السلام عليكم ورحمة الله وبركاته.....

ياشباب انا خريج كلية التقنيه تخصص ميكانيكا انتاج وابروح للشرقيه ان شاءالله وابقدم على الشركات بس ماني عارف وين اروح ولا اعرف الاماكن وحاب انكم تساعدوني على اماكن التوظيف اللي تناسب تخصصي واذا قدرتم تجيبون العنوان يكون افضل ...

واكون شاكر لكم ....

روح الصناعيه الاولى والثانيه بالدمام
وقبل كذا جهز السي في حقك عشان تعطيهم لما توصلهم
على العموم اغلب الشركات يكون لها مكاتب رئيسيه بعيد عن الصناعيه والتوظيف يكون هناك
اتمنى لك التوفيق

عبدالرحمن حياك الله أخوي انا مثلك خريج كليه التقنيه قسم كهرباء الات ومعدات كهربائيه ..

اذا انت من الرياض وحاب نروح نقدم مع بعض في الصناعيه الاولى والثانيه والثالثه ترى فيه شركات كثير

بدال ماتضرب مشوار للشرقيه وتقريبآ رواتبها نفس بعض فني تقريبـآ بـ 5 ألأف ريال وانا مثلك فكرت بالشرقيه

بس فكرت من ناحيه المعيشه والسكن وكذا ماراح يكفي الراتب بس عند أهلك هنا حلوه الى ان تاخذ خبره ولغه

وتقدم على الشرقيه يعطونك راتب حلو مجرد رأيي لك واذا تبي لك خوي سوا هنا والا هناك تراني جاهز ..

والله يكتب اللي فيه الخير لي ولـك انا نيتي ان شاء الله من السبت اروح أقدم اذا انت خوي حياك واتشرف فيك ..

واسف ع الاطاله يالغالي ..

اخوي فهد يدور وظيفه...

مشكور على الرد والمساعده

اخوي تقنيه ....

تشرفني معرفتك وخوتك يالحبيب بس انا ابجي من الكويت ياقلبي الاسبوع مو الجاي اللي بعده ومشكور على الوقفه الطيبه......

طيب ياخوان مافي مكان غير الصناعيه؟؟؟؟

قدمـــ فيـــ الصندوق التنمية الموارد البشرية
الموقعـ : الدمامـ شأرع الملكـ فــهد بالقرب من حيـ الفيصلية
قدمـ فيـ فرع عبد اللطيف جميل لخدمة المجتمعـ
الموقعـ الدوحة بالقربـ من جيأنـ فيـ نفسـ وكالة تويوتأ

وبالتوفيقــ للجميعــ وعقبألـ مأتتوظفـ ، ^_^

دعوأتكــ اكملـ الدرأسة ^_^

والله يالغالي الرياض مافيها شركات فيها تخصص مهني الا الصناعيه الاولى والثانيه والثالثه ..

والله يعينك لاصرت من سكان شرق والا شمال الرياض مثلي (( خريص لحاله تبي تشيل همه بالروحه والجيه ))

على العموم الله يوفقك ان شاء الله وتحصل الوظيفه اللي تناسبك واذا تبي شي انا تحت امرك ..

وانا ان شاء الله من السبت الجاي بروح كل يوم لمكان لعل وعسى أتوفق بوحده من هالشركات يقولون

الحركه بركه وانا من تخرجت ماحس اني تحركت وقدمت الا بكذا مكان وجلست انتظر الله يوفق الجميع يارب

اخوي موكا...

مشكور على المعلومات الطيبه

اخوي تقنيه ....
ماتقصر واذا حصلت شي بشرني تكفى

بالتوفيق .. يا خوي ...

وانا رأي.. تقدم في صندوق الموارد البشرية ..
وبعض شركات الجبيــــل .. اذا تقدر تروح هنـأك
في المنطقة الصناعية .. تخصصك متوفر هناك ....
سألت لك زوج عمتي شغـــال في الهيئة الملكية ...
وقال اكثرية الشركات تخصصك متوفر .. بس ما احدد لي وش الشركة بالضبظ .. لآن قال لي كثيرين


بالتوفيق ان شاء الله للجميع
^_^