أمن المنشات,,,كل مايتعلق بأمن المنشات

عاطل والحظ عاثر · #**7711** (**permalink**) 12-07-2010, 05:16 AM

من عام 1405 الي عام 1500 <<< مثال لااقل ولاا اكثر والله يوفقك يالخوي

تكفى تكفى تكفى · #**7712** (**permalink**) 12-07-2010, 05:28 AM

اقتباس:

المشاركة الأصلية كتبت بواسطة عاطل والحظ عاثر

من عام 1405 الي عام 1500 <<< مثال لااقل ولاا اكثر والله يوفقك يالخوي

وياااك يااارب

اموواح علي خشمك

وتم التقيم :$

عاطل والحظ عاثر · #**7713** (**permalink**) 12-07-2010, 05:31 AM

تتسلم يالخوي ولك احلى تقييم بعد

بيرة شمام · #**7714** (**permalink**) 12-07-2010, 06:00 AM

الله يعين الليلة مااشي الرياض والموعد يوم الاربعاء و ان من الشرقية

>> وش باااقي بعد *_*

والله زهق نبي الدورهـ اليوم قبل بكرهـ

الله يوفق الجميع

ملازم عاطل · #**7715** (**permalink**) 12-07-2010, 06:50 AM

عيال اللي تبلشون شتكتبون فيه خلوه العسكري يقولك االامور بسيطه وكلها تساهيل ادع ربك يوفقك

وكيل رقييب · #**7716** (**permalink**) 12-07-2010, 07:13 AM

لأحد يستعجل شيء يآشباب
أنا أتمناها لكم بعد رمضان إن شاء الله حتى تصومون عند آهلكم و تعيدون بإذن الله على خير
و مافرقت شهر ترى السالفه على بعضهآ و من مميزآته بعد العيد يكون الجو بدأ يضبط موب زي الحين يونيو و بعده آغسطس عز الصيف و لا تنسون إنه دورة عسكريه يعني طول يومك تحت الشموس و أيضاً تكون حلوه لظروف بعض زملائكم أنت لا تشوف نفسك و بس فيه غيرك هو العائل الوحيد لأهله يعني كيف بيتصرف و يسنع آهله لا سيما الدورة رآح تكون بعيده عن بعض خوياكم فالوقت ضروري عشان كل واحد عنده إشكاليه يقدر يتصرف قبلها بوقت و لا تستعجلون و الله و الله هالهموم ذي مريت فيها و آلعن منكم يعني تم قبولنا و تسليم الأوراق بأول الإجازة على أول شهر 7 و جلسنآ ننتظر الرسايل شهر 7 و 8 و جتنآ رسايل بـ 10/9 بالنسبه للجامعيين قالوآ لنا عندكم إمتحآن قياس بـ 15/9 يعني شهرين من الإنتظآر و آخرتهآ حطوآ لنآ إختبار لأن الجآمعيين كانوا 300 و يبغون يصفونهم لين 150 و رحنا و جينا و هم و غم و الحمد لله عدت سلامآت خشينا الدورة و تخرجنا مرت كنها حلوم ليل ياشباب فخلوآ صدركم وسيع و بإذن الله آنتم مقبلين صح على دورة عسكرية و كرف لكن حتكون أيام جميله تعيشونها على مافيها من آوامر و نواهي لكن حتنبسطوآ بإذن الله

آتمنى لكم التوفيق و آتمنى تدعون لي بالنقل ..
حبيت بس آكلمكم و آهديكم شوي

عاطل والحظ عاثر · #**7717** (**permalink**) 12-07-2010, 07:21 AM

وكيل ماقصرت يالخوي
وماجاء من الله حياه الله

اهم شي يوم 25 فيه شي يجذبك للصرافة الي مامنها فايدة خخخ

عاطل والحظ عاثر · #**7718** (**permalink**) 12-07-2010, 07:23 AM

موععدي بعد شوي وبحرك بعد شوي

وان شاء الله تساهيل
وبجيب لكم الاخبار اول مارجع رغم ماقصرو الشباب الي امس بس ماوراي شي وان شاء االله بستفسر من الاحتيااط اكثر
دمتم يالاخوياء

مسترحمني · #**7719** (**permalink**) 12-07-2010, 08:10 AM

اقتباس:

