المشروع السابع :هذي مشاريع موسميه مثال في رمضان تسوي وجبات الافطار بسعر مخفض شلون طبعا مثلا الوجبه تتكون من سمبوسه بدجاج وجبن وحبتين لقيمات وتمر ولبن بالنسبه للحم المفروم تشترونه من الثلاجات وليس من المتاجر الكبيره مثل اسواق السدحان والعثيم وغيره لا كل المطاعم تشتري من الثلاجات ويفرق السعر كثير بالنسبة للتمر من المصنع مباشره كم كرتون بالنسبة للبن ولااسهل تشتريه من اي سيارة البان خاصه اذا صارت توها موصله للمحل تناقش انت والمندوب ولاتخاف ماراح تحصل اي صعوبه وبيقولك ابشر خاصه اذا كانت الكميه كبيره والسمبوسات ملفوفه وبالفريزر وعلى فكره ايضا مشروع يجر مشروع للبنات ينفع تسوين المفرزلات قبل رمضان تسوين سمبوسه وفطاير وبيتزا وكلهم تفرزرينهم بالفريزر وحسب الطلب ترسلين وحتى المطبق تسوينه مربعات صغاروتبيعنهم وهات ياطلبات خاصه المعلمات والله تطلعين فوق 6000 بارمضان هذا اذا كنتي كسلانه ومنتي نشيطه بالاعلانات واذا شديتي حيلك ادعولي كلما ذكرتوني
المشروع الثامن:
برضوا موسمي بخصوص العيد ياجماعه مافي احد بيسوي مشروع اليوم ويبي ربحه بنفس اليوم كل الاجانب يرسمون على المواسم مثلا قبل العيد ورمضان تلاقونهم قبلها بشهور وهم يطلبون الجديد منالملابس والجلابييات يعدون العده للموسم فانتم خلكم مثلهم بالنسبة لهالمشروع هو مشروع هدايا العيد
ياجماعه ترا الهدايا الي نشتريها اقل اقل شي ب5 ريال ماتكلف ولاريال
الحين شتسوون قبل العيد بشهرين يعني بشعبان كل الادوات عندك جاهزه الي هي
الكرتون الي بتحط فيه الحلاو اوالهديا هذي ياطويلين العمر تطلبونها من المطابع لا وبالتصميم الي انتم تبون فعشان كذا دايم اقول الي ماعنده ذوق يخلي احد من البنات من اهله هي الي تختار لان مايفهم الحريم الا الحريم ولان اكثر الي يشتريها حريم ويفهمون في القديم والجديد اهم شي شكل الكروتون يكون حلو وفكره جديده له
والحلويات عندكم مصانع الحلويات خاصه انكم بتطلبونها بكميات وتشكلونها واطلبوا حلاو زين هههههههههه الي يسوي هالمشروع اول تغليفه لي عشان احكم عليه
المهم في شعبان تلفون شلون تفتحون الكراتين وتعبونها حلاو بالتساوي وتسكرونها ويقدرون الاهل يساعدون حتى الاطفال ينبسطون المهم بعدين تبدون قبل 15 رمضان توزعون على المحلات الكبيره وهي تبيعها وتتفقون على السعر او تبيعونها مثلا لهم ب2ريالين وهم يبيعونها ب5 او اكثر كيفهم والي مايبي يشتري قولوا له اعرضها لنا ب5 ريال ان انباعت لنا ريالين ولك ثلاثه وان ماانباعت مانت خاسر شي نجي نشيلها اهم شي تنبته لها وترا الي تشوفونه بالمحلات ليتهم سعوديين الي يغلفونها بنقاليه وهلم جرا

لي عوده ماخلصنا ولين ارجع ادعولي تكفون والله دعاويكم تسوى هالمشاريع كلها

مشاااااااااااااااااااااريع راااائعة ما شاء الله , واصلي يا شيخة ما شاء الله عليك طرح رائع و باسلوب جميل

الله يرزقك و يوفقك يا رب ...

