /

عقد عمل بـ إسم / ........... ( اسمي انا طبعا )

ياخذ اوراقي والعقد ويحطه عنده بـ الدرج وقال انتظر

منا اتصال .

هنا انفجعت ومسكت نفسي وقلت طيب تبون شي مني

ولا خلاص

سكت شوي قال معك صور

قلت ايوة قال هاتها

عطيته الصور

وهو جلس يجمع الصور

ساكت ومقفلة معه الاخلاق

جيت اتكلم معه الطف الجو شوي واقول له

ماعليش اعتذر عن التأخير بس جد ماجاني اتصال ولا شي

ويمكن صار خطأ او شي ولا احد بلغني او شي زي كذا

المهم سألني هـ السؤال /

انت ساكن بـ الرياض

قلت ايه

قال خلاص انتظر منا اتصال .

طيب ياجماعة الخير ماهو قهر اشوف العقد ولا اوقعه لانه مايبيني اوقع .

طيب سؤالي لكم /

تتوقعون فعلا يبي يتصلون ولا لا ؟

اعتذر ان طولت عليكم وازعجتكم بس ضايق صدري واشاركم همي .

وهو طبعا طنش كأني أكلم نفسي