أمن المنشات,,,كل مايتعلق بأمن المنشات

ولد فيفا · #**1381** (**permalink**) 10-05-2010, 09:16 PM

شباب يقوولون نوور اعتزل الكوره الخبر صحيح

مدمي القلوب · #**1382** (**permalink**) 10-05-2010, 09:24 PM

^
^

سمعت إنه آعتزل العب دولياً .. آمآ آعتزل آلكورهـ نهآئي .. فمآ آدري *_* توي آسمع منك

فني تبريد وتكييف · #**1383** (**permalink**) 10-05-2010, 09:35 PM

يكفي ان النصر والاتحاد وصلوا للعالمية وانتوا باقي تفحطون ..

][ اسنع واحد ][ · #**1384** (**permalink**) 10-05-2010, 09:44 PM

اقتباس:

المشاركة الأصلية كتبت بواسطة عبود الطفشان

هههههههههههههههههههـ والله لا تحمست ولا حاجه
بس تع ـرف الواحـد من الطفــش يقلب اي شي قدامـه نقاش جآد

ولا ما أفكـر كذا يعني الاتحآد لو فآز بنص هدف واخذ الكآس هذا يكفيني ~
والهلال فآز بـ 5 بس ما اخذ البطوله من قدام الاتحآد

وهيك يعنـي مثل ما قلت ترفيه × ترفيه

يآعمي كمل انا فاضي وانت فاضي خلينا نصير مشغولين شويا

حتى لو كانت بطولات الاتحاد 3 فقط احبه [ صورة قلب مرسوم عليه واحد مدري مين هوا ]

اهم شي تغير الجو .. بسواليف رياضه ماحد ينلام من الانتظار هذا

وبعدين ترى شلت التوقيع لعيونك انت وممرض .. اهم شي محد يزعل

][ اسنع واحد ][ · #**1385** (**permalink**) 10-05-2010, 09:46 PM

اقتباس:

المشاركة الأصلية كتبت بواسطة عاشق شقا

والله حاولت اني انسى بس والله ما قدرت عندي الوالد الله يطول عمرة كل شوي يقولي هاه بشر
ارسلو ولا باقي
الله يكتب الي فيه الخير

والله انا مثلك ماعاد لي وجـه .. المشكله بالبدايه اقول له خلاص مافيه فرز ان شاء الله مقبول
وتحمس معي هو وكل شوي يحتري الرساله .. وابشره
هذا غير اني والله امنيتي بس ارد وقفت ابوي معي .. دفع لي حوالي 9 الاف ليزك واسنان تقريبا
بس عشان اعدي النظر والاسنان واتوظف <<<<<<< والعمر 27

][ اسنع واحد ][ · #**1386** (**permalink**) 10-05-2010, 09:49 PM

اقتباس:

المشاركة الأصلية كتبت بواسطة هلالي زعيم

اخواااني انا عندي دبلوم كلية تقنية ومعدلي الحمدلله كويس

وعندي برضو شهادة دورة انجليزي مدتها شهرين .. هل اوديها

لهم ولا بس اللي عنده الثانويه هو المطلوب منه يودي شهادات دوره

انا بإنتظاركم والله يكتب اللي فيه الخير لنا ولكم وفالنا الدوره إن شاء الله

تحياتـي ,,

والله تبي شوري اذا انت بالرياض
روح لهم وعطهم الشهاده .. ان اخذوها زين على زين
وان ماخذوها .. تقدر تستفسر عن الفرز والرسايل متى
.. اذا منت بالرياض مشوار تسافر على شي ماتضمنه بيفيدك ولا لا
وبكذا تتصل عليهم الصباح وتستفسر احسن

فرشنل · #**1387** (**permalink**) 10-05-2010, 09:50 PM

مساء الخير شباب ..

قبل شوي مكلم واحد في القياده يقول طالبين عدد كبير

احتمال يوصل ل 3000 طالب ..

يقول لانه يمكن مايكون فيه قبول الا بعد سنتين عشان كذا بياخذون عدد كبير ..

يعني ان شاء الله كلكم مقبولين .. وسلامتكم

فرشنل · #**1388** (**permalink**) 10-05-2010, 09:54 PM

نسيت اقولكم يقول الرسايل خلاص هانت ان شاء الله الاسبوع الجاي اذا مو قبل

والدوره في مكه ..

