بسم الله الرحمن الرحيم

السلام عليكم ورحمة الله وبركاته /

إخواني اخواتي رواد منتدى البطالة .. اهلاً وسهلاً بكم

احببت ان اتكلم عن نقطة مهمة في المشاريع الحالية التي تقام كل يوم

من حولنا .. للأسف بغض النظر عن مسألة الربح التجاري .. نجد ان المشاريع

المفيدة للبلد والمواطنين قليلة جداً جداً .. يعني التركيز على المشاريع الكمالية

والمشاريع النافعة من يقوم بها ؟ ... مسألة المطاعم في حيي القريب يوجد مليون مطعم

وكل يوم والثاني اشوف اعلان عن فتح مطعم جديد .. يعني لها الدرجة تصل الأمور

ان اظن ان الناس جميعهم صاروا يأكلون في المطاعم ... انا لا احسد اصحاب المطاعم

الله يرزقهم لكن فعلاً بكل صراحة ماذا تفيد المواطن بفتحك في نطاق حي اكثر من 20 مطعم

يعني عدد معين من المطاعم يلبي احتياجات الناس ... الناس ليس كل همهم الأكل يا أخي الكريم

نحتاج ان نفكر الف مرة قبل ان نفتح اي مشروع ليس بتفكير تجاري بحت ولكن بتفكير

( خير الناس انفعهم للناس ) ...

انا لا اعلم هل الزمن هذا زمن الكماليات أم الأساسيات وخصوصاُ ان ظروف الناس مومثل قبل

20 سنة من الآن .. كل شخص تجد عليه من الديون مالله به عليم ..

لكن فعلاُ هل تعتقدون ان الناس الآن بحاجة للمشاريع الأساسية ام الكمالية .؟

مشرف من الجنسية المصرية بأحد مغاسل السيارات والتي تقوم بخدمة الغسيل بأسعار اقل من

غيرها يحكي لي ويقسم ان صافي ربح المغسلة للشهر الفائت 600 ريال فقط !

قال لي يأخي الناس تفكر الحين اعبي بنزين بـ 10 واشتري اغراض من البقالة بـ 10

واغسل سيارتي بـ 10 ريال يعني 10 فوق 10 فوق 10 تسوي مبلغ وهو مو محتاج

انه يفعل هالكمالية وهو غسيل سيارة ...!

انا مدري يأخوان لكن فيها كماليات تحولت لأساسيات أمثال الكمبيوتر وملحقاتها

ان اشوف مافيه مانع من هالمشاريع إذا توزعت بشكل صحيح والعتب الأكبر يقع على البلدية

في التوزيع الصحيح للمشاريع .. تلقى حي مليان ومتوفر فيه كل شئ وحي آخر يكاد يخلو من

المحلات الأساسية كالبقالة وغيرها ...

عالعموم انا بيتوفر معي مبلغ 20 الف قريب إن شاء الله وش تنصحوني فيه !!!!!!!!

اخي الكريم

الأساسيات والكماليات تختلف من شخص لشخص قد اجد شي اشوفة بالنسبة لي اساسي والأخر يشوفة من الكماليات والعكس

اما من حيث افتتاح المشاريع هذا يبقى على دراسة الجدوى اذا كانت دراسة الجدوى تعطيك نتيجة إيجابية فلايوجد مشكلة لو كان بجوارك الف محل بنفس النشاط ولكن لو اعطتك الدراسة إشارة سلبية لو كنت الوحيد سوف تخسر


من حيث طلبك يوجد مواضيع مثبتة قد تجد فيها مشروع يناسبك ويناسب دراسة جدواك

اهلا اخي

الخلل من البلدية اقرب مثال انظر الى الصيدليات وكثرتها تقول بقالات لان ماعندنا نظام المفروض يكون هناك تنظيم للمحلات ولكن لاحياة لمن تنادي

مشكور على الطرح

تحياتي

انا ماشوف ان نوعية المشروع تصنفه من نجاحة او فشلة ..
انا اشوف حاجة الناس للمشروع هي الي تصنفه من النجاح والفشل


ممكن تفتح مطعم بحي وينجح .. ونفس المطعم ( فرع ثاني ) تفتحة بحي ثاني .. ويفشـل ..