الحمدالله هاه شهد شاهد من اهله هذا سود المقادير واحد من راعين هالمشاريع
المشروع الثاني عشر:
توصيل من والى المطار وهذي مايبيلها الا ان يكون معك سيارة نظيفه وريحتها حلوه واذاكنت مدخن رجاء اضبط نفسك ولاتدخن وخل ريحة السيارة حلوه هذي على كل مشوار 50 ريال وانت وجهدك لان كلما اكون مسافره وارجع ناخذ تكس يوصلنا ب50 ريال لا وهذا وبيتنا بالشمال قريب منالمطار مادري كم ياخذون على اللي بالجنوب المهم هذي يبيلها انك دايم مرتكز قدام البوابه بالمطار وهات ياطلبات

المشروع الثالث عشر:
الحراج وما ادراك مالحراج ترا حتى انا ماادري بس مره قريت لقاءت مع ناس محرجين بالحراج والله العظيم واحد يقول دخلي في الشهر لايقل عن 30 او 40 الف وكله من استلم الي يبون يبيعونه الناس اشتره بارخص الاسعار وارجع بعه باغلى ومره كنا مارين وبطريقنا للبطحا لقينا واحد يحرج على جوالات صينية الواحد ب10 ريال؟؟؟؟بصراحه استغربت وكانت الاشاره ماسكتنا وانا اتفرج عليه قلت اخ لو ا ني رجال كان انزل اشتري كم حبه لو ابيعها ب50 على اقاربي هذا اتفه شي في الحراج شلون الي من داخله ماتلاحظون انك ماتقدر تحط رجلك من الاجانب فيه والله يافيه شغلات فيها ارباح بس يبيلك تزوره وتتمرس في الشغله مره مرتين لين تصير خبير
ويتبع هالمشروع بيع الجلابيات النسائيه وهي انك تشتري الجلابيات من سوق التعمير الي بالرياض جنب سوق عتيقه يبيعونهم بالجمله وانتم تبيعونها مفرق على فكره لو حبت هذي الشغله حرمه لاتروح هي تشتري تروح مع رجال تتفرج وتراويه القطع الي اعجبتها وبعد كم يوم يرجع هو يشتريها لانهم اذا شافوا حرمه دبلو السعر 3 مرات

المشروع الرابع عشر :
صناعة الديكور لاتقولون ويييييييين رايحه مب رايحه لشي ايه صناعة الديكور مب شرط انك تكون دارس ديكور خاصه ان السعوديه مافيها اي شي جديد او ديكور روعه اماانه يكون حلو يعني اعطيه جيدجدا ومع كذا سعره خيااااااال هو والسياره واحد واما انه اعطيه مقبول وسعره بين 4 و9 طبعا انا اتكلم عن صناعة الكنب مثلا
لان من جد لما حبينا نفرش بيتنا والله والله مابقى شي ولامحل مازرته وكلهم مااعجبوني ترا ذوقي شوي صعب بس مايختلف اثنين عليه انه روعه اما احصل حلو وسعره خيال والله كنب حصلته 20 الف لا وخمس قطع وانا احتاج لطقمين يعني 40 الف من غير طاولات ولاشي وهوحلو بس مايستاهل هالسعر المبالغ فيه خاصه انه مب مصنع برا المملكه يعني وين جايبته من ايطاليا مثلا المهم سويت طقمين كلفوني 19 لا والسبب بعد في غلاءهم انهم حفر وشغلات خياليه لا وانا اللي اشرح يعني اذا شافوا حرمه يستلجون ويدبلون السعر بينما اذا ارسلت زوجي في شغلات اعطوه نص السعر اواقل بعد وصراحه طلع قممممممه وحتى غرف عيالي مصممتها بس هالمره بسعر معقول والله رحت لمحل على طريق الملك فهد لغرف الاطفال سعر الغرفه لايقل عن 10 الاف ونفس الغرفه نفسها يسونها بسوق بن دايل ب1500 تفصيل يعني يفصلونها هناك باقل بعد كونهم محلات ويبيعونها دبلات هنا وعلى هالطاري يقدر اي واحد يتفق مع محلات الي في ابن دايل يصور الغرف الي عندهم تصوير رائع وينزلها بالنت مثلا لو الغرفه ب1500 ينزلها ب2500 واذا جاه رزق حلا ل عليه وبعض المحلات يعطونك كتالوجهم لانهم عباره عن ورش اخشاب نزل الكتالوج بالنت وانت الوسيط بين المحل والزبون يعني مندوب لهالمحل

السلام عليكم ورحمة الله وبركاته

ما شاء الله عليك يا شيخة العاطلين .. أنا أشهد انك شيخة
كل الأفكار رووعة .. وأنا حبيت أشارك لأشكرك و أضيف فكرة مشروع صارت بالصدفة ..!!