][ اسنع واحد ][ · #**1389** (**permalink**) 10-05-2010, 09:55 PM

اقتباس:

المشاركة الأصلية كتبت بواسطة احترامي سلامي

انا اتصلت فيهم على الساعة 10 تقريباً

اقتباس:

المشاركة الأصلية كتبت بواسطة احترامي سلامي

رد علي العسكري السلام عليكم ....عليكم السلام

اول شي قلت له ان شاء الله ان هالصوت صوت خير قال لي الله يسلمك وانت اكثر

تكلمت عن الفرز ..... قال فيه فرز نهائي <<< ضاق صدري يوم قال هالكلمة

بعدين قلت له على كذا الرسايل راح تطول قال لا اسبوع بالكثير وبعدها ينتظرون امر اللواء

بعدين سالته عن الدورة ومكانها ومتى تبدأ قال لي :

قال احتمال كبير ميدان مكة يستقبلكم لانه اكبر ميدان وياخذ كثير

قلت الرياض وش وضعها من الاعراب ... قال الرياض مافيه الا الكلية والكلية ماتاخذ كثير من

200 الى 300 بس

بعدين دخلت معه باسلوب قلت له تراك تكلم واحد من اخوانك ايش وضع الفرز قال هونها

ان شاء الله تتسهل ...... قالي والله لو في يدي شي والله مااقصر عليك بس الدعوة اوراق

قلت له والله ماتدري الوضع النفسي كيف صاير الشباااااب من قوة الووسوسة يناقزون على

جوالاتهم اول مايسمعون بصوت الرسالة ..... قال والله حنا كنا مثلكم مالكم الا الصبر

قلت له والله ماصارت معلقين لا حنا بالسما ولا بالارض

بعدين قلت الله يجزاك خير ان شاء الله ويرحم والديك ومن هالكلام

بعدين

طوط طوط طوط طوط طوط طوط طوط طوط

هذا ما حدث لي هذا اليوم

ماقصرت انا بعد زيك اتصلت ونفس كلامــك

بس تدري وش اكبر غلط سويناه ؟
ماسئلناهم السؤال الاهم : كم عدد المقبولين او المطلوب كم نهائيآ !!
اذا علمنا بحدود كم .. راح نعرف كيف النتايج لاننا عارفين ان الملف الاخضر اللي استلموه
وصل لرقم تقريبا 2700 وعليها
،،
وبنفس الوقت والله احساسي مدري ليش .. يقول حتى لو مافيه فرز واننا مقبولين خلاص
اشوف انها صعبه عليه يقول لك خلاص اضمن الدوره او انقبلت .. لازم يمهدونها لنا
والله يستــر من باقي الايـام

][ اسنع واحد ][ · #**1390** (**permalink**) 10-05-2010, 09:56 PM

اقتباس:

المشاركة الأصلية كتبت بواسطة فرشنل

مساء الخير شباب ..

قبل شوي مكلم واحد في القياده يقول طالبين عدد كبير

احتمال يوصل ل 3000 طالب ..

يقول لانه يمكن مايكون فيه قبول الا بعد سنتين عشان كذا بياخذون عدد كبير ..

يعني ان شاء الله كلكم مقبولين .. وسلامتكم

مكلمـ من ؟ القياده نفسها اتصلت عليهم ؟
ولا كلمت واحد تعرفه بالقياده ؟

أمن المنشات,,,كل مايتعلق بأمن المنشات

إستفسارات ونتائج الوظائف العسكرية

السلام عليكم ورحمة الله وبركاته كل مايتعلق بأمن المنشات من سوال أو أستفسار أو معلومه في هذي الصفحه وشـكرا لكم وبارك الله فيكم ... لكم مني أجمل تحية ...

أمن المنشات,,,كل مايتعلق بأمن المنشات

تسجيل الدخول

أمن المنشات,,,كل مايتعلق بأمن المنشات

إستفسارات ونتائج الوظائف العسكرية

السلام عليكم ورحمة الله وبركاته كل مايتعلق بأمن المنشات من سوال أو أستفسار أو معلومه في هذي الصفحه وشـكرا لكم وبارك الله فيكم ... لكم مني أجمل تحية ...

أمن المنشات,,,كل مايتعلق بأمن المنشات