المشروع التاسع مشروع تصميم الازياء بس هذي يبيلها موهبه في شغلات في التجاره تحتاج لموهبه ولو ماعندك هالموهبه اسحب نفسك من الاول مثل مشروع تصميم الازياء ومنها البلايز الطويله يحبونهاكثير من الحريم واهم شي ان يكون عندك ذووووووق يعني القطع خيال ترا اغلب الكويتيات يبدون مصممات ثم يمتلكون شركات طبعا طرق التوزيع المحلات لا وتحطين ستكر على التصاميم يحمل اسم لماركه تسمينبها قطعك عشان لو انتشرت لينك تستفيدين
ترا هالتصميم اسميه خلاقين وماعمرك راح تنتشرين ولا تفلحين اذا كان هالشكل تصميمك

بينما انا احب هالتصاميم شوفوا الذوق لا وابشركم صاحبته كانت مصممه عاديه كويتيه والحين اسم شركتها Medusa Tree

المشروع العاشر : صناعة البخور والمعمول ترا على فكره هذي الناس تصرف عليه الوف مؤلفه هههههههه بس مايدري بربحها الا الي يشتغلها وتقدر تبدا هالشغله على معارفك واقاربك طبعا بتقول شلون اسوي معمول اوبخور اغلب الناس يخبون السر لكن على مين الله يخليلنا النت فضحبهم المهم انا لقيت وحده كاتبه الطريقه وهي امها كانت تشتغلهالشغله نسخت موضوعها وهذا هي الطريقه مع اني ولا مره جربت بس حابيت افيد الي يبي يجرب هالشغله وترا على فكره هذي اكثر شغله مايبيلها دعايه لان الريحه هي الدعايه الاصليه قسم بالله ان صاحب اي محل اذا شب على معمول حلو تجيبنا ريحته وانا باخر السوق واذا شب خايس ودي وانا ماره اطفيه بنص العصير الي معي ههههه المهم هذي الطريقه
طـريـقـة صـناعـة البـخــور

تمر صناعة البخور بثلاث خطوات رئيسية كالتالي :

أولاً : شراء المواد الأولية :
شراء العطر الدهني المناسب :
وتوجد الخيارات التالية :
- شراء ما يسمى بـ ( عطر البخور ) وهو عطر خاص بالبخور .
- أو إذا رغب الشخص في أن يكون العطر برائحة معينة ، يمكنه خلط أنواع من البخور مثل االورد والزعفران و العود المخفف والمشموم والصندل .. الخ ، وإذا رغب الشخص في أن تكون رائحة البخور قوية ، يمكنه إضافة عطر فرنسي اسمه ( فيجي ).

شراء بودرة العود :
- وتسمى في السوق بـ " دكة البخور " وهي مادة خشبية يتم تصنيع البخور منها وتكون ناعمة أو شبه ناعمة . ولابد التأكد من نعومتها بسؤال البائع لإنها تؤثر على رائحة البخور إذا كانت هذه المادة سيئة . وكمية الشراء تكون 4-6 مرات من كمية العطر ، فمثلاً عند شراء 10 تولات من عطر البخور، فيكفي عندها شراء 40-60 تولة من دكة البخور .

3. شراء طين المادة العطرية : وتسمى في السوق بقطع الـ " العنبر " وهي مادة عطرية على هيئة الطين لونها أسـود .
-
ثانياً : طريقة التحضير :
1. تذويب قطع العنبر لتصل إلى درجة من الليونة بحيث يسهل استخدامها عند الخلط ...
2. تكون عملية الخلط شيئاً فشيئاً ، حيث نضع كمية بسيطة من الدكة ثم نسكب عليها كمية بسيطة من العطر وكمية بسيطة من العنبر المذاب ويتم خلطه ودعكه جيداً لضمان وصول العطر إلى كافة أجزاء الدكة ( البودرة الخشبية )...
3. نكرر العملية رقم 2 إلى ان ننتهي من خلط جميع كمية العطر والدكة ، وللتأكد من تشبع العطر في الدكة ، يمكن أخذ عينة بسيطة من الخلطة وحرقها ومن خلال الشم تتضح الرائحة عما إذا كانت رائحة خشب محترق، أو رائحة بخور ، وعلى ضوء النتيجة يمكن إضافة مزيد من العطر أو لا نضيف.


ثالثاً : تعبئة البخور :بعد إتمام التحضير ( الخلطة في شكل بودرة ) يكون البخور جاهز للتعبئة ، وأمامنا خياران للتعبئة :
1. تعبئة الخلطة في علب ( زجاجات عطر ) أو أكياس حسب الأحجام المطلوبة
2. في حالة الرغبة في تعبئته على شكل دوائر أو مربعات أو أيه أشكال أخرى .. نقوم بالعمل التالي :

أ. اعداد المادة اللاصقة وذلك بإذابة كمية متساوية من السكر والماء عن طريقة التسخين ، وكلما تم تقليل السكر كان أفضل لكي لا يؤثر على رائحة العطر .

