بسم الله الرحمن الرحيم
السلام عليكم ورحمة الله وبركاته
ايش اخباركم ؟؟

المهم انا بختصار محتاج اشاوركم في موضوع ( واللي ماله شوير شويره الشيطان )

انا عسكري وكيل رقيب والعمر 32 سنة والخدمة 16 سنة والحمدلله اخواني انا درست حتى حصلت على بكالوريوس هندسة حاسب الالي اللهم لك الحمد والحين في حيره ابي اكمل دراستي طبعاً خارج السعودية يعني ابي ادرس الماجستير في امريكا حيث اني سمعت ان الدراسة سهله واللي اعرفه اكثر ان قبول الماجستير صعب وعشان انضم للبعثة لازم اكمل مايقارب 9 ساعات بعد سنة اللغة .

فقلت افصل واحصل على حقوقي

وهي مايقارب بعد ماحسبتها 177 الف ريال منها ادبر اموري بمشروع يكون لي فيه مردود ومنها اقدر امشي امور دراستي حتى انضم للبعثة وبعدها احقق الحلم اللي في بالي بأن اكمل دراستي

والله مادريت ياشباب هل اقدم على هذاالقرار او افكر في حل ثاني

اللي بقوله لكم ان ماعاد لي طربة في العسكرية احس اني مقيد في كل شي

ياليت اشوف لكم ارائكم

اهنيك على الطموح
لكن وليش تفصل يمكن لا جيت ماتحصل وظيفه وتجلس فيها

الظاهر تقدر تاخذ اجازهـ ماادري وش يقال عنها حقت دراسه لكن نظام العسكرية معقد وماافهم فيه انا

لكن الله يوفقك وحنا الله يوفقنا

السلام عليكم اخوي
يقول المثل (من استشار عاقل اخذ نصف عقلة)

برافو عليك انت تعبت ودرسة وانت تشتغل وكلنا نعرف هم الدراسة طلبات بحوث اختبارات ,,,,اما من وجهت نظري كلامك صح شف للك مشروع يكون له دخل شهري ثابت على اساس انه يعوظك عن الراتب وما تحس انك خسرت اي شي,,بعدها روح كمل دراستك وصدقني لو المشروع نجح وصار عندك دخل ثابت ومرتاح صدقني مارح توقف دراستك على الماجستير الي مثلك كمل بكالوريس وهو عسكري يقدر يكمل اي مرحله وعقبالك الدكتوراه والدراسات العليا.



اتمنى للك التوفيق

طيب قدم على تقاعد مبكـــــــر ومدري ااناا عن موضوع التقاعد ادا فيه حقوق او لا وافتح المشروع ومنها يكون عندك راتب تقاعد تمشي فيه امورك ولاتنسى تستخير قبل لاتسوي اي شي وعسى ان تكرهو شيئا وهو خير لكم واسف عالاطاله

ماشاء الله
الله يوفقك

اخوي الله يو فقك ويسهل امرنا و امرك
فبل ما تخطى اي خطوه استخير الله وفكر فيها
تراها مغامره من ناحيه الوظيفه

الله يفكك من العسكريه وغثاها ....


مووووفق ....

انا اهنيك على ماوصلت من مرحله ،، لكن رايي انك لاتفصل من عملك العسكري ابداً تقدم بموهلاتك على ديوان الخدمه المدنيه وانتضر حتى يتم تعيينك بناءً على موهلاتك عندما ياتيك التعيين في الوظفة المدنيه تفصل وتستطيع تواصل دراستك العليا .
هناك حل اخر ترفع عن طريق مرجعك تحسين وضعك بناءً على موهلاتك احتمال يتم ترقيتك المهم لاتفكر تفصل نصيحه الا ان تجد دخل يغنيك مضمون وشكرا