عمي الله يطول بعمره كان يعمر بيت وكان مشغول بالتجارة و يوم وصل مرحلة التشطيب (البوية و الجبس و الديكورات و البلاط وووو) وصى ولده انه يتولى الشغلة هذي ,, وعاد الولد شغله مضبوط وكل من دخل البيت أعجبه و يسأل عمي يقول أي شركة اللي مصممة الديكور و الألوان؟ قال عمي هذا ولدي ههههه المهم الولد عرف ان عنده موهبة التصميم و التنسيق فبدأ يستقبل العروض و الحين ما ياخذ الا قصووور ..! ما شاء الله

* أحس الشغلة تصلح للبنات >> شدوا حيلكم و بالتوفيق
و اللي عند أفكار يا إخوان يطرحها

صادق ياذهب وانا جربت شغلة تصميم الديكورات ومسكة الفلل وفيها ارباح خياليه خاصه لما تصير عندك خبره لا والمحلات بعد يزودونك بكل جديد في البويات وغيره لي عوده قريبه وشاكره لك مرورك الطيب

المشروع الخامس عشر :
تصريف الاستوكات اول شي شراءها من المواقع العالميه مثل علي بابا وغيره ثم الاتفاق مع الشركه على سعر مناسب وشحنها الى هنا وتصريفها على جميع مناطق المملكه وكل المحلات على فكره اسعارها دايم رخيييييييييييييييصه مره يمكن عشر قطع بريال بس يعتمد على وش هي القطعه تقليد لاي ماركه او اي نوع هل هي اطفال ام بلايز ام غير كذا راح اراويكم شي من الاستوكات مرسلتها لي شركه على ايميلي لاني كانت طالبه استوكات
مثلا هذا سعره 2 دولار يعني تقريبا 7 الا شوي اقل طلب 120 قطعه


وغيره كثير مره شوف هالرابط عن الاستوكات
http://www.alibaba.com/trade/sample/...il_1#id3029873

لاتنسونا من دعواتكم الحلوه ولي عوده

المشروع السادس عشر : تسوي حلا عشا او غدا وتوزعه في صحون بلاستيكيات وتوزعه على المطاعم مثل غوزي والناضج ورنوه وغيره المهم اول شي تتفق معهم وتعطيهم عينات لشغلك سواء انتي بنت او ولد ثم هم يعرضونها عندهم مثلا لك ريالين ولهم ريال
االمهم البلاستيكات بتحصلونها في المنتجات الوطنيه للبلاستيك يبيعونها جمله برخيص
والحلا اسهل مايكون حلى العشا مايكلف شي كله بسكوت اولكر من تحت وهو اول طبقه ثم اما دريم ويب او قشطه مخلوطه بالشوكلاته ثم نحط مره ثانيه طبقة بسكوت وطبقة الخلطه وبس تراه غير مكلف والي مايعرف ويبي يبدا مشروع اعطيه كم خلطه وكم شكل ماراح تكلفه شي بس اهم شي لاتنسونا من دعواتكم وطرا هالمشروع انا لما طلبنا مره من المطعم طلع الحلا مخييييييييييس اف ولما اتصلت على المطعم قال انه من الي متعاقد معه في الحلا يعني مب من نفس المطعم واهم شي اله رخيصه تكتب عليه تاريخ الانتها والانتاج وعادة الحلا يبقى 3 ايام مايتغير طعمه ابد ولاتتغير ريحته يعني تمام التمام

ماشاء الله عليك الله يوفقك ويجزاك خير أختي الغالية .

مشروع ناجح جداااااااااااااااااااااااااااااااااااااااااااااااا اااااااااااااااااااااا