السلام عليكم

صراحه لي كم يوم احوس في النت عن مشروع مقصف في مدرسه واحسه مربح وعليه اقبال من المعلمات والبنات

بس وشلون الوحده تستاجر مقصف في مدرسه سواء حكوميه او اهليه ؟

وين اروح ووين اسال ؟

وكم قيمة الاجار ؟

هل هو سنوي او شهري او كل فصل دراسي ؟

وهل هالمشروع فيه غثا وشغل سين وجيم وكفيل وولي امر وحوسه ؟

ومن وين اجيب وحده توقف على المقصف ؟


صراحه احسه احسن مشروع اشوف خواتي الابتدائي مصروفهم على خمسه والثانوي عشره ويجون مامعهم ريال

يعني لو المدرسه فيها مثلا 200 بنت وكل وحده مصرفها مثلا 5 ريال في اليوم 1000 ريال
هذا متوسط الربح خاصه لو كانت مدرسه اهليه من غير المدرسات بعد

افكر اتعاقد مع محل يوصلي كل يوم ساندويتشات فلافل وبطاطس وورق عنب وذره وآيسكريم وبسالهم وش يحبون واجيب لهم خخخخ
غير الشيبسات والشوكولاتات والعصيرات بدلعهم يعني


بالنسبه لي يعني توني متخرجه ودجه اشوف نفسي في هالمشروع لين تجيني وظيفه حكوميه زينه

وش رايكم؟

ياليت القى اجابات لاسئلتي

الله يسعدكم