ب. إضافة المادة اللاصقة ( الماء والسكر المذابين ) الى خلطة البخور الجاهزة بصورة تدريجية ( أي شيئاً فشيئاً ) وتخلط بصورة جيدة .

ج. وضع الخلطة المكونة في ( ب) في العلب المطلوبة ويفضل وضع الخلطة في علب زجاجية للمحافظة في قوة رائحة البخور لأطول فترة ممكنة .
********************************

للي مهتم بخلطات البخور بس .. أحلى خلطة بخور إماراتية..
اللي مهتم بخلطات البخور ترا هذي خلطه رهييييييبة ومجربة ألف مرة...
ريحتها مميزه جدا و باااااااااااردة,,,.
هذه الخلطة خاصة ( اسمها بخور آهات)

المقادير:

كوب سحال ( العود المطحون ناعم)- تولتين دهن الورد- عنبر حسب
الرغبه - ربع كوب مسك بودر( او اقل شوي)- تولتين عطر نيود مركز.

الطريقه:

ذوبي العنبر في دهن الورد على نار هادئه جدا ( انتباه لا تستنشقي
البخار)- اخلطي المسك الناعم مع السحال عطر نيود ثم صبي عليه
خليط العنبر- اعجني المقادير جيدا- اذا كانت جامده اضيفي اما دهن
الورد او نيود ( حسب الرائحة اللي تفضلين)- كوري الخليط واتركيه في
مكان متجدد الهواء مدة يومين ثم قومي بتعليبه.
******************
خلطة دخون (ألم ترى)

أخلطي كمية من العود العادي المطحون على النص.. مع كمية من عطر ألم ترى وهو أحد عطورات الحرمين ريحته يجنن وكمية من العود المطحون(دكة العود)
واتركية مدة يومين في برطمان زجاجي طبعا وشوفي النتيجة اتمنى أن تعجبكم.........

*******************

مقادير البخور الخليجي الأصيل

1\كوبين هيل
2\كوب واحد من أعواد البخور
3\كوب واحد مسك جامد أكيد. وليس سائل.<<هذي من عندي
4\واحد كوب زعفران.

طريقة عمل البخور1\يقشر الهيل ويترك القشر على حده.
2\يطحن العود.والهيل الذي قشر( البذور) والمسك والزعفران مع بعض.
إضافة تولة واحد فقط من العطور التالية:-
عطر باريس مسك ابيض
مريم إستي لودر
كادي مخلط
الشباب عرق العنبر
عود الصندل
يخلط جميعاً حتى يتجانس،ثم يوضع في حاوية أو علبة محكمة إغلاق ولا يصلها الضوء لمدة شهر على الأقل...
جميع المذكور توله واحدة
وهي من عند أجمل اللي هي العطور المذكورة أعلاه ..وممكن محلات العطور العادية اللي تبيع كل شئ..*********************

** أحلى بخور(دخون)بطريقه السعودية**

أولا نأخذ كيلو عود مطحون
3 تولات مسك اسود
ملعقه صغيره مسك ابيض
كاس صندل مطحون
كيلو سكر كيلو نبات
او كيلوين سكر

الطريقه …..نقسم المقادير 3 اقسام ونعمل كل واحد على حده
بضع السكر على نار جداجدا هادئه ونحرك بستمرار ايلا ان يشقر
ثم نضع الخلطه(الصندل *العود*والمسك السود*المسك ابيض))
على السكر ونحرك جيدا ايلا ان تتداخل المقادير جيدا
نسيت ان اعلمكم ان تضعو ا في انا ء معدن او ستيل (فراش مكون من العود المطحون و قليل جدا من الصندل
ثم نسكب السكر في الصينيه ونضع فوقها بقيه الفراش..
***************************

