السلام عليكم ورحمة الله وبركاته

بالنسبة للتقديم انتهى التقديم الاسبوع هذا.

بالنسبة لموعد الدورة فأنا بأقول لكم الاجراءات علشام كل واحد يعرف وش الطريقه

الحين انتهى التقديم يرفعون بالاسماء كاملة للرياض
من هناك من الرياض يفرزون الاسماء ويختارون مجموعه ويرسلون الاسماء لجده
وبعدين يتصلون فيهم ويطلبون منهم كشف طبي وبقية الاجراءات ويرجعون ويرسلونها للرياض
ومن هناك يحدوون موعد للدورة.
الدورة طبعا راح تكون في الشرقية في رأس الغار ماراح تكون في جده
الدورة مدتها تقريبا 9 شهور
الدورة تعب وكرف لكن الرجال مايصعب عليه شيء
أهم شيء السباحه لأن السباحه مطلوبة في الدورة.
التعيين راح يكون في كتائب مشاة البحرية في:ـ الشرقية رأس الغار - جده ميناء القضيمة , قاعدة الملك فيصل البحرية - جيزان
الرتب جنود
الرواتب الراتب الاساسي ضعيف حدود الـ 2000 ريال لكن بعد البدلات راح توصل الـ 5000 لأن بدلاتها كثيرة.
أما الدوام فعلى حسب قائد الكتيبة اللي تتعين عنده احتمال تكون في مكان مثل ميناء القضيمة راح تداوم من الساعه 8 وتطلع الساعه 11 واحتمال تكون في جيزان وتكون مرابط على الحدود.

هذي كل المعلومات عن المشاة البحرية وأي استفسارات انا موجود.