شركة الحلول الممتازة لانه انا قدمت لاخوي وحطيت رقم ابوي ولما اتصلوا قال انتم مقدمين على شركة الحلول ولكن مااعطانا لاموعد ولاشي وقال اتصلوا على الرقم هذا ولما اتصلنا عليه طلع فاكس مالحل

أخوي انا اتصلو علي اليوم وحددو معاي مقابله اليوم الساعه 6 المغرب في مقر الشركه في العليا

وطبيعة الظيفه متعاقدين مع بنك سامبا مسوق قروض الراتب ثابت + عموله بس والله محتار اروح او لا

دوامي من 9 أوقع بالفرع واطلع أسوق الى الساعه 5 اجي اوقع وينتهي دوامي بس للحين محتار والله

واي استفسار تحت امرك

طيب كم رواتبهم ووش مميزاتهم وكيف الامان الوظيفي فيها
وماهو الحل إذا إتصلوا على الوالد ولا أعطوه موعد ولاشي فقط أعطوه رقم قال إتصلوا عليه ولما إتصلت عليه طلع فاكس

والله يالغالي طبعآ هي ماهي رسميه يعني شهرين تجريب لو جبت لهم عملاء وعمولات لك يمكن تترسم عندهم

يعني لو اثبت جدارتك رواتبها يمكن 3500 ريال + عمولات وامان وظيفي مافيها .. والحل طال عمرك تبي تتنظر

لين يتصلون مره ثانيه او طال عمرك رح لهم بعد المغرب في مجمع البستان وهات اوراقك وقدم عليهم وانتظرهم

يتصلون مره ثانيه لان ارقامهم مايردون عليها اكثرها فاكس او مايرودون واي شي تبيه لايردك الا كيبوردك

موفقين

انا اليوم دقو علي شركه ..

قالو انت مقدم عن طريق الفاكس

سألتهم عن الشركه قال شركه كبرى :D

قال تم ترشيحك للمفاضله وانتظر منا اتصال وبس

يارجال مايعطونك راتب ثابت كذاااابين كثير شركات زي كذا ومن ضمنهم موبايلي يقولون راتب ثابت ولما تجيهم يقولون جب لنا عملاء او شي يكون اقل شي 5 او 7 ونعيطك . بالعربي كذااابين مافي رتب ثابت على قد شغلك وتسويق راح تاخذ بعدين مهي حلوه افرفر في الشوارع وخش على ناس هذا يطردك وذا يقولك برى ماعجبتني انا وشكرا

يعني بالعربي شحاذ تطلب من الناس ان يشترو بضاعتاك

الظاهر انها كذا عشان كذا اانا ما راح اروح لهم بسحب عليهم ..

والله مابي كل ما اروح لاحد اطق الباب اقول معاك مندوب من بنك سامبا بيدري اني جاي اسوق عرض بيقول اقلب

وجهك والله ناس تستقبلك وناس تمسك الباب عشان كذا بشوف لي وظيفه احسن من هذي .. الله يوفق الجميع

لاتشيل هم يرجعون يتصلوا

انا كم مرة يتصلون واكون نايم , أزعجوني وغيروا وقت اتصالهم من الصبح للعصر ورديت عليهم وهذا الكلام قبل 6 شهور يمكن .. لاتخاف يرجعون يتصلوا لهم فائدة إذا توظفت من خلالهم..

موفقين يارجال