السلام عليكم

وزارة العمل الحمقاء

نسبة السعودة اللي صاجينا فيها من سنوات كم تبلغ .؟!
10% فقط لا غير تخيلوا معي هذه النسبة
10% من مليارات الريالات الشهرية تذهب للسعوديين و 90% تذهب للاجانب
وطني لله درك انك اجبرت الشركات على 10% ههههههه قمة الحماقة والغباء والحقارة
طيب ماهي مشكلة البداية حلوة للسعودة 10% السؤال هنا متى سترتفع هذه النسبة ؟.! الى متى سنظل على 10% سعودة ؟.!
العاطلين كثااااااااااار ليه مايتم رفع هذه النسبة تدريجيا مع ازدياد عدد السكان وعدد الخريجين
طيب خلينا نحسب الحين النسبة الحالية وكيف يتم التلاعب من قبل الشركات
في الـ 1000 موظف مجبورة الشركة على 100 سعودي ياسلاااااام شركة مقرها السعودية وخيرها من السعودية ومجبورة توظف 100 سعودي فقط لا غير المهم ماعلينا ولو تم التوظيف بهذه النسبة بكل الشركات كان زين لكن شوفوا التلاعب وين يكون

موظف واحد من ذوي الاحتياجات الخاصة يغنيك عن 4 موظفين سعوديين
وهنا الشركات ماذا تعمل
تضع كل مجهوداتها في توظيف ذوي الاحتياجات الخاصة برواتب بخسسسسسسسه 1500 ريال شهريا ( وهو ببيته طبعا اخر الشهر يستلم الشيك فقط لا غير )
طيب خلينا نشوف بذوي الاحتياجات الخاصة كم توظف
100 ( النسبة المجبورة عليها الشركة لكل 1000 اجنبي ) ÷ 4 ( ذوي الاحتياجات الخاصة 1 عن 4 ) = 25 سعودي فقط لا غير
كم حيصرف شهريا 25 * 1500 =37500 ريال شهريا
وكم رواتب الاجانب الاجمالية = مالايقل عن 700 الف ريال
ياسلاااااااااااام عليك يالسعودية من 700 الف رواتب شهريا مكتب العمل يجبر الشركات على دفع فقط 37500 ريال للسعوديين والباقي حلال عالاجانب
وغاااااااااااااااااااالبية الشركات تستخدم هذا الاسلوب
واحنا نتبطح بالبيت والا نشتغل بالشركات ( مذلولين ) ونرى الاجانب بالرواتب الخيالية ولا حسيب ولا رقيب ونظام ركيك مع كل اسف
اي حماقة يا وزير العمل
لو كانوا الاجانب لديهم مؤهلات لا تتوافر في السعوديين كان قلنا مايخالف عليهم ستين عافية
لكن اداريين ومهندسين وفنيين و و و و و
كل هالامور متوفرة بالسعوديين ولا وش دور المعاهد والكليات والجامعات طوال هالسنوات
ومضة:
اذا كانت المسؤلية اكبر منك فالافضل لك ان تتنحى لترحل كبيرا
ولا تكابر فلربما ترحل مستصغرا وكل جهودك تذهب في مهب الرياح > اذا كانت لك جهود
العاطلين في ازدياد مطرد في دولة نظام العمل والعمال ركيك بشكل رهيب والرقابة > اسف مافي شي اسمه رقابة نسيت نفسي احسب اني اتكلم عن دولة اوروبية ترغب في جعل شعبها هو المسيطر على الوظائف مو 10% فقط

جامعي محاسب

حسبي الله ونعم الوكيل
بصراحه مؤشر خطــير والله يستر من قادم الايام

لاحول ولا قوة الا بالله

حسسبي آلله ونعم آلوكيل
والبطآله كل يوم في آزديآد , آلله يسستر بس

يعطيك آلعآفيه خيو

حسبي الله ونعم الوكيل

يله كلها كم سنه ونصير بوطنا النص بالنص

نصها لنا والباقي للاجانب . وظائف . والدور الجاي اظنه على المساكن .

ولاحياة لمن تنادي

لا حول ولا قوة الا بالله,, بالله ياناس خلو هالقصيبي في حاله الله اعلم هل هو السبب فعلا فيما يصير ام اناس اخرون مجهولون يتسترون بشماعة القصيبي ان كان هو ربي حسيبه وان كان غيره ربي حسيبه وربي على كل ظالم في هذا البلد يعلم الله ان مشاركتي ليس دفاعا عنه بالامس القريب كنت من اسمع سيرته اتشائم لكن الحين حطيت في بالي شيئ اسمه دع الخلق للخالق ويعلم الله ان ماعطاني القصيبي لا ريال ولا مليون لكن يارب سترك الله يعطيك العافيه يالغالي

8888
اوافقك يالغالي يمكن يكون الاعلام سبب رئيس في المشكله بحيث يتجاهلون حقوق العاطل وصحيح ان هناك كذب اعلامي ومنافقه
والعطاله اصبحت شيئ موجود ولا احد ينكره وهي في ازدياد طردي مع ازدياد عدد الخريجين وانا ايضا معاناتي مع العطاله مستمره ولله الحمد .. صارت لي قصه قبل كم يوم لما رحت مكتب الاحوال المدنيه وانا اعبي الاستماره المخصصه للتجديد لاحظت خانة المهنه جيت بشطب عليها يعني بحط -- رجعت كتبت اني لايوجد / متسبب لما خلصت التعبئه قام قال لي حق الشباك ان ما يجب لا تكتب لا يوجد او متسبب اكتب ... طالب او اذا عندك سجل تجاري يثبت ان مهنتك متسبب ولازم تجيب شهود اوووه معليش خلاص بحولها طالب وانا لي اربع سنين ما شفت كتاب يعني مهنتي طالب بالكذب .... الله ييسر لنا ولكم وللجميع كل خير.
بس السؤال اللي يرمي نفسه هل لو سميت الاشياء بأساميها يعني هل اذا كتبت عاطل مثلا بيغيرون شيئ في احصائية العاطلين او بيشوفون لهم حل او يبين عندهم في سيستم الاحوال ان عدد العاطلين السعوديين فجروا الحواسيب بسبب الارقام الخياليه؟؟؟
كل اللي اقدر اقوله انا لله وانا اليه راجعون

سعدت بمروركم جميعا في صفحتي

اليوم الصباح دخلت احد الشركات التي يملكها ( فلسطيني )

اقسم بالله مقتطع صورة من جريدة ومصورها

وفيه عنوان الخبر حق 1 ذوي الاحتياجات الخاصة = 4 سعوديين

حاطها ومعلقها فالمكتب

تخيلوا منذ متى القرار هذا وهو لليوم محتفل فيه

!!!!!!!

ياخي ماقلنا لا تعطي اهمية لذوي الاحتياجات الخاصة

لكن هناك طرق افضل واحسن من كذا

انت ياوزير العمل يا من اتخذت القرار الغبي

الحين ذوي الاحتياجات الخاصة مظلومين بالقرار والعاطلين ايضا مظلومين

ذوي الاحتياجات الخاصة رواتبهم 1500 ريال فقط لا غير

والعاطلين مالهم مكان > اصلا ماحد يبغاهم يوظف ذوي الاحتياجات الخاصة افضل وارخص واحسن له

الان

اين الفائدة لذوي الاحتياجات الخاصة واين الفائدة للعاطلين

!!!!!!!!!!!!

وزير العمل

تبا لك