المشاركة الأصلية كتبت بواسطة غامدكو

السلام عليكم

أخباركم ياشباب

برد عليكم برد إن شاء الله يكون وافي وكامل وأشرح لكم وش سويت اليوم

فيه بعض الأشياء غير مطلوبه وهي

صور بطاقة المعرفين وصورة الرخصه وبطاقة الجد غير مطلوبه واللي يجيب صورة للرخصه يدبسونها له

والان مع الأشياء المطلوبه والضروريه وهي

أساس الشهادات الثانويه لجميع المقدمين على مختلف الرتب وأساس شهادة الحاسب وأساس شهادة الجامعه

وطبعا صورة واحدة فقط من كل شهادة

برنت الأحوال ولازم تكون خانات صفحة الأحوال ممتلئة البيانات من الأحوال حتى مايقولون لك خذ ملفك وروح

الأحوال

وبعد لازم تجيب أساس حسن السيرة والسلوك مع صورة منها

وصورة واحدة فقط من بطاقة الأحوال الخاصة بك

وصورة من كرت العائلة الخاصة بالوالد وإذا كان الوالد متوفى تجيب صورة من كرت العائلة الخاصة بولي أمرك

الرخصة ماهي مطلوبه أو ضرورية إذا هي معك حلو وإذا ماجبتها مو مشكله كذلك ينطبق الأمر على بطاقة أحوال الجد

وإذا تبغى تخلص بدري دبس شهادتك والصور في الأماكن المخصصة لها

والصورة المطلوبة 6 صور وإذا زودتها مو مشكله بعد

إذا كان عندك نواقص تكتب تعهد إنك تجيبها

وفي الأخير يسلمونك ورقة بطلبات الدورة

ويقولون تجيك رسالة على الجوال الإسبوع هذا عن مكان وتاريخ الدورة

لاتشيلون هم كل شي سهل ومتساهلين معنا

مافيه طول ووزن مرة ثانيه

سمعت المقدم يقول للعسكر بكرة تداومون الساعه 6 ونص الصباح بصراحه الله يعينهم الأفراد مشغولين معنا

ولايفطرون

وأخيرا يقولون طلبات الدورة تاخذونها الإسبوع هذا لأن الدورة الإسبوع القادم بتاريخ 5/8 وإحسب 45 يوم نخلص ب 20 رمضان

وإذ تذكرت شي كتبته لكم

يعطيك العافيــه اخوووي مـاقصرت بيض الله وجهك

بالتووفيق انشاء الله

اخوكم \ بو جابر الشرقيهـ

مسترحمني · #**7720** (**permalink**) 12-07-2010, 08:48 AM

ياشباب انا خليت التواريخ فاضي حق التعهدات الي تكتبها عن نفسك عادي ولا اسجلها من يوم بديت اكتب الدفتر

وعندي غلط في التاريخ حق ولي الامر امسح عليه بالموزيل ولا شلون

عادي لو ادبس الاوراق في مكانها ولا هم يدبسونها

الرتبه ما اسجل فيها شي صح

اتمنى تجاوبون على هذي الاسئله وشكرا

بالتوفيق جميعا

وانشاء الله نتقابل في الدوره ونتعرف على بعض اكثر
موعدي بكره 1\8 يوم الثلاثاء
ماشي الرياض اليوم بس مدري اي وقت دعواتكم لنا

اخوكم \ بوجابر الشرقيهـ

أمن المنشات,,,كل مايتعلق بأمن المنشات

إستفسارات ونتائج الوظائف العسكرية

السلام عليكم ورحمة الله وبركاته كل مايتعلق بأمن المنشات من سوال أو أستفسار أو معلومه في هذي الصفحه وشـكرا لكم وبارك الله فيكم ... لكم مني أجمل تحية ...

أمن المنشات,,,كل مايتعلق بأمن المنشات

تسجيل الدخول

أمن المنشات,,,كل مايتعلق بأمن المنشات

إستفسارات ونتائج الوظائف العسكرية

السلام عليكم ورحمة الله وبركاته كل مايتعلق بأمن المنشات من سوال أو أستفسار أو معلومه في هذي الصفحه وشـكرا لكم وبارك الله فيكم ... لكم مني أجمل تحية ...

أمن المنشات,,,كل مايتعلق بأمن المنشات