السلام عليكم ورحمة الله وبركاته

وأنا اتابع احدى صفحات الانترنت وجدت قصيد اعجبتني واعجبني الرد عليها

وحسب الناقل للقصيده انها مجهولة المصدر ولا يعرف من قائل القصيده

وكذلك قائل الرد مجهول اترككم مع القصيد والرد واتمنى ان تحوز على رضاكم


لاضاق صدري رحت أقلّب عربسات =قمت أتفكر في عجايب زماني
متنقلٍ مابين ذيك المحطات =بإبهامي ألفّ الأرض في ثواني
وماشدّ ني من بين كل القنوات =اللي بها ناظرت شيٍ دهاني
قم يانديمي فوق زين الموديلات =VXR ت،،وّه صادرٍ بالمواني
النوع TOYOTA من أرقى الموديلات =JAPAN صنع الأ فنس الكيفراني
يصبر على قطع الوعور الصعيبات =يطوي صحاصيح الخلا مايعاني
عليه مطنوخٍ يحفظ الوصيات =عند اللوازم ذيب ماهو هداني
شيّك عليه وجهّزه للمهمات =ثم فلّله من (شيشة) المسلماني
وخذ النفود قطوع صوب القريات =وعَدْ الحدود لدار صاف الثماني
متنحرٍ دار الطرب والوناسات =عشايرٍ من قوم)طوني) و (هاني)
الديرة اللي سَلم أهلها خذ وهات =ماللحيا بطبوع ربعه معاني
لاجيتهم تلقا الهنا والمسرّات =والضيف له قيمة وقدر ومكاني
يْقلطون (الترته) ومعه (كيكات) =ومشروبهم .. مشروبهم شكل ثاني
حياتهم هزٍ .. ووزٍ .. ود بكات =ويرددون الهابط مْن الأغاني
دارٍ بها للزين وسمٍ وبصمات =به ناعسات الطرف سيد الغواني
لاشفت أنا هاك الغنج والحركات =مسكت راسي ثم قلت آه يااااااااني
وأخص أنا بالقول باسكال بالذات =هي شيء .. واللي غيرها شيْ ثاني
عليه عيونٍ تقطع القلب بسكات =همت .. ضعت و(جمدت) بمكاني
تبلغه شوق وسلام وتحيات =وتحب جبهت عودها (مشعلاني

وهنا الرد على القصيده

لاضاق صدرك ياقليل المروات ********* صل الصلاة ولا تجي للاغاني
استخدم ابهامك في طي الصفحات ********* صفحة كتاب الله باب الاماني
اخير من شوفة وجية الخواجات ********* اللي غضب ربي عليها يباني
لحمة مخمة فالبلا والملذات ********* غرتك صبغة وجهها البهلواني
ترسل نديبك في ردي المهمات ********* اهل الردى فالدرب دايم خواني
"والفكس" لاتطرية بالذات بالذات ********* ماهو بمركوب ال؟؟؟ والهداني
الفكس مركوب الرجال الثقالات ********* مقنى عربين النسب والمجاني
باسكال يامسكين راحت ولاجات ********* مالك ومال الساقطة يافلاني
وجة عليه من التشاكيل صبغات ********* ابيض مع احمر والشعر برتقاني
لاشافت الطرقي تبدية نظرات ********* وتميل مثل الداب والعقرباني
بنت لها فالليل صولة وجولات ********* تضحك على مثلك بطرف العياني
تضحك على لحيتك بنت لها اخوات ********* ياكيف ترضى يافتى للهواني
تحب جبهة مشعلاني ياذا الشاة ********* اثرك تدور ريحة الزعفراني
لاواللة الا راس مافية نعرات ********* اتحب راس ابليس يامودماني
ياونتي ونيتها 10 ونات ********* الادمي ياناس طلع جناني
خلك بدار اهل الكرم والجمالات ********* دار حباها الله رفعة وشاني
دار بها ستر البنات العفيفات ********* هذي بلادي ياطويل الاذاني
اشعب ركابك في جميع النحيات ********* امن وامان ويش غير الاماني
اخير من دار تحب الريالات ********* باعوا الكرامة ياللة المستعاني


صح لساان اللي رد والله يجزااه خير

مشكوووووووووووووور ماقصرت يالغالي

انا اشهد ان الرد قوي وجامد


شكرا لك

قسما بالله انه ارتفع ضغطي وانا اقرا القصيده الأولى

لكن ان اشهد ان الرد " مسككككككككككت " ،، ويبرد القلب ^_^

لااااا فض ّ فوه ،، وان كانه عاطل وظفوه

بارك الله فيك اخي هيبت ملك ،، وصح لسان الشاعر اللي رد

ابونوره

وأخص أنا بالقول باسكال بالذات =هي شيء .. واللي غيرها شيْ ثاني

حزن يعطيك العافيه على المرور
الضيم اكيد الرد جامد نابع من غيره ومشكور على المرور
بونوره ما عاش من يرفع ضغضك لكن ادعلي انا بالوظيفه واسعدني مرورك
ادور وظيفه يعطيك العافيه على المرور

بونوره ما عاش من يرفع ضغضك لكن ادعلي انا بالوظيفه واسعدني مرورك


اللهم اني اسألك بأسمائك الحسنى وصفاتك العلى أن ترزق اخي هيبت ملك وظيفة تغنيه بها
وارزقني وارزق جميع الأعضاء من واسع فضلك ياكريم
الهم آآآآآمين
ولك عليّ ايضا الدعاء لك بظهر الغيب

ولا تنسوني من صالح دعائكم بظهر الغيب

ابونوره

رد قوي وصررررررريح

الرد بصراحه شي شي .. مع اني مافهمت كل الكلمات
يسلمووووووووو