انا جندي براتب 5700 ريال والله لو أحصّل 1500 ريال
بمدينتي لأستقيل وانا مغمّض

الله يعين الجميع

والله نصيحتي لك ماديا العسكريه افضل من المدنيه ولتتركها

طيب الي موظف عسكري بمكتب براتب 7000 افضل من المدني ب5000 شرايكم
ومرتاح بدوام

اقول مين ضحك عليك وقلك ان المدني بــ 4000 ريال احسن من العسكريه بــ 7000 ريال اقول

خل عنك الحركات هذي وانا اخوك وخلك بالعسكريه وبشغلك ياخي الدنيا غلى والاسعار طايره وانت تقول

مدني 4000 احسن من عسكري 7000 ياخي بكره بتكثر عليك المصاريف ماهي مكفيت الــ 7000 ريال فما بالك الــ 4000 ريال

الواحد دايما يدور على اللي يعطيه اكثر

واذا على الراحه صدقني ماحد مرتاح بالدنيا هذي بكل الامور

وانت شوف الاصرف

بس هذي نصيحتي خلك بالعسكريه واحمد ربك على راتبك 7000 ماشاء الله والله يزيدك

بس حرام تفرط بالراتب هذا لراتب اضعف

وزي ماقلت لك مافيه احد مرتاح بكره اذا رحت للمدني يمكن تحصل راحه لكن مع الايام بتشوف الراتب ضعيف وبشكل كبير بعد وبتقلك وماهي جايتك الراحه وبتحسف انك تركت اللي راتبها 7000 ريال

وشكرا

والله اني ما ألومك إذا كانت المدنية جاهزة بخمسه الاف توكل على الله ياخوي تداوم بثوب والاجازات رمضان والاعياد معك وعند التقاعد اذا الله احياك الراتب ماينزل منه الا شي بسيط
أما العسكري كل راتبه بدلات وإذا تقاعد نزل للنصف او اقل
يعني انت ابو راتب 8000 ريال نصفه بدلات الراتب الاساسي 3500 او 4000 بالكثير
ولا تنسى التعديل السنوي المدني تعديله دبل العسكري
الامر في الاول والاخير لك
إستخير وربك يكتب اللي فيه خيره

يارجل خلك في مجنونك لايجك الا اجن منه اخذ نصيحتي وانا عاطل خمس سنوات

الله يوفقك اخوي اللهم لاحسد انا راتبي 8000 اذا ماتبي الوظيفه انا ابيها ولك اتعابك بعد بس بشرط تكون رسميه

راسلني على الخاص اذا ودك