مع الخيل يا شقرا

تفآحه · #1 (**permalink**) 18-04-2010, 03:04 PM

[mark=#00FF00]طلعت الشقراء بقرة[/mark]

*

مسهم/ صبحهم بالخير والرضا والعافيه

الوكاد .. كلنا نسمع بالمثل اللي يقول ( مع الخيل ياشقرا

)
وكما نعلم فهو يطلق على الشخص اللي يدربي دميجته ورا الناس ويقلدهم في كل شي
حتى لو هو مب صالحن له .. اهم شي انه يقلد، كما هو حال بعض شبابنا وشاباتنا في هذا اليوم هداهم الله

لكن ياترى هل مره سأل احدكم نفسه
من هذه الشقراء المقصوده هنا

.؟

اقروا القصه عشان تعرفون
يقولكم والعهده على الراوي ..

كان يامكان في قديم الزمان كان بوه فلاح

وعنده خيولن جميله
كل صبحيه عقب مايقوم ويتقهوى يروح ويرعاهن ويدربهن

فيفتح لهن باب الحوش أو مايسمى بالإسطبل حديثاً
ويخليهن يدوجن ويلعبن بأرجاء المزرعه لين يطيح اللي براسهن ..

وبنفس الوقت كان عندوه بقره شقراء عزيزةٍ على قلبه

وكانت هالبقره كل ماقام الرجال واطلق الخيول وشافتهن يراكضن

قامت ورفعت ذيلها وركضت وراهن بأسرع ماعندها تقلدهن تسنها مهبوله