[align=center]
بسم الله الرحمن الرحيم



السلام عليكم ورحمة الله وبركاته


أخواني و أخواتي لا هنتوا ممكن توضحوا لي وين يصير مستشفى الملك فهد العسكري

بالظهران و أنا جاية من طريق الدمام

هذا ولي منكم 1000 تحية ودعواتي لكم بظهر الغيب

ـآللي عند إسكآن الحرَس الوَطني ..!

جآيه من الدمآم من أي طريق ..!

و الله مادري إذا هوا عند الأسكان الي قلت عنه لولا

أنا بكون جاية من طريق الدمام السريع أو شارع الكباري إذا صح التعبير

ما يصير ياجماعة الخير ماحد يرد علي 20 عضوا متواجد ولا حد يرد

وانتي جايه من طريق الدمام مجمع الكباري رايحه للدوحه والخبر والجامعه

امشي لين يجيك طريق الامير سلطان بن عبدالعزيز تقريبا بعد مفرق معرض ارامكوآ اطلعي مع الكبري يسار وامشي تقريبا 4 اشارات لين يجي كبري من تحت الكبري يسار وامشي يجيك ملعب الاتفاق يمينك ويسارك الحرس الوطني بعد الحرس يجي المستشفى يسارك مدري هذا اللي تقصدينه او لا

والعذر ياوخيتي مبطي عن الظهران ماجيت الاهل 2 سنتين والا وصفت لك وصف ادق

ع العموم انتظري بكره اوصفه لك وصف ادق ان شاء الله او احد الاخوان يجي ويوصف لك =)

جزاك الله خير " احساس بارد"

الله يسهل وتمر الأهل

السلام عليكم جمعيا .....
بالنسبة يااختي عاطلة
هذا المستشفى على طريق بقيق الاحساء
كأنك متجه على طريق الاحساء الى ان تجيك محطة الجابرين على اليمين المستشفى يكون خلف المحطة
راح تشوفين اللوحة واي استفسار انا حاضر
وتقبلوا تحياتي .....
اخوكم / المستشار
لاتنسى ذكر الله

الشباب يوصوفون مستشفى الإمام عبد الرحمن آل فيصل (الحرس)

لكن المستشفى اللي تبينه اسمه ((مجمع الملك فهد الطبي العسكري بالظهران))

هذا ياطويلة العمر على خط بقيق كأنه رايحه للهاف مون ((وتجيك محطة الجابرين على اليمين المستشفى يكون خلف المحطة))

فيه كوبري ولووحه واضحه مكتوب مدينة الملك فهد الطبيه

بالتوفيق لكِ

ايه مافيه مستشفى اسمه الملك فهد وعسكري إلا هذا

عندك مستشفى الملك فهد التخصصي بالدمام اللي بـ المريكبات اكيد تعرفيه اللي قريب لـ مستشفى الولادة والاطفال الجديد

وعندك مجمع الملك فهد الطبي العسكري اللي فيه كلية الامير سلطان العسكرية بالظهران

يعني الزبده مافيه مستشفى اسمه الملك فهد الا هذاااااا بالظهرااااااااان

الوصف سهل مايبي له انتي طالعه من الدمام رايح تجاه طريق بقيق والاحساء (الهافمون) تحصلين اتوقع اول محطه اسمها الجابرين بعدها بشوي بتحصلين فيه مخرج يمين يطلعك ع الكوبري وفيه لوحه مجمع الملك فهد الطبي
اطلعي معها فيه بوابه وفيه سكيورتي (عسكري) قولي انا ابي المستشفى

اذا كان عندك مقابله او اختبار روحي بدري احسن

العفو اختي واتمنى لك التوفيق

وبالمناسبه لا تقولين اختي مره ثانيه قولي اخوي