عمل الدخون (المعمول الدوسري)
1- المقادير:
نصف كيلو ظفور, نصف كيلوعود ، نصف كيلو جاوني.
2- الصبغة:
ملء التولة (ابو جريدة) زغفران أبيض ،ملءالتولةمستكاوي،
ملءالتولةباريس، ورد اسطنبولي وحدة كاملة،مخلط 4000،صندل وحدة كاملة،وردي ابو غطاأحمر،حبشوش وحدة كاملة،ابو نفرة،ابو جنية،شمة العنبر,مركز العنود –مركز دلال.-مركز البخور.(-جاوني –شنة )كلها ملءربع كيلو
الطريقة :
بعد تنظيف الظفور بالماء والصابون وقليل من العويدي والهيل نقوم بتجفيفهاومن ثم تنشيفها ثم :

1- باقي المقادير من طيب الظفور عليهاوتكون ملء فنجال من كل طيب.
5- ثم نلملمهابعد خلطها على شكل دائرة.
ملاحظة: الجاوني نضعة مع الظفورعند حمسها،ونضعةمع المقادير بعد خلطها.
3- المركزات هي :باريس –العنود –دلال- باريس أكبر مقاس ابو 90
4- العنود ودلال بمقواس ابو 45 .
5- وردي –مستكاوي-زعفران –كلها مقواس أبو 90
6- زعفران حب ملء فنجال أوأقل شوي.
7- الشنة تحمس مع الظفور والجاوني ثم توضع في الصبغة.

الكلام سهل ياشيخه العاطلين

ههههه الاحظ انك تحلمين بمشاريعك او تتحلمين

المشاريع ماتبي ضحك تبي جد واجتهاد

عاطل شسوي لو بكتب الكلام باسلوب جاد وقاسي يحسون على قولتك ان الكلام سهل فاحسن شي تكتب باللغه العاميه وانا اغلب المشاريع الي كتبتها مجربتها او ماره علي من خلال معارفي فلما اكتب اتذكر مواقف بس ليش اصابعي تكتب هههههههههه ماادري الروح تضحك والاصابع تكتب عموما تشرفت بمرورك والله والله ان العمل اسهل من الكلام بس لو اهتوى الانسان ماقال هذا عيب وهذا فشيله وماادري وش بعد من اعذار ترا انا مع الي يستحي انه ينتشر قبل لاينجح نجاح مبهر لان بصراحه انا في مشاريع لي اول مابديت فيها ابد ا دايم بدون ماانتشر على نطاق المعارف لانهم بصراحه اما حسدوك ولا اشمتو فيك بس اذا نجحت حيل سبحان الله تحس بثقه كبيره لدرجة انك عادي تقول وش كنت يوم من الايام فلا تلوم الراجحي لو اعترف بشغلةالحمال تراها ثقة النجاح
وبالنسبة اني احلم انا الحمدالله عندي مشاريعي وايضا احلم اساس النجاح الحلم ولي مشروع قريب ان شاء الله بالسيارات بعد فتره بنزل له اعلان طبعا في منتدانا

الله يسعدك دنيا واخره ويحقق لك مبتغاك وكل الي تتمنيه

المشروع الحادي عشر: مشروع ترحيل الشغالات لا وتفتيشهم بصراحه هالفكره طلعت يوم جت اختي ترحل شغالتها وكانت شاكه انها ماخذه اثر منهم وبينهم مشاكل المهم ماتقدر اختي تفتشها فرحنا ندور على حل وفي منتدى حواء لقينا وحده كاتبه انها مفتشة خادمات وترحلهم بعد المهم اختي ماتبي منها الا انها تفتشها وماطلعت لااختي الا ب150 وعيت باقل لا ومصريه الحرمه وعندها ضغط طلبات تقول احجزوني قبل موعد سفرها باسبوع قلت ليش لا ماتكون سعوديه ادري ثلاثة ارباعكم بيقول وشوا وغيره بس بقولكم الناس طبقات مختلفه فانا مااتكلم عن كل الفئات في ناس ترا هالشغله لاهي عيب ولايعني يخجلون منها وهي اصلن ماتكلف شي رقم شغل ويجي عليك الطلبات طبعا من حريم مثل هالمصريه واحسبوها لو اقل شي 150 في 30 كم بيطلع طبعا هذا اقل شي لوهو طلب بس واحد في اليوم لا وقالت لاختي اذا تبيني اوصلها للمطار لها سعر ثاني بس اختي قالت بس تفتيش وزوجها بيوديهاطبعا في ناس عاديلانهم يشتغلون حارسات امن ووغيره وكل انسان حسب حاجته